السلام عليكم ورحمة الله وبركاته
كيف حالكم خواتي اتمنى انكم بخير ، سبحان الله يابنات مريت بتجربة غريبه عجيبه راح تتأكدون فيها من قدرة رب العالمين فوق كل شي
انا حملت عن طريق حقن مجهري من اجنة مجمدين من ٤ سنين وطول هالاربع سنين يقولون لي الأجنة ٢ ذكووور واحتفظوا فيها ، المهم رحتلهم عشان عمليه الترجيع وكلموني مختبر الاجنة قالولي الأجنة ذكور ودرجتهم ممتازة، حتى اثناء الترجيع في وقت العمليه قالولي جننس الجنين ذكر، وابشركم حملت حمدلله والحين في الاسبوع ال ١٥ وكم يوم، الصدمه يوم سويت سونار وقالتلي الجنين :
بنت ❤️❤️❤️❤️
انا هنا فررررحت وزوجي طار من الفرحه لان اصغر بنت عندنا كبيره، بس استغربت كيف قالولي الجنين ولد وطلع العكس؟ خصوصا اني قد حملت قبل عندهم وطلع الجنس اللي قالوه!!!!
الصدمة دقيت على المختبر وخبرتهم وانصدمووووا قالوا مستحيل هالكلام قلتلهم هذا اللي صار، قالولي نحن متأكدين وعمليات الحقن المجهري وتحديدالجنسس اكيده وانتي قد جربتي عندنا، قالوا تعالي بعد اسبوعين بنسوي سونار اكيد الدكتوره اللي انتي سويتي عندها سونار غلطت او الجنين صغير مايبين الحين،
المشكله يابنات الدكتوره شاطره حتى خلتني اشوف علامه الهمبرقر والخطوط الثلاث هالشي محيرني وقالتلي اكيد اعتمدي،
انا يابنات عندي الاًولاد والبنات اللهم لك الحمد وفرحانه بهالحمل سواء ولد او بنت بس خوفي يكونون مغلطين معطيني بنت احد غيري ؟؟؟؟؟ هذا اللي مطيرعقلي ومخوفني شرايكم خواتي باللي صار معاي طبيعي ؟؟؟ لاني متاكده طول الاربع سنين كنت اروح اوقع على تجميد ٢ اجنة ذكور !!!!!!
طمنوني الله يطمنكم ويرزقكم من حيث لا تحتسبون
السلام عليكم ورحمة الله وبركاته
كيف حالكم خواتي اتمنى انكم بخير ، سبحان الله يابنات مريت بتجربة...
فحص الجنين قبل الترجيع كان بنت بعدين بعد الحمل صار ولد والخطأ وارد
+ ممكن حقت الاشعه غلطانه
اذا ودك تتأكدين سوي فحص الدم ويبين جنس البيبي