السلام عليكم ورحمه الله......
"
"
كان يامكان في سالف العصر والاوان ...في مره من مرات التي لن تتكرر وفي لحظه
من اللحظات الرائعه اللي عشناها خوفن ووناستن وكل شي كويس كانت العائله
مجتمعه ويخططون الرجال وش بنروح هالعطله حنا وخالتي الي هم اهل عبسه ...
جانا اخوي الصغير طاير وفرحان بنروح الاردن بنرووح الاردن وواقوم اناقز انا
وعبسه من الفرحه ومير اننا نتجمع ونخطط وش بنسوي بالسفر ووش ووش...
المهم: قلت نبي كراسينا باطياره جنب بعض عشان نفرم حلويات مع بعض ...قسمنا
الاغراض بيننا انا وعبسه واختي واختها المهم اننا نمنا ببيت اهل عبسه لانه اقرب
لطريق المطار .
ومير اننا ندخل المطار ويقوم اخوي مشعل يناقز هيه هيه ترانا بنروح لللاردن والناس
يطالعونه ويكركرون وتجي امي وتقبصه مع كتفه لين صاح واجي انا واعطيه كليجا
على راسه المهم كنا متشوقين مرره للاردن...
وركبنا بالطياره وقمنا نتهاوش على الاماكن قلت لعبسه انا ابي جنب الشباك قالت
عبسه اقول اعقبي بس انا اول من حجز يومننا ببيتكم يوم اقول تراني ابي الشباك
وقلتي خوذي المكان اللي تبين قلت طيب خلي اختي ولااختس جنب الشباك عشان نعد
ومير الا هي تعيي...
الا تبي الشباك وانا اقول اقعدي عليه يامال القعدود والنمل السود ...وبدت الطياره
تطير واللي حط راسه ونام واللي بدى يحش واللي بدى يتامل بالارض واللي فاتحن
الشباك وهاجن ثمه واللي يتخيل لو تطيح الطياره ....
المهم مر ساعه وبدو شياطين البزران تطلع ..قامو اخواني واخوان عبسه وقعدو
يلعبون حبشه بالطياره لين جت المضيفه وخرشتهم وقعدو -اخر شي قررو انهم يلعبون
واحد طش--وعاد هم تطششو كنهم نمل اللي توزى تحت رجلين واحد واللي توزى
عند اللي يسوق الطياره واللي يتوزى بالحمامات وانتم بكرامه واللي جلس جنب وحده
هي وولدها وهاكم يالكركره لين جا واحد دب وجاب معه العصا وتوعدهم الوعد الاقشر
عقبها خمدو ولاعاد تحركو ....ومــر الوقت وفجـأه.. وقال واحدن يحتسي نعتذر
منكم ياجماعه الخير فهناك خلل بالطائرة ومظطرين نوقف بمطار فلسطين عذرا مره
اخرى...
ويبدون الحريم بالصراخ واللي تقول لابالله صرنا علتس بحلودز الناس واللي تقول
ياويلناه ابموت بفلسطين لرجعوني لديرتي لابوها من ديره .وتجي هكا البنت اللي
لابستن لبس مدري وشو وتقول لااااء موستحييل ابي امي ابي ابوي ابي زوجي انا
مابي اروح لفلسطين انا ابي الاردن..
