معقول فيه ناس كذا 🤕

مساء الخير عليكم جميعاً زوجه خالي الله يهديها يوم عن يوم تجينا 🤕 المشكله انها اذا جت عندنا تاخذ كل شي عندنا مثل الأجبان و التمر ماتخلي لنا شي ابداً انا و امي نستحي نتكلم معاها يعني مره اوفر الله يهديها وتطلبنا بيض وتطلبنا زيت زيتون وكل شي وتطلبنا منظفات فيري وديتول وووو اشياء كثير اذا تفكرون ان حالتهم الماديه قليله فأنتم غلطانيين زوجه خالي معلمه لغه انجليزيه متقاعده وخالي موظف بشركه ارامكو وبناتها 2 محاضرات في الجامعه احنا ابوي راتبه 7 الاف يادوب يكفينا قسم بالله يابنات شي يقهر ماخلت لنا شي بالثلاجه ابغى اهاوشها بس امي رافضه تقول استحي على وجهك اكبر منك طيب يعني نتفرج عليها وهي تاخذ كل شي 😭 والله العظيم ياخواتي اني ماكذبت عليكم بحرف مادري وش فيها امي كلمت خالي بالموضوع ويقول بيشوف لها حل تخيلو حتى الخبز تاخذه من عندنا وحنا وش ناكل بالله