dal03ah :

قصه ولادتي كان يوم السبت الصباح الساعة 6 نايمه حسيت في شي بينزل مني قمت من النوم واول ماوقفت نزلت علي مويه بغزاره مررررره خفت لان اول حمل لي على طول تروشت وصليت وصحيت زوجي وقلت له اني مررررره تعبانه ونزل علي مويه طبعااا مصدقني لان باقي على موعد الولاده اسبوع ههههههه وتركته ورحت المطبخ اجهز اغراضي وكنت متوقعه ان خلاص المويه وقفت وجاء زوجي يشوفني فجاء نزلت المويه انحرجت قدامه مسكين ماديدري ايش يسوي جهزت اغراضي وطلعت المستشفى وجلست اقراء كتاب الاورده حق الولاده واقراء سوره مريم طبعا انا بالدمام ومشوار الى الخبر والناس رايحه مدارسها ودواماتها وزوجي ميت من الخوف كان متوقع اني باولد بالسياره وكل شوي يسالني يوجعك شي وانا اقوله لا وصلت المستفشى عملت اجراءات الدخول ودخلوني غرفه الولاده كانت مررررره مرتبه ونظيفه ومومبين انها غرفه ولاده توقعتها غرفتي جاتني الممرضه والدكتوره بشرى عرفوني بنفسهم وعطوني ملابس اغير وبدون ملابس داخليه بغيت اجن وشووو من جدكم وحاولت تقيس فتح الرحم انصدمت وقلت بخاطري جاء وقت الجد وجلست ابكي وابكي واقول لهم خلاص خلاص بطلع مابي اولد جلسو يهدوني وقالت لازم وماراح اوجعك صارو ماسكيني بقوه ومساكين طحت في ترفس ههههههه قالت مفتوح نص سانتي انصدمت قلت بس قالت شوي وبينفتح صارت جالسه مع زوجي نسولف ومافي شي يوجعني وكل ساعتين تجيني تبي تقيس وتاخذ نصيبها بالترفس هههههههه ماحد سلم مني ذاك اليوم لكن بعد ماتقيس ااعتذر منهم واسالهم هااا بشري كم سانتي تقول نص وشووو نص ليش مايفتح قالت انتي بكريه يبي لك وقت قلت يعني كم الساعه 12 بولد قالت ان شاء الله تعطيني امل مالكم بطويله انتهى دوام بشرى وجتني دكتوره هنديه وصار لها مثل بشرى وبعدهااا دكتوره مصريه اكرهااا ماعرف اسمها للاسف كانت تصارخ علي ولما كانت تقيس احسها مو طبيعيه انتو فاهمين قصدي تسرح وتروح بخيالها كنت ابعد نفسي عنها واذا جات كنت اقول لزوجي مابيها قال مافي غيرهااا من جد تعبت منهم مابقى دكتوره وممرضه مقاسو لكن للاسف الالام بدون مانتفح الرحم طبعا المصريه اشتكتني عند دكتور فادي باللي اسويه معها وكان الوقت 12 او 1 بالليل جاني فادي يقولي لازم تتعاونين مع البنات وانتي صار لك اكثر من 12 ساعه مفتوح الرحم اذا ماولدت من الحين الى الساعة 7 الصباح راح نظطر نسوي قيصري لان البيبي راح ينتقل له جرثومه وقتها جلست ابكي وادعي ربي يفرجها والسفجر جتني ممرضه هنديه الله يسعدها كانت مررره مهتمه فيني وتدعي لي وتسوي لي مساج بظهري وبطني اذا جاني طلق وكنت ميته من الخوف والرحم موراضي يفتح صرت اصارخ على زوجي والممرضه اقول لهم نادو لي الدكتور يجي يسوي لي قيصري انا تعبت والرحم مو راضي والممرضه تهاوشني مافي قيصري ان شاء بتولدين وقاستها والحمدالله فتح وصار 3 طبعا هاجتني دكتوره كانو مشغولين عندهم حالتين ولاده هم يولودون وانا ابكي من الخوفوابي اخلص وكنت اسمع صراخهم والحمدالله بعدها ربي فرجها علي وصار ينفتح الرحم عندي والممرضة كانت تعطيني نوعين من الاكسجين وقت الالام واخيرا جتني رنا وكشفت علي وصار الرحم مفتوح والحمدالله سهلها لي ربي والساعه 10:10 وصلت احلى ريوف وعملت لي رنا خياطة تجميليه لكن لما رحت الغرفه لاحظت شي انقهرت منهم رحت الحمام اول مره لوحدي ماحد ساعدني ولا حد جاء يعقم الخياطة و كنت منسيه مافي غير الممرضه تجيني مرتين باليوم تاخذ الحراره والضغط وتعطيني حبوب وجتني اخصائيه تسالني اذا في شي مو عاجبني بالمستشفى قلت لها ابدا من بعد الولاده مافي اي اهتمام رنا ماشفتها ورانيا ماجت اطمني على بنتي وش هالمستشفى اللي مايهتمون بالبكريه وشوي اللي يجون دقيقه ويروحون كان احد يلحقهم واليوم الثاني ماشفت رانيا الا بعد ماطلبتها اسال عن بنتي لان جاتها جرثومة وحطوها في غرفه العزل وكانو يعتنون فيها بس طلع المبلغ كثير واضطريت انقلها الى مستشفى الدمام النساء والولاده وباقي على بنتي يومين ان شاء الله وتطلع لحد ماتخلص جرعه المضاد ودعواتكم لها بالسلامة واي استفسار انا حاضره بس عندي سؤال اللي ولدو في الرعايه الممرضات ماهتمو بالخياطة بعد الولاده

قصه ولادتي كان يوم السبت الصباح الساعة 6 نايمه حسيت في شي بينزل مني قمت من النوم واول ماوقفت...

