كيفكم حبيباتي
اشكر كل من سأل عني الفجر البعيد وأم عزوز وغيرهم
أنا زرت الدكتورة نادية بموعد السبت والحمدلله iكل شي تمام
كانت خياطتها بالعملية روعة ماهو باين شي وصغيرة
اما ولادتي كانت بتوفيق ربي ورحمتة سهلة
دخلت الساعة 9الصباح لغرفة العمليات ولقيت قدامي دكتور محمد أخصائي التخدير وكان روعة باأسلوبة وخفة يدة وربي ماحسيت بالأبرة وكان يسمي ويذكر ربة دايم ودخلت دكتورة نادية ودردشت معي وذكرت **** وطمنتني وكانت سلسة بتعاملها ولما بداء مفعول البنج كان الدكتور محمد يسولف معي وشوي طلع البيبي وصاح وتطمنت وسلموة لدكتورة الأطفال الدكتورة نيفين وشيكت علية ونظفوة وسلموة لأبوة يشوفة وبعدين طلعوة فوق للحظانة
وجلسوني شوي يتطمنون علي بعد البنج وتطمنوا وطلعوني للغرفة فوق الدور الثالث غرفة 69وكانوا الممرضات روعة وخصوصا الهنديات حتى عاملات النظافة وانا ماخليت احد ماسولفت معة وعرفت قصة حياتة هههههههه حرام يكسرون خاطري
واعطيتهم صينية باتشي كبيرة ووزعوها الممرضات
حتى الزوار استغربوا من كثرة الممرضات والعاملات اللي يدخلون علي ويسولفون
مستشفى جد مريح نفسيا وهدوء ونظافة وتعامل والطفل مايجيبوة الابطلب منك وتوقيعك
وتزورني دكتورة نادية كل صبح تتطمن علي
وطلعت يوم الأربعاء وكنت جد حزينة على فراقهم وزوجي استغرب اول مرة يشوف احد يحب المستشفيات
والحمدلله على كل شي وأي سؤال أنا جاهزة

ميمونه انا انصحك بدكتور تقي في مستشفى السلامة
انا مره اجهضت وهو عملي تنظيف
والله يعوضك خير

الله يعوضك خير ياميمووونه انا صار لي اجهاض مثلك زمان ونفس عمر الجنين بس الحمدلله مااحتجت تنظيف طلع كل شي من نفسه سبحان الله جلست يومين او ثلاثه مااذكر بس الحمدلله نزل من نفسه عليك بالاناناس والقرفه واذا مانزل شي روحي شيكي بالمستشفى ويعملو لك تنظيف والله يعوضك يارب باللي تتمني

dal03ah تكفين اكتبي لنا تجربت ولادتك في بروكير مع رنا بالتفصيل قد ماتقدري ومتى كانت وقت دوام رنا العادي او المناوبه...........بليز بازعجك اعذريني على وشك ولاده ودي اعرف لان اكيد بتفيدني تجربتك وبتفيد غيري اكيد

