معه حق يزعل مني ؟؟ ولا أنا الغلطانة ؟؟؟

يا عزيزاتي مشكلتي انه امس نعسانه من 12 بالليل بعد كرف يوم طويل ، و زوجي ماخلاني أنام الا 4 الفجر ، طلباته ماتخلص ويطلب عشا الساعه 2 ونص بالليل وهو متعشي الساعه 11 بالليل واكل خفيف الساعه 1 بالليل ، قسم بالله تعبت ، نفسي مثل الناس ثلاث وجبات بس وافتك من المطبخ بدري واتفرغ لنفسي ولبيتي واجلس عالجوال واسترخي ، والله كله بالمطبخ ،




المهم امس سهرني الى 4 الفجر وقعدني 9 ونص الصبح اسوي له فطور ، هذا من غير ازعاجه بالغرفه يفتح النور يقاله انه مزوح !


صحيت معصبه وشوي وابكي والله دخلت المطبخ وانا ماغسلت وجهي وسويت له فطور وليته معلبات وانتهينا ... لا


يبي سلطه مع شوية طبخ خفيف يعني بالعربي يبي حركات عالفطور


لما حطيت له الفطور قال تعالي افطري قلت ما ابي ، المهم افطر هو وبعدها يرسل لي بالواتس الله يسامحك ! وزعل هو وطلع ولا رجع لحد الان !


انا يا بنات ماقدرت اصحى رايقه عجزت ، هو يبغاني رايقه واضحك وانا بالاصل نعسانة وفيني صداع من ازعاجه وقلة نومي وكرفي بالمطبخ


وهو مشكلته نومه خفيف ينام 4 ساعات تكفيه ويصحى الصبح ويبلشني معه


حتى دايما يقول نفسي انا وانتي نصحى الفجر !!


راح تقولون لي نامي بدري واصحي معه الصبح ، ماعندي مشكلة انام بدري بس هو يسهرني ومايراعي تعبي وكرفي طول اليوم !


واذا نمت بدري من 11 بالليل ، يشغل الانوار ويرفع صوت الجوال ، يحب يزعجني


والله ما اصدق اروح لاهلي وانام مباشره ، الناس تسير وتفرح وانا ادور سريري ايام العزوبيه


وبعد ساعة ادخل المطبخ اطبخ غدا هذا من غير وجبة اخر العصر الخفيفة


حتى احيانا اقول بجيب سريري بالمطبخ وهو يضحك !


المهم هو زعلان لاني نفست عليه الصبح ، معه حق انه يزعل مني ؟؟ والله مو ناويه اعتذر له ، وليته يزعل يومين ويفكني شوي