هل يوجد احد منا ليس لديه امنيه او حلم يتمنا تحقيقه ..
والله الذي لااله الا هو اني اعرف طريقه تحقق جميع ماتتمناه نفسك
وانا شخصيا سويت هذي التجربه البسيطه وربي الي خلقني اني وجدت ماتمنيت عاجلا وتحققت لي امنيات لم اكن احلم بها وانزاحت عني عقبات لم اكن استطيع التغلب عليها بس سويت هذا الامر الذي لم يكلفني شيء بل زادني في كل ماتمنيت خيرا وعجل لي الفرج وسير لي جميع اموري انا ماراح اطول عليكم وبعطيكم الحل مع انو في كثير مايصدقون ولا يقتنعون وربما كانو طول عمرهم يسون هالشيء لاكن ماكانو ينون بصدق ولا يتمعنون بالامر ..الطريقة سهله جدا وهي :
اول حاجه حط في بالك حلم معين او اومنيه تبي تحققها خلونا نقول ابسط مثال من حياتنا :
-انو انت في الجامعه وعندك دكتور مستقعد لك ومافي امل ينجحك بالماده او ان الماده صعبة جدا عليك وفاقد الامل منها ..
طيب يعني الحين الامنيه الي تبيها انك تنجح فيها وماتحملها معاك او اي شي ثاني من جميع امور حياتك ..
الحل :بسيط وسهل بس حط ببالك هذا الامر وقل بقناعه تاامة من قلبك واهم شيء النيه : ياارب اني توكلت عليك بهذا الامر (وتسمي حاجتك )فيا رب اعني عليه ويسر لي امري وانا يارب راضي بماقسمته لي لانك يارب تعلم وين الخيره فيه وانت قادر على كل شيء... وقد قال سبحانه وتعالى : ( فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ ) (سورة آل عمرا ن : 159) ،
- اوكي انت الحين خلاص قلت الدعاء ونويت من كل قلبك انك تتوكل الباقي انك تسو يالي عليك يعني اعمل بقد مقدرتك
ادرس الماده ولاتحمل نفسك فوق طاقتها واهم شيء عشان تتم الامور لاتجزع او تندب حظك يعني تقول يوه الماده صعبه انا برسب الدكتور مايرحم اكيد اني ماراح اسلم منه ..لا لا لا لا اكبر غلط راح يكون انك تقول او تسوي مثل هالاشياء لانو اهم شي انك عقب ماتتوكل تسلم امرك لله وتعمل بالاسباب واذا اصابك سوء تحمد ربك على كل حال ليه لانك سلمت امرك لله وربي قادر على كل شيء
وهو بيسيرك لمافيه خير لك ويمكن يكون اختبار لك ليه :قال عمر بن الخطاب رضي الله عنه : لا أبالي أصبحت على ما أحب أو على ما أكره ، لأني لا أدري الخير فيما أحب أو فيما أكره .
-الحين تكونون خلاص تميتو الطريقة ولا اخذت منكم ولا شيء بالعكس بتفيدكم وبتاخذون اجر عليها وزياده علا كذا تتيسر اموركم واهم شي ان الله يحب المتوكلين من قدك لو يحبك رب العالمين سبحانه وتعالى
لذالك الحين اتمنى من كل من قرى الموضوع يجرب هالعلاج ماراح يضره شيء واتمنى من كل قلبي تكتبون لي تجاربكم ...
وانا بقولكم تجربتي : انا ادرس بالجامعه حملت ماده فعلا اكرها وشلت هم اني راح ادرسها من جديد وكان ماعندي امل اني انجح فيها مره ثانيه لاكن وبالمصادفه ببدايه الترم كنت حاظره محاظره السلم وكانت بنت تتكلم عن هذا الموضوع وهو التوكل وقلت في نفسي انا دايم متوكله على ربي بس هالمره بجرب الطريقه بالتمام وبما انو توني في اول الايام.. وفعلا سويت هذي الطريقة وبدت تمشي الايام وانا مو حاسه بالماده مع انو ساعتها طويله ومتعبه وانا ازداد شطاره بالماده وفهم مع انها مو باللغة العربية
وسويت الاسباب وذاكرت وكاني ما اذاكر وكل مارجعت لدرس احسه جديد قررت اني اسكرها وانام لاني مليت بس ماجزعت ولا شيء بالعكس توكلت على الله واستودعت مذاكرتي الله ونمت والله العظيم الي خلقني اني ماتوقعت بيوم اني راح امشي فيها
كنت خايفه اني احملها من جديد وجاء اليوم الموعود يوم الامتحان النهائي احلف لكم بربي اني ماحسيت بالمذاكره ولا احس اني مذاكره بس قلت لاء انا سويت الي علي وتوكلت على ربي اكيد ماراح اضيع ودخلت الامتحان وانا مرتاحه بحياتي مادخلت امتحان وانا اشعر بزي هذي الراحه والله اني مسكت الورقه وكانت اكثرر من 13 ورقه وحليت وحده ورى الثانيه وكانه احد يحللي هذي الورقه وخلصت وسلمتها وطلعت وانا اصيح من الفرحه احس براحه رغم اني مااعرف وشو حلي صح غلط بس فيني شعور بالرضا وقسم بتحسون فيه ورجعت بيتنا وانا فرحانه فرح مااعرف اوصفه المهم كنت متوقعه انجح فيها بس على الحفه لاكن يوم شفت النتيجه انصدمت نجحت فيها واخذت بلس بعد تخيلو شعوري انتم والله اني قعدت اصيح مو مستوعبه كنت ابي بس درجه تنجحني اخذ بلس زياده ومن عقبها وانا متوكله على ربي بجميع امور حياتي وخليته ديدني وفعلا كل الي دعيته جاني بدون مبالغه وخالتي كانت تشتكي من دكتورها انه مرسب بنات كثير اكثر من 4 مرات وهي اول مره تنزل عنده الماده واسئلته معقده جدا وكانت تعبانه جد من الماده سمعت قصتي وهي بعد يومين اختبارها وجربت والله والله والله ومافي اعضم من الله انها جتني مبسوطه شوي وتصيح تقول انها حلت الورقه كلها وشرحت لي شعورها والله كنها تشرح شعوري بذيك اللحظة وطلعت من الاختبار مبسوطه وهي ماتحس انها اصلا ذاكرت.. ونص بنات القاعه كانو يصيحون من صعوبه الاسئلة والحمدلله نجحت ..
وقالت فعلا انه معجزه.. اعرف اني طولت عليكم بس والله حب لاخيك ماتحب لنفسك انا فرحت لما لقيت لمشاكلي علاج فحبيت الكل يستفيد وياخذ اجر ويحبه رب الكون .. اتمنى اكون افدتكم واتمنى فعلا فعلا تكتبون لي تجاربكم وتشاركوني ..انتظركم ..
ارجو من الجميع نقل الموضوع وذكر المصدر:
http://wwwsweetday752.blogspot.com/
الله يجزاكم خير ..
mankouuuuuuuuuuuuuuul