قصه ولادتي
كان يوم السبت الصباح الساعة 6 نايمه حسيت في شي بينزل مني
قمت من النوم واول ماوقفت نزلت علي مويه بغزاره
مررررره خفت لان اول حمل لي
على طول تروشت وصليت
وصحيت زوجي وقلت له اني مررررره تعبانه ونزل علي مويه
طبعااا مصدقني لان باقي على موعد الولاده اسبوع ههههههه
وتركته ورحت المطبخ اجهز اغراضي
وكنت متوقعه ان خلاص المويه وقفت
وجاء زوجي يشوفني فجاء نزلت المويه انحرجت قدامه
مسكين ماديدري ايش يسوي
جهزت اغراضي وطلعت المستشفى
وجلست اقراء كتاب الاورده حق الولاده واقراء سوره مريم
طبعا انا بالدمام ومشوار الى الخبر والناس رايحه مدارسها ودواماتها
وزوجي ميت من الخوف كان متوقع اني باولد بالسياره
وكل شوي يسالني يوجعك شي وانا اقوله لا
وصلت المستفشى عملت اجراءات الدخول
ودخلوني غرفه الولاده كانت مررررره مرتبه ونظيفه
ومومبين انها غرفه ولاده توقعتها غرفتي
جاتني الممرضه والدكتوره بشرى عرفوني بنفسهم
وعطوني ملابس اغير وبدون ملابس داخليه بغيت اجن وشووو من جدكم
وحاولت تقيس فتح الرحم انصدمت وقلت بخاطري جاء وقت الجد
وجلست ابكي وابكي واقول لهم خلاص خلاص بطلع مابي اولد
جلسو يهدوني وقالت لازم وماراح اوجعك صارو ماسكيني بقوه ومساكين طحت في ترفس ههههههه
قالت مفتوح نص سانتي انصدمت قلت بس
قالت شوي وبينفتح
صارت جالسه مع زوجي نسولف ومافي شي يوجعني
وكل ساعتين تجيني تبي تقيس وتاخذ نصيبها بالترفس هههههههه
ماحد سلم مني ذاك اليوم
لكن بعد ماتقيس ااعتذر منهم واسالهم هااا بشري كم سانتي
تقول نص
وشووو نص ليش مايفتح
قالت انتي بكريه يبي لك وقت
قلت يعني كم الساعه 12 بولد قالت ان شاء الله
تعطيني امل
مالكم بطويله
انتهى دوام بشرى وجتني دكتوره هنديه
وصار لها مثل بشرى
وبعدهااا دكتوره مصريه اكرهااا ماعرف اسمها للاسف
كانت تصارخ علي
ولما كانت تقيس احسها مو طبيعيه انتو فاهمين قصدي تسرح وتروح بخيالها
كنت ابعد نفسي عنها
واذا جات كنت اقول لزوجي مابيها قال مافي غيرهااا
من جد تعبت منهم مابقى دكتوره وممرضه مقاسو لكن للاسف الالام بدون مانتفح الرحم
طبعا المصريه اشتكتني عند دكتور فادي باللي اسويه معها
وكان الوقت 12 او 1 بالليل
جاني فادي يقولي لازم تتعاونين مع البنات وانتي صار لك اكثر من 12 ساعه مفتوح الرحم
اذا ماولدت من الحين الى الساعة 7 الصباح راح نظطر نسوي قيصري
لان البيبي راح ينتقل له جرثومه
وقتها جلست ابكي وادعي ربي يفرجها
والسفجر جتني ممرضه هنديه الله يسعدها
كانت مررره مهتمه فيني
وتدعي لي وتسوي لي مساج بظهري وبطني اذا جاني طلق
وكنت ميته من الخوف والرحم موراضي يفتح
صرت اصارخ على زوجي والممرضه
اقول لهم نادو لي الدكتور يجي يسوي لي قيصري
انا تعبت والرحم مو راضي
والممرضه تهاوشني مافي قيصري ان شاء بتولدين
وقاستها والحمدالله فتح وصار 3
طبعا هاجتني دكتوره كانو مشغولين عندهم حالتين ولاده
هم يولودون وانا ابكي من الخوفوابي اخلص
وكنت اسمع صراخهم
والحمدالله بعدها ربي فرجها علي
وصار ينفتح الرحم عندي
والممرضة كانت تعطيني نوعين من الاكسجين وقت الالام
واخيرا جتني رنا وكشفت علي وصار الرحم مفتوح
والحمدالله سهلها لي ربي والساعه 10:10
وصلت احلى ريوف
وعملت لي رنا خياطة تجميليه
لكن لما رحت الغرفه لاحظت شي انقهرت منهم
رحت الحمام اول مره لوحدي ماحد ساعدني ولا حد جاء يعقم الخياطة
و كنت منسيه مافي غير الممرضه تجيني مرتين باليوم تاخذ الحراره والضغط وتعطيني حبوب
وجتني اخصائيه تسالني اذا في شي مو عاجبني بالمستشفى
قلت لها ابدا من بعد الولاده مافي اي اهتمام رنا ماشفتها ورانيا ماجت اطمني على بنتي
وش هالمستشفى اللي مايهتمون بالبكريه
وشوي اللي يجون دقيقه ويروحون كان احد يلحقهم
واليوم الثاني ماشفت رانيا الا بعد ماطلبتها اسال عن بنتي لان جاتها جرثومة
وحطوها في غرفه العزل
وكانو يعتنون فيها بس طلع المبلغ كثير
واضطريت انقلها الى مستشفى الدمام النساء والولاده
وباقي على بنتي يومين ان شاء الله وتطلع لحد ماتخلص جرعه المضاد
ودعواتكم لها بالسلامة
واي استفسار انا حاضره
بس عندي سؤال اللي ولدو في الرعايه الممرضات ماهتمو بالخياطة بعد الولاده

الله يعافيكم اللي تعرف طريقه الحسو
تكتبه لي
ابي المقادير تكون بالكاس او الملعقه ماتكون بالكيلو
لاني ابي اسوي كل يوم

ابي اسال انا لي 7 ايام نفاس وماينزل علي دم غير قطرات شوي
كاني بالدوره بخامس او سادس يوم
مادري طبيعي او اروح الدكتور
طبعا هذا من ولدت مانزلت علي غير مره او مرتين بقوه
وقف وقالو لي ان الحسو ينظف هو صحيح او لا