غلاوي22 :

اخاف اتكلم حياكي الله بينا وان شالله تختاري المستشفى المناسبه لك واي شي تحتاجيه مارح نقصر معك ابدا وخليكي متابعه معنا ياحلوووو ضحكته كيفك حبيبتي؟؟؟وكيف صرتي الحين؟؟؟ان شالله احسن ديالى الفهد الف الحمدلله على السلامه ومبروجك ماجاكي ويتربى العريس بعزكم والحمدلله ان الدكتوره ناديه طلعت عند ظنك فيها وربي كتب لك التساهيل على يدها ننتظر قصة الولاده كامله لما تشدي حيلك ان شالله شيخة السمو حياكي الله يالغاليه وياليت تشاركي معنا وتقولين لنا وين تتابعين ووين ناويه تولدي باذن الله عشان نفيدك ونستفيد منك كمان واي استفسار لاتتردي تحطينه روح الورد وchordو عروسه حايسه شخباركم يالغاليات وكيف صحتكم ؟؟؟ ان شالله تكون احوالكم كويسه dal03ah الف الحمدلله على السلامه ومبروك ماجاكي وتتربى ((ريـــــــــــــوف)) بعزكم ان شالله وتفرحين بردتها لحضنك بخير وعافيه يارب.....طمنينا عنها لماتخرج بالنسبه للنفاس اهم شي تغطي راسك عن الهوا والشرابات خليكي لابستها عشان البرد يدخل من رجولك وتعرفين السيراميك ومضاره فالافضل انك تلبسينهم والملابس لاتكثرين لانه حر بس اهم شي ماتجلسين قدام مكيف ولاتتعرضين للهوا لان جسمك لسه مفكك من الولاده البسي بيجامات قطن ورجولك خليكي ضامتها عشان جرح الخياطه اما بالنسبه للاكل انا سمعت ان الكوسا والملوخيه والباميه ممنوعه بالنفاس لانها تزود المويات بالرحم بس انتي خلي اكلك متنوع وكثري سوائل عشان الرضاعه عندك مثلا(مرقة اللحم واللحم نفسه او مرقة دجاج والخبز يكون بر عشان يقويكي والحليب مهم والبيض والسلطه الرز مارح بفيدك غير انه يمتنك فلا تكثري منه كلي منه بس مو كثير والعصيرات والمويه لاتشربيها بارده اشربيها بدرجة حرارة الغرفه وحطي بأكلك فلفل اسود عشان ينظف الرحم واشربي يانسون وكراويه .....والقرفه كمان كمان كويسه ...) ولو تذكرت شي برجع اكتبه بالنسبه لموعد الدكتوره بيكون بعد شهر وبتشيك عالجرح انا عن نفسي بولادتي الثالثه اللي كانت عند رنا مارحت للموعد مسويه عندي خبره وشفت انه ماله داعي :42: بس انتي بكريه روحي وتطمني على نفسك ولي رجعه لك ان شالله واهم شي ارتحتي للدكتوره وتوفقتي باختيارك لها ولله الحمد الف مبروك مره ثانيه

اخاف اتكلم حياكي الله بينا وان شالله تختاري المستشفى المناسبه لك واي شي تحتاجيه مارح نقصر معك...

ميمـgggggنـة :

اللهم أجرني في مصيبتي واخلف لي خيرا" منها أمس الصباح حصل معي اجهاض والحمدلله على كل حال والدكتورة صرفتلي حبوب للتنظيف وعطتني موعد عشان تشيك على الرحم إذا مانظف من الحبوب تسويلي تنظيف وقالت التنظيف تسوي بنج موضعي وماياخذ إلا 5دقايق واطللع بنفس الوقت بس قريت لبعض البنات يقولون الأفضل بنج كامل والتظيف ياخذ وقت من ربع إلى نص ساعة أنا أراجع عند الدكتورة أمل بالروضة ....................... يعني لو احتجت للتنظيف>>أنتو وش رايكم وش أحسن دكتورة و مستشفى يسوون تنظيف؟

اللهم أجرني في مصيبتي واخلف لي خيرا" منها أمس الصباح حصل معي اجهاض والحمدلله على كل حال والدكتورة...

dal03ah :

ميمونه انا انصحك بدكتور تقي في مستشفى السلامة انا مره اجهضت وهو عملي تنظيف والله يعوضك خير

ميمونه انا انصحك بدكتور تقي في مستشفى السلامة انا مره اجهضت وهو عملي تنظيف والله يعوضك خير

غلاوي22 :

الفجر البعيد انا اسفه اني شككتك بس حالتك فعلا تخوف لاتاخدين حبوب قبل ماتتأكدين انك مو حامل والله يكتب لك اللي فيه الخير ان شالله ميمـgggggنـة الله يعوضك ان شالله بالحمل السليم المعافى قريب...بالنسبه للتنظيف انا ماعندي خلفيه بس كثير مايحتاجون العمليه لانه ينزل من نفسه وكثري مشروبات حاره عشان ينزل واللي اعرفه ان الدكتوره امل بمستشفى الروضه شاطره يعني تطمني والله كريم يعوضك قريب two2 حيالله الحاضره الغايبه ...وينك عنا من زمان؟ اكيد مع حوسة بنتك والمدارس الله يعينك انا واحد بس بالمدرسه وطالعه عيوني هذا وهو بصف اول الله يستر لما يدخل المتوسط بنتف شعري:angry: chord كيفك؟؟؟وكيف احوالك؟؟ خلي عنك القلق الزايد ترى القلق يشرد الولاده ...وكلي امرك لله وانا بوصي الدكتوره رنا عليك}}}مسويه عندها واسطه:icon20: شيخة السمو الله يتمم لك على خير واذكر ان اختنا العضوهjust me مثلك تتابع عند الدكتوره بشرى وتمدحها بس للحين ماحددت وين بتولد dal03ah غريبه الاهمال اللي صارلك بعد الولاده والا تعقدوا من ترفيسك لهم :42: امزح حبيبتي لاتزعلين انا عن تجربتي بصراحه باقي شوي ويشيلوني من الارض على اني والده برمضان ويوم خميس والممرضات اول مادخلوني غرفتي اكدوا علي اني لو ابغى الحمام وانتوا بكرامه اناديهم عشان يساعدوني وفعلا بمجرد ناديتهم جتني ممرضه بشوشه وطيبه وساعدتني ودخلت معي وجهزت لي غسول التعقيم ...وسألتني لو حاسه بتعب او دوخه لكن الحمدلله كنت كويسه وماراحت الا لما طلبت منها وتأكدت اني كويسه وطبعا هي مارح تسوي شي لجرح الخياطه بس تجهز الغسول وانتي تتشطفي فيه ولما خرجت لقيتها برا الحمام وساعتدتني ارجع للسرير وغطتني بعد وحتى اليوم الثاني كان جمعه وكان الكل مهتم فيني بصراحه حسيت اني ملكه اما الدكتوره رنا ماشفتها الا صباح السبت كان خروجي الظهر وتطمنت علي وسألتني لو حاسه بشي او حابه اسألها شي واكدت لي اخد موعد قبل مااخرج وبعدها جتني دكتورة الاطفال كان وقتها فيه دكتوره اسمها جيهان حبووووبه مره وطمنتني على بنتي وعطتني نصايح كثيره وكانت مره متجاوبه ومتعاونه بكلامها واسلوبها وقد سمعتهم يمدحون الدكتوره سناء للاطفال وانا جربتها من فتره لما مرضت بنتي مره طيبه وشاطره حتى الدكتوره رانيا جربتها كلهم بصراحه روعه وطريقتهم تجنن تحسينهم فعلا دكتورات اطفال ولما طلعت حزنت مثل ديالى على خرجتي من المستشفى لانهم كلهم بدون استثناء كانوا في قمة التعاون والذوق والاحترام ومو خساره فيهم الفلوس ابدا بس سبحان الله دايما التجارب تختلف من وحده للثانيه ...اهم شي قمتي بالسلامه وان شالله كمان تفرحين بردة بنتك لحضنك وهي بخييييييييييييييير وترى الممرضات حسب مناوباتهم يمكن حظك طلعت لك ممرضه مو مهتمه بس معقوله طلعتي من المستشفى من غير ماتجيكي الدكتوره رنا؟؟؟؟ ديالى الفهد الف الحمدلله على سلامتك مره ثانيه ...وفعلا ام عزوز طمنتنا عليك لما سألت الدكتوره ناديه والحمدلله ان كل شي تسهل عليك وقمتي بالسلامه وانا صار لي مثلك بغيت ابكي يوم طلعت من عندهم ان شالله ماتتغيير معاملتهم وطريقتهم}}}ناويه عالحمل :p ماقلتي لنا وش سميتي العريس؟؟؟؟ بسبوسة الشرقيه كثير يمدحون مانع الخبر ولو رجعتي للملف الاول بتلقين كم تجربه فيه ورابطه بالصفحه الاولى وخليكي متابعه معنا وان شالله بتلقين اللي يفيدك ياحلوووووضحكته طمنينا عن صحتك ...كيف صرتي الحين؟ الهيبه نجديه وام حسون وام ريم وjust me وهداهيدوا وبنينو ولا يهونون الباقيات وحشتوووونا وينكم عنا ماصرنا نشوفكم؟

الفجر البعيد انا اسفه اني شككتك بس حالتك فعلا تخوف لاتاخدين حبوب قبل ماتتأكدين انك مو حامل...