مشكووورة وووايد أختي ( محبتكم لودي) والله يجزيج ألف خير على هذه النصائح التي ذكرتيها ، بس بغيت أقولج إني بروحي مع الأطفال في الفصل وليس معي معلمة ثانية لأني بصراحة لما كثر عدد لعيال عندي ما قدرت أوفق في إعطاء الخبرات لهم من أجل ذلك أحس إنه كل يوم أذهب فيه للبيت أحس إني ما عطيتهم حقهم ومثل ما قلتي الله يجزيج الخير بسبب العدد الهائل من الأطفال ، وأحس إني ظلمت معظمهم ( الله يسامحني ) بس والله العظيم غصباَ عني بسبب عددهم، بس أختي بغيت أطلب منج طلب هو إنه يا ليت ألقى أناشيد تناسب روضة أولى لأني بصراحة ما أحفظ أناشيد وايد. وجزيتي خيرا مرة ثانية ياأختي والله يوفقج في حياتج ويخليج لأهلج ويدخلج جنة الفردوس آمين ويريح بالج مثل ما ريحتي بالي .

أولا ً من جد ماتدرون كم فرحتي أني لقيت منتدى يتكلم عن رياض الأطفال
والحين بشمر عن ساعدي وأسأل والله لا يحرمكم الأجر تساعدوني
أولاً: هل عندكم فكرة لليوم المفتوح والفكرة الله يجزاكم خير ماتكون تقليديه عشان أوضح أكثر مثل إستأجارقطار في اليوم المفتوح قطار كهربائي يعني مثل كذا الله يعطيكم العافية.
ثانياً : أفكار تخص بطاقات الدعوة بطاقة إشعار أولياء أمور أن هناك دعوة لليوم المفتوح
وبطاقات الدعوة للحفل الختامي .
وأنا متأمل خير بأن روضتنا بتطور بسببكم .

اختي العزيزة محبتكم لودي ما طلعت معاي صور الكليب آرت ليه.؟؟؟؟؟؟؟؟؟؟؟؟؟؟؟؟؟

مشكورة انت والأخوات على المجهود الرائع.........:26:

يا معلمات رياض الا طفال فى الكويت احنا طبعا راح نبدا التدريس من يوم السبت لخبرة الحاسوب فى روضتى وهى خبرة جامده فلى عندها منبهات حلوه للخبره تساعدنى او نتعاون مع بعض لوضع منبهات حلوه نستفيد منها وغيرنا يستفيد ونبى بعد افكار للمسابقات ولا تاخرون علينا نبى قبل السبت اشاء الله

http://alaseel2003.jeeran.com/lمتميزة.bmp

الاخت ام الابطال لا تستعجلين على طفلك بالتعليم واذا ربطتيه باللعب بيكون افضل اشتري له العاب الاحاجي زي البازل والعاب الفك والتركيب والمكعبات والعاب التصنيف (حسب اللون والشكل) واشتري له المعجون عشان يشكله براحته وينمي عضلاته الصغرى بشكل افضل حاولي دايم تختارين له لعب تعليميه مفيده له واقصد بالتعليميه ليس شرطاً تعلمه حروف او اعداد لا اقصد تعلمه فكره معينه تنمي عقله شوي يكون فيها نوع من التفكير والمهاره عليك بهذي النصائح قبل تعليمه حروف واعداد وقبل ان يمسك القلم ليكتب اجعليه يلون ويضبط التلوين ولا تستعجلين على تعليمه خليه يتعرف على شكل الحرف وصوته واربطيه بصوره مثل أ (أسد) بدري على الكتابه وكذلك العدد علميه شكل العدد ومفهومه مثلا اليوم بتعلمينه العدد 2هاتي من كل شي شيئين( قلمين - كتابين- عندنا اذنان- عينان- يدان- رجلان...الخ) كذلك تمرين بسيط اجعليه من صنعك ضعي دائرتين ومربع وثلاث مثلثات واربع نجمات وهو يضع دائره حول العدد المطلوب والصحيح.
هذا اللي جاء في بالي واتمنى من البنات يساعدونك في طلبك لاني ما اعرف مواقع فيها اللي طلبتيه.

الاخوات دلوعة عادل وشذى العمر وهيا 2002 نتمنى مشاركتنا بأي شي بسيط عشان يصير ملفنا غني باللي يفيدنا اكثر مما يكون طلبات فقط لذلك سأحاول تلبية طلباتكم ولكن ارجو منكن التكرم علينا بما تجود به انفسكن سواء من افكار او اناشيد وانتن كريمات ونحن نستاهل :32:

دلوعة عادل ممكن تسوين بطاقات وعليها صورة الملك فهد وتكتبين عليها بمناسبة اليوم الوطني لمملكتنا الغاليه وتضعينها كشريطه للأطفال وهذي انشوده :
مملكتنا مملكتنا عزنا هي مملكتنا مملكتنا مملكتنا فخرنا هي مملكتنا
السعوديه بلادي ديرتي احلى البلادي الحضر وياالبوادي اخوة في مملكتنا
ديرتي دار السعودي ربي تجعلها خلودي
الفهد رمز الصمودي في المواقف هو سندنا
مملكتنا مملكتنا عزنا هي مملكتنا مملكتنا مملكتنا فخرنا هي مملكتنا
الوطن حقه علينا نحمله براحة يدينا
ديرتي تهتف تبينا وحدة الصف هي هدفنا
مملكتنا مملكتنا عزنا هي مملكتنا مملكتنا مملكتنا فخرنا هي مملكتنا

ممكن تسوين مسابقه خفيفه عشان يدرك الاطفال اسم الوطن واسم الملك وولي العهد
تضعين في علبه اسماء الفصول وطفل يسحب وتختار المعلمه طفل من اطفالها وتسألينه ما اسم وطنا؟........ الخ وتوزعين جوائز بسيطه.

اختي شذى العمر بالنسبه لليوم المفتوح فيه اشياء كثيره ممكن تسوينها فيه مثل:
تأجير الشخصيات او تشترين اللبس فيه ملابس للصغار لحيوانات او شخصيات كرتونيه تخلين الاطفال يشاركون فيه معكم وفيه شخصية المهرج يحبونها الاطفال يكون هو المشرف على الحفل او له فقره طريفه ومضحكه مثلا من اعدادكم يالمعلمات .
الطباعه الحره تحطون القماش على الجدران في الممرات وكل فصل يطلع مع معلمته يسوي طباعه حره .
التلوين على الوجه - مسرح عرائس ممكن - مشاركات مفتوحه للاطفال من مقابلات معهم من اناشيد ينشدونها من مسابقات يشاركون فيها.
بالنسبه للبطاقات ماعندي فكره.
ان شاء الله يفيدونك البنات بعد.

زهرة الشوق الله يعينك حبيبتي ويعطيك على قد نيتك وبالنسبه للاناشيد بتلقينهم في هذا الملف في الصفحات السابقه اختاري اللي فيها حركات وقصيره .

ريناد بتلقين الصور هنا واحنا في انتظار وعدك
هنا

اختي هيا ان شاء الله البنات يفيدونك ولي رجعه
سلااااام