معزومه...دخلييي

معزومه...النصايح هاذي راح اتساعدج ان شاء الله

Your self
خلي مشيتج بنعومه يعني لا تكون خطواتك واسعه وكبيره ولا صغيره.. يعني شوي
خلي حركاتج بنعومه مو بسرعه يعني اذا بتاخذين جنطتج (حقيبتك) مو بسرعه شوي شوي مراح تطير الجنطه وافتحيها بنعومه.
ابتعدي عن استعمال الالفاض الرجاليه والقويه
لاتتفلسفين زياده عن الزوم ...وكوني متواضعه
حاولي انج ما تطولين عند صاحبة الدعوه مو تطقينها سهر موحلوه بتطلعين عظمه في البلعوم
اذا قعدتي في مكان لا تتحركين وانتي بماكنج بكثره
اذا كنتي معزومه لاتاخذين كل العايله لان ممكن تحرجين صاحبة العزيمه وخاصه اذا كانت محدده كراسي اواكل للمدعووين فقط
اذا سألتج احدا الموجودات ( اللي ماتمونين عليها حيل) عن ملابسها او شكلها الخارجي جامليها بكلام رقيق وغير مبالغ فيه...ركزوووا لا تبالغون لان البنت ممكن تتشقق من الفرحه وتشوف نفسها حيل انها كشخه يااي
makeup& style
لا تباليغين بالمكياج خلي مكياجج ناعم ويبين شطارتج بالمكياج
اذا كنتي ببتعدلين مكياجج لايكون عند الكل روحي الحمام (عزكم الله) وعدلي الميك اب هناك
ألبسي الملابس المناسبه للمناسبه اللي انتي رايحه لها..مثلا اذا كنتي معزومه على فطور ما تقدرين تلبسين اللون التركواز او الفوشيا او الالوان القويه لكل مناسبه لبس معين
اهتمي بتسريحة شعرج وخليها مناسبه للملابسج واعرفي ان بعض الناس تاخذ انطباع عنج من تسريحة شعرج..يعني مو من صباح الله خير مسويه شعرج كيريلي ومنتفخ او شعرج مو مرتب اهم شي الشعر..
راعي اكسسوارات ملابسج يعني مو تكون الاكسسوارات كبيره وايد وملابسج كلها شغل وفخمه وايد
يعني عمليه عكسيه...اكسسوار ناعم لابراز اللبس...وملابس ناعمه تبرزها الاكسسوارات
When you want to eat
في وقت الاكل قعدي على الطاوله بشكل زين لا يكون ضهرج منحني كأنج عيوز (عجوز)
وانتي تاكلين امضغي الاكل زين مو بلع لان ترى راح تطلع لج كرش وهمن بيكون شكلج مو حلو وانتي تاكلين بطريقه سريعه..جنج مو شايفه نعمه
ولا تملين فمج بالاكل وامتنعي عن الكلام وفمج محشيي بالاكل...اذا اضطريتي للكلام راعي انه يكون كلامج قصير ومختصر...لكل مقام مقال...وخير الكلام ماقل ودل
لا تحركين الكرسي وانتي تاكلين
حاولي انج ما تطلعين اصوات وانتي تاكلين مثل شرب الشوربه soup او اصوات الملعقه والشوكه..إلخ
بعد الانتهاء من الاكل اشكري صاحبة الدعوه على الاكل
-----------------------
ومشكورين واتمنى ان الموضوع عجبكم..مع اني تكلمت باللهجه العاميه اتمني انكم فهمتوني...
تشااوو