عيوني دمعو اختي الله يصبرك قلبي

يارب يعطيك الصبر و يارب يقوى قلبك

والله قطعتي قلبي وحاسه فيك والله يلوم اللي يلومك بس لازم يصير ايمانك قوي ولا تقعدي تلومي نفسك هذا من الشيطان لاتخلين له مدخل عليك اصبري واستغفري واستعيني بالله واقتربي من الله اكثر واكثر واريد ان اسألك هل تعتقدين انك ارحم من الله عليه اسألي نفسك هالسؤال دايما وراح تنزل عليك طمأنينه وسكينه إن شاء الله ولا تعترضين على امر الله

بس اهم من هذا كله لاتخلين للشيطان مدخل عليك انو تلومين نفسك بانك انتي السبب هذا امر الله مقدر ومكتوب لا انتي ولا اي بشر له دخل بأمر الله وهذا يومه لازم تنتبهين من هذي النقطه واعتقد هي اللي مخليتك بتموتين من كثرة التفكير وهي لوم النفس اصبري والجأي الى الله واسأليه الصبر

والله يعظم اجرك ويسهلك ولادتك ويعوضك بأطفالك

احسن الله عزاك وعظم اجرك

نصيحة خلي تفكيرك بعيالك لايكون اهمالك سبب في فقد احدهم

استغفري وادعي ان الله يربط على قلبك ويثبتك ويرزقك منه بالذرية الصالحة السليمة

كان الله بعونك

حبيبتي هذا أمر الله أنت ماقتلتيه ولا تسببتي بموته هذا يومه اللي الله امر أنه يموت فيه وأقرأي هاذي الآية زين وردديها وبتعرفين أنك بريئه من لوم نفسك ( يقولون لو كان لنا من الأمر شيء ما قتلنا ها هنا قل لو كنتم في بيوتكم لبرز الذين كتب عليهم القتل إلى مضاجعهم وليبتلي الله ما في صدوركم وليمحص ما في قلوبكم والله عليم بذات الصدور) آل عمران

ولاتحزنين أنه مادرى أنك حامل ترى هذا أمر الله يعني حتى لو حاولتي تخبرينه قبل موته كان مستحيل تقدرين وربك كاتب هالأمر ... فاطمئني ولاتجزعي أنت خذتي اللي الله قدره لك .. وقولي في نفسك سبحان مسبب الأسباب اللي قدرلي هاذي الحياة وأنا راضية بأمرك يارب ومطمئنه أنك معي وماراح تخليني :)

واحمدي ربك على حسن خاتمته والحين هو في شغل عن الدنيا وهمومها وإن شاء الله أنه قبره روضه من رياض الجنه ... اتخيلي نفسك مكانه أنك جبتي أولادك ومتي (بعيد الشر عنك ) والحين في قبرك منعمه عند ربك وقبرك روضه من رياض الجنه صدقيني مابتتمنين ترجعين لدنيا وهمومها وإن شاء الله الحين زوجك مرتاح لاهم ولاغم ويتمنالك السعاده واكيد بيزعل عليك لو يدري بحالك فياحبيبتي كلنا على هذا الدرب لاتحزنين ولاتجزعي

وبعدين أنت الحين تبكين عليه أنه فارق الدنيا ياحبيبتي ماحد يبكي على الدنيا وفراقها زوجك محظوظ الله ارحمه واخذه من الفتن للي بدت تطلع في زاماننا الله يرحمنا برحمته ويقبضنا غير مفتونين

وإذا تبكين على حالك "فلا تعلم نفس ما أخفي لهم من قره أعين جزاء بما كانوا يعملون" يمكن الجاي أحلى وبصبرك وبإرادتك الهموم بتروح وربك بيعوضك خير إن شاء الله في الدنيا والآخره

وخلك قوية حتى مايكرهك الناس ويقولون الجلسة معاها غم ونكد... ترى الناس مهما اتعاطفت معاك بتمل وأنت محتاجه للمسانده ومحتاجه أنك تسلين عن همك... الله يربط على قلبك يارب

واحمدي ربك أنك حملتي قبل مايموت وتعيشين بحسرتك أنك وحيده في هالدنيا واشكري ربك عسى ربك ييسر أمر حملك ويطرح البركة فعيالك ويجعلهم بخير وسلامة يارب