كل عـــــــــــــــام والجميع بألف خير
وحشتونى يا بنات ويا رب اتبسطو في العيد اعتذر منكم لقلة دخولي في الايام اللي فاتت و اتمنى ان التواصل والحماس يرجع اكثر من اول الف الف شكر لكل البنات القدام ما قصرتو والله مع اخواتكم الجدد وكنت خير معين ومرشد لهم صراحه حسستونى بالخجل مشكورات كلكم من دون فرز واحده واحده وللبنات الجدد نورتوتنا وحياكم الله معانا في القروب واتمنى كل واحده توصل للوزن اللي تبيه احب اشكر اختى العزيزه :
خــــ ميار ــــالة
الف الف شكر لك يا غاليه على دعمك ومساعدتك الدائمه ومشكوره للنصائح اللي قدمتيها لفتح الملف الجديد ومنتظرين طلتك
جزاك الله الف خير على مجهودك واتمنى انى اكون ما قصرت في شي ادري مو نفس المجهود اللي سويتيه في الملف الاول بس اتمنى ان رسالته تكون وصلت حق البنات
لكل العضوات المشتركات في الملف العضوات الجدد والقداما
اذكركم ان هذا الملف امتداد للملف السابق بنكمل فيه اللي بديناه في الملف السابق نفس القوانين ونفس الفرق ونفس البنات بالاضافه للبنات الجدد اللي انضمو لنا في الجزء 6
احب اذكركم بأهم قوانين الملف خصوصا البنات الجدد :
1- الالتزام بوضع شريط الوزن وشعار الفريق
2- الالتزام بذكر يومك الغذائي
3- ارسال الوزن لقائد الفريق من يوم الاربعاء الي الخميس المساء لقائدات الفرق اذا تعذر عليك ارسال الوزن لقائد الفريق ارساله لقائد الملف او ذكر الوزن في الصفحه العامه ( لمن لا تستطيع ارسال رساله لمحدوديت مشاركتها )
4- الالتزام بلون الفريق في الكتابه :
فريق الاستر
فريق الوركيد
فريق الزنبق
شعار الملف التخلص من النحافه وبداية حياه جديده مع الجسم الرويان والصبر ثم الصبر والحمااااااس وعدم الاستسلام
اقولها وبكل صراحه وجميع البنات مواكبين التطور كل اسبوع تفرح البنات لان اوزانهم زادت واللي وزنها ما يزيد كانت تتحمس وتبذل اقصى جهد وتعوضه الاسبوع اللي بعده كنا نتعب ونتذمر من الاكل بس لمى نحس ان الميزان قرب يزيد الحماس والاصرار على تحقيق الوزن والزياده كل يوم اكتشف ان كلمة ( مستحيل ) كلمه موضوعه في القاموس مجرد كلمه هامشيه ما لها اي معنى واتمنى ان كل واحده تبعد هذي الكلمه من راسها لان مع الصبر والعزيمه كل شى راح يكون سهل بأذن الله
هذا الاسبوع ما راح ننزل الاوزان في ناس ما نزلو من زحمة العيد وراح ندي فرصه للوزنهم نقص انهم يعوضو واللي وزنها زاد نقول لها عقبال الزياده الجايه واتمنى التوفيق للجميع ونبي الحماس يولع ما شاء الله البنات الجدد مولعين الملف
ومعاهم اكيد البنات القدام ابد حماسكم ما قل ماشاء الله تبارك الرحمن يا رب دائماً متوحدين ومترابطين
في بعض البنات سِألو عن الادويه و( المكملات الغذائيه )
صراحه عن تجربه
-حبوب كبد الحوت افادتنى وهى ساهمت بشكل كبير في زيادة وزنى بس مع المداومه انا مواظبه عليها ما تركتها 6 حبات في اليوم بعد الوجبات الثلاث ( حبتان بعد كل وجبه )
- حبوب الخميره برضو كويسه انا استعملتها بس للأسف خلصت من عندي وماهى متوفره في بلدي لمى اسافر اجيبها
- القهوه ؟؟؟؟؟ ابدا لا تفكرين انك تشربينها قبل الاكل خصوصاً اللي متعودين انهم يشربوها الصبح معروفه انها تسد الشهيه واذا ما تقدرين تستغنى عنها اعملى قهوه مع كريمه او قهوه ساده وحطى جنبك حلويات شرقيه اكليها معاها بس لا تشربيها لو حدها لانها تسد الشهيه
- الحليب مفيد جداً كامل الدسم سريع في زيادة الوزن
- حلاوه طحنيه انا ابداً ما احبها بس فيها سعرات حراريه عاليه جداً عودت نفسي عليها بالغصب وهذا ساعد في زيادة وزنى ( اخلطها بالحليب و اشربها 3 مرات بعد كل وجبه ) الحمدالله وزنى ماشي كويس عليها
- الاستيقاظ المبكر يفتح الشهيه للاكل وتقدرين تستفيدين من وقتك حتى لو اكلتى شي بسيط
- الرياضه مهمه ولو رياضه بسيطه تساعد على شد الجسم وتفتح الشهيه ( انا اسوي تمارين وسط كمنجه كل يوم الصبح ) والحمدالله الاحظ في تحسن في شهيتى للاكل
- اهم من كل هذا عزيمتك واصرارك على تحقيق الثقه بالنفس والوصول للوزن اللي تبينه
شدو حيلكم يا بنات ولا تهملون انفسكم ولا تستسلمون ابداً ابداً واقفو حد بعض شجعو بعضكم وربنا يوفق الجميع ويا رب تسمنون بصحه وعافيه
احب اشكر مدام هاجر
واقول لها وحشتينا يا ست الكل منتظرينك ومنتظرين طلتك
وكل البنات اللي في القروب مشكورات على الدعم والمسانده وجزاكم الله الف الف خير ومجتمعين على الخير دائماً
تحياتى للجميع
لين ضياء
كل عـــــــــــــــام والجميع بألف خير
وحشتونى يا بنات ويا رب اتبسطو في العيد اعتذر منكم لقلة...
كنت بسوي العصير السحري بس مافي موز