ياهلا بالحلوات السهرانات
مشكووووووووووووووووووووووووووووووورة يالاثيرة على هالوصفات اللذيذة وان شاء الله اسويها عشاء بكرة لان زوجي اليوم تعشى برا وفكني من الطبخ وكيف راح تاثيثين بيتك جديد او نفس عفشكم الحين خلينا نساعدك ونتشاور فيه علشان يكون لبنات عالم حواء لمسات فيه مع اني متاكدة انك مهندسة ديكور وفنانه ومبدعه في كل شئ
وييييييييييييييين عبائر الله يعينها لو تبين الفزعه حاضرين المهم تكونين في الرياض ولايهمك
مايحتاج تتاسفين يالغلا كله يانجمه وانا صرت نشيطه واحب السنع والنظافه بفضل الله ثم موضوعك الحلو خلاني اتحمس واشمر عن ساعدي وانفض ايام الكسل والخمول والوساخه الى غير رجعه ان شاء الله>>>>قمت اتفلسف زيادة
بالنسبه لوزني كان يااااااااااااالهوي88 والحين الحمدلله نزل ومالي برنامج غذائي اهم شي المشي واقلل من الوجبات السريعه لانها هي السبب في السمنه واشرب وصفه لدكتور اخصائي تغذيه للرجيم والي هي زنجبيل مغلي وكمون ملعقه وليمونه كامله قبل الاكل 3مرات وحبتين تفاح او مرة الصبح ومرة بالليل استمريت عليها فترة وشفت الفرق وتحطين بالليل ملفوف تسخنيه شوي وتحطينه على بطنك وتلفيه بنايلون وتنامي ينزل الدهون والشحوم مع الاستمرار وا نا بصراحه مانتظمت مرة لاني من النوع الي يمل بسرعه لاكن هالوصفات اكييييييييييييييده ومجربه ومن اخصائين
حمستينا بغسيل الحوش ياحلالالالالالالالالالالالالا وغرنا منك انا ان شاء الله يوم الثلاثاء لان عندي جمعة حريم
ماشاء الله عليك يامارفا افكار حلوةلرائحه تدوم وتدوم وتدوم>>>>> اعلانات
روحك مرحه وفكاهيه ياندى المطر عسى الله يحفظ لك بنوتك الحلوة وانا عندي مثلها جعلنا نشوفهن احلى عرايس ان شاء الله وستات بيوت زي امهاتهن>>>>>احم احم
وهلا وسهلا بالضيفه الجديده ســـــــــــمراء وغداك بكرة عندنا قولي تم
وين البنات الباقيات >>>اعشق الترتيب
بنت ورديه
دعاء الخير
اورجينال99
ام احمد
حنون
ليدي
كافلة يتيم
ام دودي
واسفه اذا نسيت احد
ام خطاب معذورة الله يوفقك ولايضيع تعبك
الي سهرانه تسولف معي ماجاني نوم
ياهلا بالحلوات السهرانات
مشكووووووووووووووووووووووووووووووورة يالاثيرة على هالوصفات اللذيذة وان...
المهم الايام اللي طافت نحنا اجازتنا الجمعة والسبت
الجمعة زوجي سار سوق السمك واشترى مؤونة الاسبوع فصنفت السمك وقسمته وجبات وحطيته في اكياس بدون تقطيع وفي الفريزر على طول وكان عندنا طلعه لبيت اخوي في اماره ثانيه طريقها يستغرق ساعتين تغدينا عندهم وجلسنا لين المغرب ورجعنا عالساعة 8 مساء عاد انا مدوخة من الطريق يدوب تسبحت وتعطرت وصليت وعالعشر كانت عيوني تسكر وتحملت لين 11 ولا انا هوهو احلام الدنيا كلها براسي
السبت طبعا صحيت متاخر عالساعة سبع ونص حتى اني طافتني صلاة الفجر وافطرت وانا احس نفسي كسلانه لاني وراي مذاكره لعيالي واكره ايام الامتحانان لاني احس اني طول عمري من وانا طالبه لين الحين وانا اذاكر وعيالي فيهم طبع انهم ما يفهمون الا اذا انا ذاكرت لهم جربت يبت مدرسين لكن ما في فايده انا الوحيده اللي اعرف خناخيش مخهم مب انا اللي والدتنهم فاستحمل والله يهديهم ويصلحهم وينجحهم
طلعت ويا ابو العيال مشوار لاغراض البيت لين الساعة 11 الصبح ثم عدت وبدت المذاكرةلين الساعة 9 مساء يعني كانت فيه فترات راحه
اليوم الاحد بدات امتحانات ولدي ابو 13 سنه اللي متعبني
صليت الفجر وطلعت امشي في الحوش وتصدقون اني كنت وانا امشي اقول الحوش يبغيله غسيل والحين اشوف الربع مغسيلن احواشهم سبحان الله اصبح بيننا تخاطر وتواصل روحي رغم بعد المسافات
ووراي اليوم طبخ غدا ابونا مشتهي مجبوس هامور وحقي انا بسويلس دجاج بالروب ((لاني ما احب السمك )
وبوصل بنتي الجامعة وبرجع اجيبها وبذاكر لعيالي والله المستعان
اختي نجمه بالنسبه لعشا اخت زوجي سويت عيش صيني بالربيان وسندويتشات (( الصمون الدائري الصغير )) نقانق وجبن شارائح وصالونه عدس مثل عدس الكشري بس اصغر اطبخة مع الباذنجان والبصل ودبس الرمان يصير سميك وهاي طريقة سوريه لذيذه وسويت بعد مرقوقة دجاج وسويت تشيز كيك سوته بنتي
الله يعينك اختي عباير عالحوسه لو كنت جارتي والله كنت ساعدتك