غدو اولا لازم نحلم تراهم مجرد أطفال ومثل مانمل يملون هم
انا صرت أجمع ألعابهم وأخبيها عنهم ماهو كلها طبعا
وصرت أهددهم اذاما ساعدوني أخبيها عنهم والا اعطيها أحد
الكبير يفهم وينفذ بعد ما أساعده شوي
أما ابو ثلاث سنين مطنش
والله يصلحهم
تذكري بسم الله عليها اذا مرضت ودك تطيب وتسوي ازود صح والا لا

ياحبيلك يالمعتصمة..

وياحبي لبو ثلاث ابو حفاظة...ههههه الله يهديهم قمة العنااد في هالسن..

هاللحين حاسة لي الصاله..ولاكأني اتكلم...

طيب رايك..اطنشها واصير انا ارتب بدون رفع ضغط..انا اللي اظف بس بتعصيييب:08:

الله يهدينا...

خبراتكم تفيدني..


الله يرزقنا الحلم والصبر

وعليكم السلام ورحمة الله وبركاته
اولا جزاك الله خير على هالموضع القمه والي معضمنا بحاجه لنقاش فيه وتبادل الخبرات.
ثانيا نسال الله ان يرزقنا الحلم والصبروالاناه على انفسنا وعلى من نعول ومن حولنا.
ثالثا كفيتي وفيتي وقلتي ما يجول بخاطري ولازيادة عندي .
رابعا اذا تذكرت شي اشعر انه بيفيدكم ماراح ابخلبه.

غدو
كم عمرها بنتك اذا كانت اربع وفوق جيبي كيس زباله وانت بكرامه
وخوفيها انك نبي ترمينهم ولا عاد تلقى العاب تلعب فيهم وانك مارح
اتشترين لها اذا ما رتبتهم وهذي طريقتي مع ولدي بس مب دايم حتى
ما يتبلد وماعاد تجيب فايده والاطفال يختلفون يمكن تجيب معها فايده
ويمكن لا واذكر وحدة كانت تقول لولده بسرعه شلهن قبل لاتاكلهن
المكنسه وكانت تمشي عليه ويشيلهن بسرعه ومشت على ولدي فتره
وبعدها ماصارت تجيب فايده

حنيني..

الله يجزاك خير ووالديك..

انا بنتي عمرها 3سنين و9شهور وعنييدة مررة الله يصلحها..

اهددها اقول ترى برميها "تهديد بس"بس مانفع...‍‍‍

فيدييني الله يبارك لك في عيالك..

السلام عليكم ورحمة الله وبركاته

كعادتك ياام لين مواضيع ولا أروع
الله يجزاك خير ويقدرنا على رد جمايلك انت والأخوات

بالنسبة لكظم الغيض والغضب دائما في بالي وفي اعتباري اذا كبرالطفل ايش راح يذكر من اللي حصل بمعنى الطفل من ثلاث سنوات يبدأ يتذكر حتى ولو القليل من الحوادث وغالبا الاطفال مايذكرون الا الحوادث السيئه ومع ان الكلالالالام سهل انا عارفه :( ووين اللي ينفذ

فأهم شي مايذكرون مني الا الشي الحسن تربيه بدون افراط وتفريط ولا ضرر ولا ضرار
ابيهم اذا كبروا يقولون الله يجزى والدينا الخير بدون مايذكرون ضربه من هنا ولا صرخه طيرت عقولهم من هنا :44:
والرسول وهو الرسول اللهم صلي وسلم عليه ماامر بالضرب الا بعد عشرسنين عند الصلاة فهذا قدوتنا اللهم صلي وسلم عليه

ياما صادفت بنات وسمعت عن اولاد يقولون اهالينا ماهم قدوه ابدا وياما قلبوا ايامنا نكد بسبب عدم ضبط الاعصاب او التناقض في الافعال يبون اولادهم تكون تصرفاتهم محسوبه وفي المقابل الام والاب عـــــدم وقمة في التناقض

طبعا اتمنى اطبق كل اللي ذكرتوه زياده على اللي قلت وهذا اعتبره تذكير عشان امسك نفسي لعل وعسى نصير كذا :27:


ام غـــــــــدو الله يخليها لك ويخليك لها يارب
البنات ماقصروا لكن باقولك على طريقه نافعه لدرجه محسوبتك امها كانت تسويها معها
:35: :55:
رتبي الصاله انت وقولي :
الله اللـــه شوفي ياغاده صارت الصاله مثل الورده الحلوة وبوقت قليل :26:
ومن بكرا انت قولي لها يالله من يسبق يخلي الصاله مثل الورده انا ولا انت وخليها تسبقك
ويصير وقت وناسه بينك وبينها فتربط ان وناستها مع امها يوم رتبت معها
يوم ابدأي انت وخليها تكمل
وكل يوم على هالطريقه حتى هي بتجيك تقول يالله نخلي الصاله ورده وان شاء الله تنفع مع غدو

وفيه طريقه ثانيه طريقه الجداول هذه زينه اكيد تعرفينها
تحطين لها جدول فيه مربعات الترتيب والصلاة والنظافه وكل ماصار عندها مربعات اكثر كل مايحق لها طلعات او لعبه او حلويات على حسب

دعواتك الله يهدي اللي عندي مطلعين النخل براسي


وسلالالالالالالامتك
واعتذر على الاطاله
:26::26: