@@ معقولة كل بنات الرياض مقاسهم 39 ؟؟؟ @@

السلام عليكم..

ايه انا صادقة..

كلكم مقاسكم بالجزم ( الله يكرمكم) 39؟؟

معقولة؟؟

تخيلوا فريت الأسواق فر..

من العويس ( فيه محل كوتشاته رهيبه توي اكتشفه )
الى صحارى..
الى الأندلس..

مالقيت كوتش صاحي..؟؟!!

واذا لقيت

يقول مدام مافيه 39...( ودي اصفقه كف وهو يقول مدام.. يعني عشاني مربربه يقول مدام )

يقول فيه 37 ..36.. خير وش شايفني الأخ..


اقول لهدرجه كلنا سندريلات يعني..!!


اخر شي رحت بيسان..

ولقيت كوتش ماهو من زينه بس لونه سماوي..

قلت فيه مقاس تسع وثلاثيين؟؟

قال مدام(( ثاني مره تصير بس اليوم )) هذا مافيه 39 هذا 85..

انا طارت عيوني.. قلت من وين جايب هالمقاس؟!

قلت لا ابي 39..

قال تبين سعر ولاتبين مقاس؟؟!!

قلت ابي مقاس.. ماهو مشكله السعر؟؟

ويوم جابها.. وانا اخذها وادفع حسابها على طول..

قلت لاتجي وحده من اصحاب 39 وتاخذها..

ويوم جيت للبيت الى هي ضيقه شوي..

وش هالحالة؟؟


الزبده من الموضوع :

تقضوا قبل ماتفتح المدارس بشهر عشان تلقون مقاس 39..