معقولة صديقتي العزيزة تحسدني؟؟/ قديم

كيفكم يااحلى بنات

حابة افضفض مش قادرة اكتم اكثر من كدة,,وحابة اشوف وجهات نظر اخرى للموضوع

صديقتي العزيزة جدا كنت اشك انها تغير مني او يمكن تحسدني,,احكيلكم القصة من البداية,,اتعرفت على صديقتي بالعمل (في فرع اخر) وكانت في وقتها عايشة قصة حب وكنت واقفة معاها قلبا وقالبا وانصحها وكانت مستعدة تتكلم ساعات بدون كلل او ملل عن قصتها بدموع او بدون وساندتها وكان اخر شي لما شفتها انها خلاص بتخليه لانه مايستاهل وانا ايدتها,,وفجأة انقطعت عني مع انها كانت دايما تتصل لي ومرة اتصلت لي وقالت بتسمعي خبر حلو بس ماقالت بس وقطعت فترة بعدين اتصلت لي وقالت لي انا عقدت باركي لي وقلت لك عشان ماتسمعي الخبر من برا وتزعلي!!! وغيرت رقم تلفونها وكنت احاول اتواصل معاها على العمل لكن ماعندي رقمها عشان اوقف معاها في عرسها لكن كانت تتهرب مني وقلت خلاص على راحتها يمكن تخاف اني احسدها لاني اكبر منها وماتزوجت!! المهم تمر الايام واسمع من الناس انها حامل وخلفت وبعدها بفترة بسيطة يمكن سنة ونص سمعت انها اتطلقت وانه بهدلها اخر بهدلة,,طبعا صديقتي العزيزة جدا رجعت تتواصل معايا واتفاجأت ورجعت لعادتها القديمة تتكلم معايا بالساعات وهي تبكي وتشكي وكنت واقفة معاها حتى واتصالاتها مؤثرة على عملي لان عملي بالتلفون وهي ماكانت تحاول تقدر هذا الشي وكنت اقول معلش خليها تفضفض لي وخليني اكون نعم الصديقة,,,وكنت قبل ماهي تتطلق انا انخطبت وبعدها عقدت وعدت سنة وهي مازالت تحت تاثير صدمة الطلاق وبعده كان عرسي,,والله اذكر انها في يوم الحنا حقي كانت واقفة جنبي زي العسكري تحش على اهل زوجي وتنتقدهم وتقول لي شوفي نظراتهم وشوفي حركاتهم واللي كان يشوفها يقول انها تحبني حب شديد وكنت فعلا احس انها تحبني,,طبعا انا اتزوجت وهي بدال ماكانت تخفف اتصالاتها بالعكس زيدتها وكانت لو تتصل مرة وماارد ترجع تتصل خمس مرات او عشر مرات لحد ما ارد,,كنت اقول لنفسي حرام مااريد احسسها اني ابتعدت عنها بزواجي وزوجي لاحظ كثرة اتصالاتها وكان يتضايق وانا كنت متمسكة بصاحبتي اكثر!! بعد فترة كانت لما تتصل وما ارد ترجع تتصل لزوجي وكنت اقول معلش من كثر القلق وحبها لي ولما كنت اقول لها مالك ليش تتصلي كدة كثير تقول لي انا قلقانة عليكي يمكن حصل لك شي وكنت اقول لها مايحصل لي شي لاتخافي وترجع تخف بعدين ترجع تتصل لزوجي وتسأله عني! كنت اشك من حركاتها واحس انها زودتها حتى مرة زرناهم لانها كانت مريضة انا وخواتي ولما اتصل زوجي راحت تجري تشوف مين اتصل لي على موبايلي وخواتي استغربوا !! ومرة كنت عازماها هي ومجموعة بنات عندي البيت ودخلوا غرفتي وانا مشغولة في المطبخ وهي اتمددت على سريري لكن لما رحنا مرة ثانية عند صديقة ثانية كانت بتمدد على سريرها لكن قالت فجأة يععععع كنت بنام على سريرها!! طيب يعني على سريري عادي وسرير الناس لا؟؟هل معقولة انها تتخيل ان اللي بيني وبين زوجي احسن من اللي بين اي وحدة وزوجها وليش انقرفت من صاحبتنا الثانية,,انا متأخرة بالحمل وماكنت احس انها تتمنى اني احمل بالعكس كل ما احاول افضفض لها الاقيها تقفل الموضوع,,واخر موقف حصل اني بعد فشل عملية الحقن المجهري الثانية وحالتي النفسية السيئة وفقني الله وزادوا راتبي ومن يومها صاحبتي هذي متغيرة بزيااااادة حتى اليوم تقول لي المفروض يرفعوا عليكم الاسعار زيادة لان رواتبكم زادت!! قلت لها ليش كدة تقولي اذا زيدوا علينا فهو من عينك,,قهرتني والله,,اه نسيت قبله مرة ارسلت لها قلت لها اريد سلف مبلغ ,,,ردت عليا قالت لي ماعندي الا المبلغ اللي يكفيني للراتب,,قلت لها برسالة طيب شوفيلي حد يسلفني حتى لو مبلغ بسيط وذكرته,,ماردت على رسالتي واليوم الثاني قلت لها شفتي الرسالة قالت ايوا قالت لي بعدين بكلمك ولما شفتها مافتحت لي سيرة الموضوع وانا كنت محتااااااااااجة مرة للمبلغ وعملت نفسها كاني ماكلمتها وزادت قلبت عليا,,جالسة حاليا اعيد النظر في صديقتي وحاسة اني خسرتها وانا اصلا ماعندي صديقات غيرها بس ايش رايكم بتصرفاتها,,هل اجلس بدون اصدقاء او اطنش واعاملها برسمية,,والله اني حزينة على حالي حاسة نفسي وحيدة