معقوول طوول هالسنوات ماقدرت املك نفسي ؟؟

عصير ليمون بارد • 13 سنة

يختي الحال من بعضه والحين افكر اذا رجعت الدوام بعد العيد كيف بس انام

بروره2 • 13 سنة

هم العيال كذا متعبين بس اول ثلاثين سنه بعدين يخف التعب
امزح معك
انا اشوف ان مشكلة بناتك ان عندهم ام متوتره
وبصراحه انك في حلقه مفرغه ومحتاجه وقفه جامده مع نفسك
انت متوتره وشطانة العيال وترتك اكثر توترت اكثر زادت شطانة العيال وحركاتهم الاستفزازية ودواليك
اقري في اساليب التربيه ونفذي حرفيا
مثلا نومي بنتك في سريرها بالغصب يوم يومين خمسه تبكي بعدين تتعود
خليكي صامه بس هااااديه
اللي تقوليه ماينزل الارض يتنفذ يعني يتنفذ
وترى مو صحيح ان كل اللي عندهم عيال تعبانيين مثللك

زوجة اللورد فهد • 13 سنة

ربي يفرج همك
وباين من كلامك ان نفسيتك جدا تعبانة
حاولي تهدين وتفكرين بهدوء شوي
وخذيهم بالحنان والحب
وابعدي عن الصراخ والضرب
كذا ترى يزيدون
ربي يهديهم لك ويريح لك بالك

لينا وعدنان • 13 سنة

والله يابنات وهالشهر الكريم اني ماعصب من البدايه بالعكس رايقه معاهم ولا حتى امد يدي الا اذا خلااااص وصلوني لحدي من القهر ولا سمعوا كلامي وزودوها ساعتها اضربهم وعلى خفيف بعد..بالعكس انا حنونه معاهم وبين فترات حتى اذا ابوهم مو فاضي يطلعنا والله اقوله بس ودنا مكان العاب بلعبهم مو لازم ينزل معانا اضغط على نفسي عشانهم والا انا محتاجه اطلع طلعه برواقه من غير ازعاجهم مع ذالك تمر علي اسابيع ما اطلع وافكر فيهم يبون يلعبون في مجمع مثلا اوديهم وابوهم يروح عنا ويرجع بعدين ..اكلمهم اسولف معاهم وانبههم على اخطائهم حتى بنتي الكبيره تقولي انتي احسن ام ماتضربينا ولا تصارخين علينا قدام احد ولا افشلها ..اشتري لهم الا يبون عندهم ..اكافائهم واعاقبهم مثلا مره كنت بروح مجمع اشتري لي اغراض ونبهت عليهم اذا مازعجوني وصار هاديين رح العبهم ليين يشبعون واذا لا ازعجوني رح اطلع ..وبالفعل تعبوني القهر ان بنتي الـ9 سنوات كبيره على التصرفات الي تسويها فكانت تعاند وانا بالمجمع والصغيره ازعجتني بتطلباتها وصياحها المهم لييين ماخلاص ارتفع ضغطي وقلت لهم خلاص مافيه العاب ولا حتى انا بتسوق وجلست على الكرسي قريب من البوابه انتظر زوجي يجي وهم جلستهم وقلت لهم خلاص عقاب لكم مافيه تتحركون من مكانكم ولا بلعبكم ولا بشتري لكم شي وسويتها وطلعت من غير لا اتسوق ولا العبهم لكن كلها يوم يومين صاروا يخافون لا اعاقبهم وبعدين رجعوا مثل قبل ..وهذا على حساب نفسيتي لان انا الي حرمت نفسي قبل لا احرمهم والا عليهم هذهم فرحانين وينقازون ويلعبون ولا شايلين الهم الي انا شايلته ..في الشقه ازعاج وهوااش مو طبيعي والشقه ضيييقه كلنا مع بعض الكل يسمع الثاني حتى اذا ابي اقول شي لزوجي ماعرف الكبريه فاتحه اذاينها وتتلقف مرره حتى احيانا تروح تعلم ..والشغاله من صوب ..بالنسبه للبيت على مايخلص الله المعين مادري يقدر يكمل او لا لانه عارفين الارض مكلفه والبنيان مكلف وكله قرووض وممكن يوقف لين مانقدر نجدد القرض عشان نكمل ..يعني الله العالم كم بنظل على هالوضع ..مادري بنات خااايفه على الي في بطني شنو بتكون نفسيته ..انا تعبااانه نفسيتي زفففت حتى زوجي اداريه واراعي وضعه واقضي وقتي طبخ العصر عشانه يحب التنويع والليل اجلس ماضغط عليه يطلعني ووقت الي يبي اسوي له شاي اي شي اقوم اسوي وبناتي نفس الشي لكن بعدين انفجر واقول لزوجي شنو شاايفه انا في حياتي ..هذي حياه ؟!بس اخدمكم وانا مو حاصله على شي وهذا وانا حامل نفسيتي زفت وضغووطات الضغوطات الي على زوجي انعكست على حياتنا لانه قصر معانا وصار عصبي ولا يسمعني حتى لما يكون معانا ما كأنه معانا ابي اسولف معاه افضفض له يقولي لا تتكلمين في شي والا اتكلم ولا يسمعني ..زهقت والله كأني في سجن حتى صديقاتي ابتعد عنهم بحكم اني ما ازور احد ولا اقدر اعزم احد الا بصعوبه لان الشقه ضييقه وزوجي في اي وقت يبي يدخل ولا فيه مكان غير الصاله ..اقول لزوجي صحيح ان بعضهم مو مرتاحين من ازعاج اولادهم لكن على الاقل يطلعون يروحون لاهلهم واولادهم يلهون مع الاطفال ويفكونهم شوي والا بعضهم يطلعون مع ازواجهم مثل قريباتي ..كنا نطلع كانت حياتنا غيير والحين غيير ..انا رضيت اجلس ولا اطلع لكن مو حاصلي فرصه اجلس بهدوووء ..مو حاصلي فرصه اقرأ القرآن والا امسك كتاب ديني واقرأ مثل قبل ؟والله ماقر اركز ولا اقدر مثل قبل اذا صرت لحالي احس بالخشوع وحس بكل كلمه اقراها في القرآن واتأثر الحين اقرأ وانا معصبه!اصلي اوقات وانا معصبه!انبهه على بناتي واخوفهم من عقاب الله لانهم مايعطوني فرصه ..مافيه فاايده بنتي الصغيره حركيه ماتقدر تجلس دقايق ..ولا تخلي احد في حاله لا انا ولا الشغاله الا تبيها تجلس ولا اختها الكبيره الا يتهاوشون والكبيره عناد حتى على دخلت الحمام والله تعاندني مثلا هي ماتروح اصلا الا لما ازن عليها ولما اختها تبي تروح الحمام تروح تزاحم اختها وتبي هي الاولى وقبل النوم اكثر من مره تبي تروح لا ولااازم اظل وااقفه حاارس على الباب !وانا مافيني طاقه بعد ولا لي مزاج على تصرفات العناد..؟؟اول مره يمر علي شهر رمضان بوضع كذا وبنفسيه وضغوطات مثل هالسنه ..حتى موعدي للمستشفى يالله على ما اروح دايم اروح متأخر والسبب زوجي مضغوط ومشغول ..لدرجة اوقات اروح لحالي ونفسي يكون معاي يدخل ويسمع كلام الدكتوره ويسمع نبضات الجنين ..احس نفسي وحيده ولا مشاركني بشي حتى ماحس بفرحته على اني حامل رغم انه هو الي يبي احمل ولا حملت الا بصعوبه ..وبعدين اصير لحالي !