وانا اللي التفت على عبسه وهي تلتفت علي قت عبسه اقبصيني ترا للحين
ماستوعبت قالت عبسه اقول انقلعي منيب فاضيه لك قلت طيب صدز صدز بننزل
فلسطين قالت ماسمعتي الرجال وش يقول يامال الحمى للعدو قلت الله يعني نسلم على
ياسر عرفات واحمد عريقات وخالد مشعل قالت عبسه
انتي ووجهتس كم مره اقولتس لاتتابعين اخبار ونقوم نتناقر انا وعبسه ومير الى
وهي تقلع الطياره بارض فلسطين الطاهره
معطلين مدارس وش اللي 1260 م، قال الفلسطيني لايااختي نحن بعام الف وميتين
وستين واليوم هو يوم معركه عين جالوت قالت ام الطعسه ياويلناه عز اله اللي متنا وقالت
امي ياجعلكم ماتنشطون والله
اللي لاعبينن علينا ومخربين الرحله علينا اقول بس يالله مشينا للاردن ولارجعونا
لديرتنا مانبيكم رجعون جعلكم للي معد انيب قايله
ومير الكابتن طلع فلسطيني قال واالله مااتحرك من هنا لين ادافع عن ارضي ووطني
واللي بيجي معي اهلن وسهلن واللي موب جاي بنجدعه لحمتن لليهود
ومير الرجال كل واحدن منهم يدق الصدر انا بفزع وانا اخو نورة وانا اخو منيره وانا
اخو هدى وانا ولد وضحى ويالله راحو الرجاجيل لم واحدن يقاله سيف الدين قطز
وقالو ياسيف الله يجعل رقبتك مايلمسها السيف وين نحط اهلنا نبي نفزع معكم ونرجع
لديارنا يرحم امك وابوك واللي خلفوك قال ابدن لاتشيلون هم ان مافزنا عليهم احلقو
شنبي قال ابوي الحين لاتقعد تفيهر علينا قل لنا وين نحط حريمنا عشان نبدى معكم
قال سيف ابد شفتو العويره (يقصد اخر اللفه اللي بالشارع)قال ابوي الله الله وش
فيها قال ابد حطو اهلكم فيها وخلهم يطبخون العشاء بنجيب لهم العزبه والقهوة
والشاهي والحليات والدنيا عشان لافزنا ننحتفل قال ابوي لايارجال نبي نفوز ونرجع
لديارنا مانبي منكم واجب
انتم بس خلصو هالورطه اللي ورطتونا فيها ...قال سيف ابدن علي الطلاق ماتروحون
لين تعشون قال ابو الطعسه اقول انت امش ويسهله الله
ومير انهم يمشون ويوزعون جيشهم ويحاربون وقالت لي الطعسه ليه مانروح نفزع
معهم تذكرين الفلسطينيه اللي معنا بالمدرسه الي فزعت لي يوم تفلقني سحر قلت
لها ايه صح يالله قوة قلت البسي ثوب اخوتس وانا بلبس ثوب اخوي
ومير اننا ندق اللطمه ونركب على الخيل ويوم بدى يمشي وحنى نتكرفس منه وانا
عورتني يدي والطعسه جاها شد عضلي برجلها قالت لي الطعسه مالها الا حريمها انا بنغز عيون
رئيسهم وانتي فقشي البيض على وجهه قلت لها يالله قدام سرينا
ومير اني اجيه قلت اسمع يالليث قال ههـا وش عندتس ياممهونه الصير ومقطوعه
المصير قلت ايا الهيس الاربد لاتغلط على عمتك قال ماتعقبين قلت لايكثر بس ومير
اني ارفع راسي للسماء واقول ياااوتس وشذا اللي طاير وهو السبيكه صدق ورفع
راسه
وميرتجي الطعسه وتفخزعينه فخزتن اوب صاحيه وهو يصرخ ذيك الصرخه
وعاد نبدى نفقش البيض على وجهه لين جاه صرع من ريحه البيض\
وطاح مغشيا عليه ويجي سيف الدين وربعه قال وش سويتو قالت طعسه ابدن
انا فخزت عينه وعبسه فقشت البيض عليه عاد اننا خايفات يكرشنا مادرينا
الا وهو يصيح باعلى صوت ياقوووم ياقوووم
لقد هزمنا الوشسمهم لقد هزمنا المغول ومير انهم يجيبون لنا دبابات هديه انا
وطعسه ويعطون كل وحده خمس غنمات وبعيرين وخيل ومير اننا نبيعهن
عليهم ..
ويجي من بكره الصبح ويكرموننا بالطابور ويعطونا شهادات شكر والله اني
لامحتن سيف الدين مروح ولده لابو ريالين يشريهن بس سلكنا لهم نبي
نرجع لديرتنا ..
ورجعنا من بكره لديرتنا بامان وسلام ومعها تحطمت احلامنا انا كنا ناوين
نسلم على رانيا مرت عبدالله بس العوض ولاالقطيعه يجينا هدايا ولا نسلم
عليها ..
ويوم جا عقب اسبوع ويجي سيف الدين وعياله الاثنين بيخطبوني انا وطعسه
ومير اني ابهاتنا يعييون قالو مانزوج بناتنا لابو شكيب ومير انهم يعطوننا
مهر هديه ويروحون لانا فزعنا معهم
ومرت الايام ........... ونسينا السالفه
..........وزي اي سالفه ترسخ بعقولنا كم شهر وننساها
ونسيناها ....>>>لانها كلها فقش بفقش اكيد نسيناها
انتهى....
ملطوووووووووووووش لطشةٍ زينه لعيونكم