بسم الله الرحمن الرحيم
الصلاة والسلام على اشرف المرسلين سيدنا محمد وعلى آله وصحبه أجمعين



احب اعرفكم بنفسي


انا طالبة في كلية التربية قسم رياض اطفال ومشاركة جديدة جدا جدا


اتمنى انه تقبلوني معاكم اخت وزميلة


لأول مرة في حياتي اشارك في منتدى ولكني شاركت للأهمية القصوى لهذا الموضوع بالنسبة لنا احنا مدرسات رياض الاطفال المستقبيليات














لذلك فكرت اني أعمل هذا الملف الخاص فينا احنا مدرسات الرياض نتكلم فيه عن معاناتنا او افكارنا او ابداعاتنا او مخططاتنا بحيث ان كلنا نتعاون ونحل مشاكلنا او نستفيد من بعضنا البعض











احنا في الكويت مادري بالنسبة لخواتنا بالخليج اذا يعانون نفس معاناتنا



اللي اسمعه من ابرز المشاكل :


اولا
هي الخسارة المادية للمدرسة يعني بشكل عام اذا تبين تكونين مدرسة رياض لازم تدفعين نص معاشج على تعديل الصف وتزيينه وعلى شراء المجسمات واللي ممكن يكون المجسم الواحد على 40 دينار بدون مبالغة


يعني اشدعوة على هالبوق وبالذات هذا مجمع دسمان اشصاير بالدنيا :(



ثانيا الادارة
ولا عاد لي يتج ناظرة تكرفين طول الكورس كراف الحمير حشا السامع لا تفظين لا حق بيت ولا حق عيال وآخر شي الحلوة موعاجبها شغلج


تلقين شغلج مافيه شي وحلو لكن الحبيبة ما تبي تقويج وتكبر راسج


ليش يبا ما طلبنا شي كل اللي نبيه يبا تقدير هاذي وحده


ثالثا
اما بالنسبة للزميلات المبجلات لا تييج وحدة نحيسة تبي تبرز نفسها على حسابج تيين بحسن نية ( اتكلم عن اللي ماعندهم خبرة مثل حلاتي) اسألها فلانة اشلون مثلا على القرقيعان اشرايج اسوي جذية ولا جذيه اتقلج لا اشدعوة ليش متعبة نفسج ما يحتاي
ولا الحبيبة بيوم الخبة والحفلة يايبتلج ذاك الككاو الشي الكشخة حق الناظرة والوكيلة وهالسنع والمنع غير الشغل الثاني اللي مسويته وهالمجسمات وهالشغل الزين



ولا تييج نوع ثاني من الزميلات الكسولات الخمولات اللي الحلوة مخلية كل الشغل عليج من اول الكورس وانتي تكرفين وعلية وعلى حالي وليه عطوج التقدير السنع راحت اقرضت من وراج وحشت فيج





وغيرها من المعاناة اللي تواجه هالمدرسات وما خفي اعظم ابييييييييييييه :D طولت عليكم وايد


هذا كان بالنسبة للمعاناة والمشاركة الياية انشالله بتكلم عن الابداعات وهمتكم عاد يابنات



ورجاءا ردوا علي لا تفشلوني فضفضوا قولوا كل اللي بقلبكم :39:


ويعطيكم العافية انشالله وعساكم عالقوة

صدى الاشجان
الله يخليك محتاجه تقرير عن اي وحده
تعريفها طريقه عرضها محتوياتها وكل مايتعلق بها
اذا تكرمتي ضرورووووو جدا
ولك كل الشكر

مشكووره حبيبتي صدى الاشجان

طييب بطلب منكم طلب

ممكن تعطوني انشوده باللقاء الاخير عن وحدة كتابي الله لايهينكم

تكوون تتكلم عن القراءه او الكتاب

لووسمحتو

ابي فكره للنشاط ركن الفن
لاني حاولت اجيب نشاط بس احترت
ياليت اللي تعرف نشاط سهل وبسيط عن وحدة كتابي بركن الفن تقولي
تكفون قبل السبت ردو علي

بنات عندي تقييم نهائي على حلقة في وحدة الغذاء



عن الألبان ومنتجاتها


ياليت أحد يعطيني فكرة جديدة أبدأ بها الحلقة


وكيف تكون الأسئلة وش أجيب لهم عينات حقيقية ولا صور


الله يخليكم ردوا علي بسرعة قبل نهاية الأسبوع

عزيزتي شواقه

ممكن تعرضي بقرة وثبتي فيها من الخلف قفاز بلاستك فيه حليب
ولما تعرضي الحلقة تسالي الطفل ماذا نستفيد من البقرة
وبعدين تبداء تحلبي البقرة