عبير88 • 13 سنة

حلاتي بي شقوتي :

ياقلبي انا عندي والد عمره 5 والبنت 3 وهاوش وانا حمل نفسيتي تعبت بس اتمل بعد الولاده راح ارتاح حطي جدوال مثل الي شطره وتسمع حطي لها نجمه اورده الين توصل الا نهايه دوري بنت جدوال رسومات حلوه تخلي الطفل يقعد عليه الين توصل خط النهايه خذيله الي تبيه الي تفوز اتمن فهمتي

ياقلبي انا عندي والد عمره 5 والبنت 3 وهاوش وانا حمل نفسيتي تعبت بس اتمل بعد الولاده راح ارتاح...

يا حبيبتي انتي مضغوطة نفسيا من الحمل وضيق الشقة وعدم الخروج من المنزل

عشان كذا تشوفي مشاكل بناتك كبيرة وتخرب حياتك

تصرفاتهم عادية جدا بس اذا لزم الامر خليك حازمة وضرب خفيف مثلا بالمسطرة على الكتف بس واحدة

ازعلي منهم حننيهم عليك قولي انا مسكينة وتعبانة ابغى ارتاح

وحاولي تروحي لاحد وتسولفي مع الناس وتغيري جو

بالنسبة لبناتك ترى الاكل له دور كبير اذا كان مليان سعرات حرارية زي الشيبسات والشوكولاتات

يعني االطفل اذا اكل من هذي الحاجات وامتلا جسمه سعرات فين يفرغها ؟؟؟ طبيعي يقوم يجري ويتشاقى

قللي المكأولات ذات السعرات الحرارية العالية والحلويات عشان يهدوا شويه

وقت راحتك طفي الانوار في البيت خلي بس نور خفيف ترى الانوار العالية لها دور في زيادة الطاقة

حتى لو اضطريتي تقفلي الكهربا من الطبلون مو كلها بعضها فقط

واقرئي في هذا المجال من النت حتستفيدي

وارجع واقول المشكلة في نفسيتك انتي لازم تقنعي نفسك ان الواحدة اذا متزوجة وعندها عيال حياتها ماهي لها

ووقتها ماهو لها ةكمان بسبب الشغالة قصدي هي شايلة عنك الشغل فما عندك شي تفكري فيه الا نفسك

ومشاكل بناتك صدقيني لو ماعندك شغالة وخليتيهم يساعدوك في شغل البيت كان انحلت المشكلة شوية