والله يااختي اني اقراء كلامك واتمنى نفسي مكانك انا يا اختي عكسك تماما مليت من التفكير والهواجيس.. والهدوء يخوف بالبيت ..تصدقي ارفع التفلزيون علشان احس في احد حولي ..والله قبل شوي حلمت وانا نايمه ان معي بنت وانا فرحانه فيها وكانت تبكي جوعانه وانا اضمها وزوجي يلعب معها وشوي اقوم من الحلم تمنيت اني ماقمت ...تعرفي ليش؟؟ الحين كملت 14سنه وما كتب الله حمل.....
الله يسعدنا وياك يارب.. بناتك نعمه من رب العالمين انبسطي معاهم الله يخليهم لك ويرزقنا وياك الذريه الصالحه يااااارب

عزيزتـي لما تدخلي تقراي قران خخذيهم معاك 000 بنتك الكبيرة اكيد تعرف تقرا وتكتب فاعطيها قران وخلي الكبيرة تقرا للصغيرة
وانتي كمان اجلسي معهم اقرئي قرانك بنفسك ولا تكوني بعيده عنهم 000 هم كل العيال كذا متعلقين في الاهل لازم معاهم معاهم وين ماراحو وكمان انتي صلي و خليهم هم يصلو معاك قولي لهم اعملو مثل ما انا اعمل وخلااص البيت يصير هدوء وانتي تصلين بهدوء وخشوع واذا ماحبو هالشيء

قولي لهم اوكي اخرجو ولا تدقون الباب لان انا لازم اصلي بهدوء و كوني شوي اشد معاهم من خلاال كلامك انتي مالك كلمة في البيت اسفه عزيزتي بس قوي نفسك شوي الرجال ماهمة شي كلهم انانيين والعيال ومايفهمون لازم تسوين قوانيين في البيت

او مثلا اعطيهم رسوم تلوين مكعبان اي شيء

او انتي العبي معاهم و حددي يوم خاص للصلاه بالخشوع وقرائة القران

والله يرزق كل وحده محرومه من الذرية يارب بهذه الايام الفضيلة يارب

وانا مثلك عندي 3 اطفال
الكبير 11 سنة وعلى طوووووووووووب يبكي ويصاارخ ويضرب خواتة ومللول وعنيد وكلا يبكي على اقل شي كن عمرة بو سنة
والثانية عمرها 9 سنوات وعنيييييدة وماتسمع الكلام واذا عصبت عليها تصررررررررررررخ صراخ مو طبيعي كنها مجنونة
والصغير ة عمرها 5 سنوات مافي فرق بينها وبين الاثنين
تعبت ومليييييت منهم ااعششق الهدوء :(

الله يصبرنااا عليهم ويهديهم حاولي تجلسين مع بنتك الكبيرة يوم لحالك وتفهمينهااا وان شاء الله تهدى والله يكون بعونك

الام اساس البيت اذا توترت توتر البيت معها
خلك هاديه عشان البيبي لا يطلع عصبي ترى بحملي بنتي كنت بس خناق مع زوجي وجت بنتي كل وقتها بس صياحه وصراخ

كم في بيتك غرفه ؟؟؟
اول شي تسوينه شيلي كل العاب بناتك لانهم ملو منها وارفعيها فوق او اقفلي عليها ولا يشوفونها ابد وخلي لهم لعبتين بس او ثلاث العاب باختيارهم والباقي شيليه
لان الطفل يزهق من اللعبه ولما تشوفينهم الاسبوع هذا مضبوطين يختارون العاب ثانيه انا اذا شفتيهم اشقياء لا تبدلين لهم الالعاب

والشي الثاني حطي لك جدول واحسبي لهم اغلاطهم وحسناتهم واخر الاسبوع تكافئينهم بالي تقدرين عليه لو تختار مكان الطلعه

وخلي عندك كرسي بزاويه والي تشاغب تنحط على الكرسي مدة خمس دقايق وخلي الشغاله تساعدك يعني ما تقوم من الكرسي ولا احد يكلمها الا بعد خمس دقايق او تسع دقايق فهمتي
وكل ما قامت خلي الشغاله ترجعها وبنبرها حاده تقولين لها ارجعي ولا تتكلمين معها ولا كلمه
وخلي كلمتك وحده ولا تتراجعين عنها ابد ابد
وبعد ما تنتهي فترة العقاب قولي لها خليتيها على الكرسي لانها سوت كذا وكذا وقولي انا اسفه و اتوب مااسوي الشي واذا اعتذرت ووعدتك ما تسويه خليها تقوم
ولو ما نفع الكرسي لو عندك مكان غرفه فاضيه بالبيت اقفليها عليها قلت لك غرفه لا تروحين تقفلين الحمام الحمام مكان الشياطين اعوذ بالله
مثلا مخزن او غرفه صغيره فاضيه عندكم
اشغليهم واذا ما اشغلتيهم بيشغلونك
اما انك تحفظينهم قران او تخلينهم يشتغلون مع الشغاله تغسل بالمويه والشغاله بالصابون
تكنس الغرفه مثلا او ترتب سريرها
لا تقولين فيه شغاله لا عوديهم انهم يرتبون حتى لو فيه شغاله

اما من ناحية كسل الكبيره وتقليدها لصغيره شوفي التقليد اكيد احد يتميلح حركات الصغيره فعشان كذا الكبيره تقلدها
يعني لا تمدحون الصغيره بايشي عشان الكبيره ما تقلدها يعني كثري مدح للكبيره وعلمي ابوها انها مثلا رتبت سريرها او كنست الغرفه زي كذا
اما روحت الحمام يمكن تخاف صدق اجلسي معها صدق وشوفي ليه تخاف اذا بس كذا تبيك عندها ارفضي قولي عيب انتي كبيره عيب اشوفك
اما اذا فيه شي عاد انتي ابخص اشرحي لها بطريقتك يعني شايفه فلم عن وحوش او شي زي كذا

اوجعت راسك بالقرقه