شوفي حبيبتي تختلف الدعوه اذا البيت اجار او ملك واذا عنده التزامات ثانيه مثلا امه ابوه اهله ..

تختلف حسب البنت وش متعوده عليه ..؟ سفريات برا كل سنه مثلا؟؟ او عادي

تختلف اذا البنت عندها حسن تصرف وتدبير في الامور والا عشوائيه وخبط لزق؟؟

ممكن يكون للشخص دخل ثاني لو بيسط لازم يسألون

مع احترامي صديقتج مدلعه وايد 5000 راتب حلو وأهم شي في الدنيا الستر وعدم الحاجة للناس بتعيش من أحسن مايكون لو عرفت كيف تتصرف والله بيجعل لهم فيها البركه لان ربنا ما يحب المسرفين

قوليلها تتخيل حالها بعد 15 سنه لو فاتها قطار الزواج أكيد بتقول ياريتني قبلت فيه حتى لو رزقه يوم بيومه وبالنهاية الارزاق بيد الرازق الوهاب

خلي عنج الدلع ولا تطالعين الخاطب بعيون صديقاتج وتخجلين منه طالعيه بعيونج وبقلبج واستخيري ربج واهم شي اخلاقه


اتمنى ما يزلعا حجيي بس أحسها مصختها شوي

حبيبتي

احنا بالبحرين عايشين على 2000او 1500

ولو كل وحده في البحرين طالعت راتب زوجها او خطيبها او اي متقدم ليها جان ما احد اتزوج

بس القناااعه كنز لا يفنى


خذوهم فقراء يغنيهم الله.......قوله سبحانه وتعالى

فيه بيوت مفتوحه بـ1000 و1500
والفلوس مو كل شي أهم شي التوفيق من الله
وإذا وفقهم ربي صدقيني يبي يغنيهم عن كل شي

" خذوهم فقراء يغنيهم الله "
مع ان اللي راتبه 5000 ماشاء الله مايعتبر فقير
توقعتك بتقولي 1500 او 2000 إلى 3000 هذي شوي صعبه عليه المعيشة
لكن 5000 ماشاء الله جدا جدا ممتاااااااااااااز

والله في ناس رواتبه 8000 إلى 10000 وآخر الشهر يتدينون
وناس على 4000 والحمد لله امورهم تمام

المادة الحين موعلى كم الراتب ؟
على البركه المطروحه فيه من عن ربي
وماراح يتبارك المال إلى إذا تصدقتي منه واخرجتي الزكاة راح تتبارك فلوسكم وتعيشو مثل الملوك واحسن


وعلى فكره كثير شباب بدو على قد حالهم وبعدين ماشاء الله فعلا بعد الزواج ربي يفتحها عليهم من كل جهه ماشاء الله لاقوة إلا بالله
تلاقينه من ترقيه لأخرى والراتب في تزايد وكمان يمنح منحه سكن مجاني
اللي يخاف الله ويتقيه مايضيع صدقيني
اهم شي الدين والأخلاق والباقي خليها على ربي

والله يوفقها ويسعدها يارب:26: