اه يا معتصمة اذا على حرقان الدم فأنا 100% لكن الزعيق والتعصيب صفر%

طول اليوم ساكتة لكن اغلي من جوة..

جوزي مدري ايش جا على باله راح المكتب حق السكن وقال لهم على كل شي خربان في البيت وكل يوم هم مداومين عندي ..

اليوم صارو 3 عمال ابغى ابكي :06:..

ميس الى الان في البيت ..وانا راح اطق من افعالها..

معين كل يوم يبكي ليش مو رايح المدرسة .

كمان جوزي حجز لنا اول نوفمبر :06: يعني يبغالي اخلص كل القرنبع دا في شهرين بس :06:..

من دحين اقولكم ترى راح اخفف مشاركات ولاتكتبو مواضيع جديدة عشان لايفوتني شي :21:..

اما المدرسة ..الله يصبرنا من عنده ..ابغى اروح اخنق المدير والمدرّسة والادارة واحد واحد ..

شفت كيف التعصيب..

امل ..لاتندميني على ماني ندمانة ..موقلت لك اني خبصت ..وزدت الطيب بلة ..انه اليوم سوى نفس الغلط وماعاقبته :06: سويت نفسي ماني دارية ..

اما البرمجة العصبية طووووووووووول الوقت وانا اقول ابغى اسوي لنفسي كورس ..من كله ..حمية ورياضة ومحاضرات وتمارين الذاكرة.. لاني صرت مرة نساية ..لكن مافي وقت ..

قصيت قصة حياتي.

فتكو بعافية..

عاد انا بصراحه كنت ثلاجه وانا بنت بس ماادري وش جاني بعد مااعرست وصار عندي عيال الظاهر ان الاولا د الذكور بالذات يخلون الواحد يصير عصبي على العموم احس ان اولادي صايرين على كل شي يبكون وعصبين مره والمشكله الظاهر من كثر العصبيه على التافه والقوي صار عندهم تبلد يعني احس الاحترام ليه انعد م لأني اعصب على اللي يسوى والي مايسوى حتى احيانا ولدي الكبير يطب فينى طبات غريبه مثلا يكون جالس يتابع كرتون اقوم اغير ينط عليه يعضني مره اعطيته على طول كف وراح غرفته يبكي بعدين رجع قال انا ماقصدي واحيانا يدفني والا اذا جيت اتكلم يقول خلاص بس خلاص ازعجتينا الظاهر العصبيه الزايد ه تخلى الولد مايحترم امه والا ايش زهقت المشكله انه كان كويس اللين صار عمره 8 سنوات الظاهر هذي مراهقه متقدمه ولا ايش ساعدوني هلكوني هالاولاد الله يصلحهم

السلام عليكم ...

والله موضوع حلو...ينفع للمغتربات وغيرهم...

خلوني أحكيكم:

مرة بنتي أم أربع سنين كسرت بيضة على الموكيت.....أنا دخلت عليها !!! والست قاعدة وسط الثلاجة ..

وأنواع الهواش....

وبعدين هديت ونظفت ..ونسيت (أنا) الموضوع......

في الليل جلست أذاكر وهي جالسة عندي ترسم.....

جت عندي وورتني رسمة ...عمري ما راح أنساها...تضحّك وتبكّي في نفس الوقت....

تخيلوا معي الحين:

راسمة وجه ..وفيه عيون رسمتها كبيرة وطالعة عن حدود الوجه ....وعين أكبر من عين(وحش).....

قالت :هذي انتي ياماما معصبة .....وهذي أنا يوم كسرت البيضة(وراسمة شكلها زغنطوووط.... ويد وبيضة مكسورة)

وكانت الرسمة مع إنها غير واضحة....لكنها أبلغ من ألف مقال في تربية الأولاد.....

باقي أقول لكم إني ضميت بنتي لصدري....وطلبت منها تسامحني....ولا تسوي شيء يخليني أزعل منها مرة ثانية.....

وتعالوا شوفوا ابتسامتها المسكينة.... وترى لمن نرضى عليهم يحسون بالأمان ....والراحة.... فتخيلي لو طول الوقت

وانتي تتهاوشين معهم عشان الصالة... والألعاب....ايش راح يكون حال البيت.....ونفسيات الأطفال!!

وتذكري: بكرة يكبرون ....ويروحون ...وتروح الألعاب....وتبقى لك ذكرياتهم....تتمنين إنك لا تزالين ترينهم بألعابهم

وحوستهم...وإنهم حواليك...... بس برضه لازم نعلمهم النظام بدون عصبية.....لأنه في مصلحتهم....

والله يجزي صاحبة الموضوع كل خير.......

اختي 00 جزاك الله خير
كلام رائع واساليب اروع شكرا جزيلا للفائدة000
والبنات عموما اسهل تربيه من الاولاد البنات كلهن حلاوه وذوق وشفافيه وتفهم بلمح البصر000 اما الاولاد الله يهديهم ويصلح قلوبهم يبي لهم صبر وحلم 00
وطريقه : الثواب والعقاب 00 مفيدة جدا مثلا حرمانه اسبوع من مشاهدة tv , ,
وعدم تركه يلعب مع اصحابه 000 وكذلك اجبريه يدخل غرفة نومه قبل اخوانه بساعه 00 كلها طرق على حسب العمر ومدى استيعاب طفلك ومدى فاعلية الطريقه ونتيجتها 00 كذلك لاتنسون اللي ينفع مع طفل قد لا ينفع مع طفل اخر.
جزاك الله خير

الموضوع رائع

انا اقرا الموضوع وافتريت في ولدي ضرب احس انه في عمر 4 سنوات التعامل مره صعب طلباته ماتخلص ويطلب الشي عشان يكبه ويوصخ
خلاص مني قادره استحمله
اخوه ساعات ياكل الضرب بسببه