كافلة اليتيم :

السلام عليكم اكيد الاخوات نايمات بعد سهر امس وشو اللي حادنكم الرسول صلى الله عليه وسلم قال بما معناه بورك لامتي في بكورها انا لما اسهر احس الدنيا مهي بطبعيه يعني الارض مب تابته تحتي وعيوني تصير تحرقني واحس اني برجع خل عنكم هالطبع وتسنعوا وناموا بكيير واصحوا بكير وشوفو الصحه كيف بتصيير ...... (( ابله فطوم حيص بيص )) المهم الايام اللي طافت نحنا اجازتنا الجمعة والسبت الجمعة زوجي سار سوق السمك واشترى مؤونة الاسبوع فصنفت السمك وقسمته وجبات وحطيته في اكياس بدون تقطيع وفي الفريزر على طول وكان عندنا طلعه لبيت اخوي في اماره ثانيه طريقها يستغرق ساعتين تغدينا عندهم وجلسنا لين المغرب ورجعنا عالساعة 8 مساء عاد انا مدوخة من الطريق يدوب تسبحت وتعطرت وصليت وعالعشر كانت عيوني تسكر وتحملت لين 11 ولا انا هوهو احلام الدنيا كلها براسي السبت طبعا صحيت متاخر عالساعة سبع ونص حتى اني طافتني صلاة الفجر وافطرت وانا احس نفسي كسلانه لاني وراي مذاكره لعيالي واكره ايام الامتحانان لاني احس اني طول عمري من وانا طالبه لين الحين وانا اذاكر وعيالي فيهم طبع انهم ما يفهمون الا اذا انا ذاكرت لهم جربت يبت مدرسين لكن ما في فايده انا الوحيده اللي اعرف خناخيش مخهم مب انا اللي والدتنهم فاستحمل والله يهديهم ويصلحهم وينجحهم طلعت ويا ابو العيال مشوار لاغراض البيت لين الساعة 11 الصبح ثم عدت وبدت المذاكرةلين الساعة 9 مساء يعني كانت فيه فترات راحه اليوم الاحد بدات امتحانات ولدي ابو 13 سنه اللي متعبني صليت الفجر وطلعت امشي في الحوش وتصدقون اني كنت وانا امشي اقول الحوش يبغيله غسيل والحين اشوف الربع مغسيلن احواشهم سبحان الله اصبح بيننا تخاطر وتواصل روحي رغم بعد المسافات ووراي اليوم طبخ غدا ابونا مشتهي مجبوس هامور وحقي انا بسويلس دجاج بالروب ((لاني ما احب السمك ) وبوصل بنتي الجامعة وبرجع اجيبها وبذاكر لعيالي والله المستعان اختي نجمه بالنسبه لعشا اخت زوجي سويت عيش صيني بالربيان وسندويتشات (( الصمون الدائري الصغير )) نقانق وجبن شارائح وصالونه عدس مثل عدس الكشري بس اصغر اطبخة مع الباذنجان والبصل ودبس الرمان يصير سميك وهاي طريقة سوريه لذيذه وسويت بعد مرقوقة دجاج وسويت تشيز كيك سوته بنتي الله يعينك اختي عباير عالحوسه لو كنت جارتي والله كنت ساعدتك

السلام عليكم اكيد الاخوات نايمات بعد سهر امس وشو اللي حادنكم الرسول صلى الله عليه وسلم قال بما...