بنات ..
السلام عليكن و رحمة الله و بركاته .. أخباركن ؟
ربي يسمعني دائما خبر الخير عنكم و يفرح قلوبكن بالخلف الصالح ..
أنا جيت أكتب هالموضوع علشان الفضفضة قبل كل شيء لأني شوية تضايقت من موضوع صار لي مع صديقة عزيزة جدا على قلبي هي بمثابة أخت لي في الغربة ..
و يشهد الله على ما في قلبي إني أحببتها و أحبها و راح أبقى أحبها في الله بس في هالشيء اللي ضيق صدري قبل شوية بس فكرت به زين و قلت آجي هنا أفضفض لأني لا أعرف ليه هي سوت كذا معي؟
كنت الحين أصلي العشاء وجت في بالي و بكيييت غصب عني و بقول لكم ليه بكيت من القصة قبل ما أسردها بكيت لأني والله بكل دعاء أدعي لها و لأخواتي و لكل أخت لي هنا بصلاتي و أقول ياااارب أطعم خواتي في عالم حواء الذرية الصالحة لأني أعرف أن دعوة الغيب مستجابة أنا ماني زعلانة منها أبدا لأني أحبها أنا زعلانة من نفسي و أقول وش شافت مني حتى تخبي على هالموضوع وأخليكم مع القصة و أرجوكم أنا كتبت علشان تفهموني ليه سوت كذا هل أنا فعلا لست أهلا لثقتها؟ هل أنا قصرت معها بشيء؟
السالفة وما فيها صديقتي هذه صار لي 8سنوات أعرفها بالغربة وهي دوووم تزورني في بيتي ونأكل مع بعض و نسهر مع بعض وهي أكبر مني سنا وليست متزوجة وأنا دوووم كنت حاملة همها و قالت لي من سنة إنها تعرفت على شخص عربي من نفس جنسيتها وهو مطلق و عنده بنتين وقلت لها تزوجي معه زواج إسلامي ولست بحاجة للزواج المدني حق فرنسا"مكان إقامتنا" وهي دوم تقول لي لين أفضي نفسي من مشاكل عملي و البحث عن سكن بعدين أشوف معه وأنا دوووم أدعي لها ربي يبعث لها الشخص المناسب لأني عشت معها همومها و مشاكلها يوم كانت مريضة و بالمستشفى وكانوا على وشك يشلون لها الرحم لأن كانت عندها ألياف كبيرة بس ربي سترها معها المهم قبل عشرة أيام قعدت عندي ثلاثة أيام في البيت لأنها كانت تصلح بشقتها المهم اليوم الثاني حطيت العشاء و قعدنا نتعشى و نتفرج على فلم وهي عقلها بعالم ثاني و شفت بعينوها إنها قلقة المهم اتصلت أكثر من مرة على طبيبها و تروح وترجع و قلقانة بالبيت عقب كذا قعدت تبكي وأنا أهدي بها و أقول لها وش بك قالت لي أن الألياف رجعت لها وهي تاخذ دواء علشان توقف الدورة للعلاج وأنا صدقت المهم كلمت مرة ثانية الدكتور وبعدين انفجرت بالبكاء قلت لها لااااا في شي قالت لي بقول لك وش معي أنا بصراحة تزوجت من سبعة أشهر مع الشخص اللي قلت لك عليه وأنا الحين حااااامل و داخلة بالشهر السادس والحين جاني نزيف وقاعدة أكلم بطبيبي المهم يا بنات كأنكم أخذتم كأس ماء باااارد و رميتوه علي أنا تفاجأت لأني ما توقعت إنها مخبية علي كل هالمدة ستة اشهر خبر زواجها و حملها وحنا نطلع و نروح ونجي ونسهر وناكل مع بعض المهم قلت لها قومي آخذك المستشفى وفعلا جبت تاكسي ورحت معها المستشفى و عملوا معها اللازم وقالوا لها هذه شوية نقط دم طبيعي تنزل لك ولا تقلقي وعطوها تحاميل و رجعنا البيت وبالطريق قالت لي أنا ما خبرت أحد إلا فلانة و فلانة حتى خواتي ما يعرفون لأني كبيرة بالسن "عمرها43سنة" طبعا أنا عجزت أصدق إنها خبت على خواتها بس ظليت ساكتة .. المهم يوم الأحد اللي فات اجتمعنا في بيت حرمة نعرفها ومعنا صديقتين ثنتين الكل طلع عارف بخبر زواجها وحملها إلا أنا آخر من يعلم وقالت لي بعد حتى فطيمة صديقة لنا في جنوب فرنسا ما تعرف واليوم اتصلت علي فطيمة ومع الكلام علمتني إنها تعرف من زماااان بخبر حملها و زواجها أنا انصدمت و ضاق خاطري مو لأنها خبت علي لا لأني حسيت بأنها ما أخذتني لها صديقة مثل ما انا أخذتها لي صديقة ويوم كنا مجتمعات الأحد اللي فات بالعزومة قعدت تقول لي أنا دوووم أدعي لك وأطلب من كل صديقاتنا يدعون لك قالتها بنوع من الشفقة قدام الجالسين أنا بصراحة تضايقت لأني ما أحب نظرات الشفقة الخلفة هذه رزق من رب العالمين و أنا ما اعترض على حكم ربي بس ليه تحطني بموقف مثل هذا؟؟
يعني وش جا براسها علشان تخبي علي يعني على بالها بغار.؟ أو إني حسودة؟ أو إني بعترض على رزقة ربي لعباده؟ وبعدين وش بقول لزوجي بعد أربعة اشهر بس تولد لأنه هو يعرف بأنها صديقتي وقبل هالمرة طلب مني اسألها لو تبي تزوج علشان عنده صديق له يبي يتزوج وأنا الحين منحاسة شلون أعلم زوجي بأنها بعد أربعة أشهر راح تولد وأنتم تعرفون لرجال العرب شلون يفكرون بالذات وحنا نعيش ببلدي أوروبي وهو للحين ما يعرف بأنها متزوجة .
يا بنات أنا ضاق خاطري لأني حسيت نفسي مو كفو لصداقتها وبأنها ما عندها ثقة بي قلت براسي معقولة تحسبني بحسدها على حملها؟؟ وجلست أبكي الحين يوم عرفت بأن الكل عارف وأنا آخر من يعلم وكل صديقاتي اللي يعرفوني ويعرفوها خبوا علي الموضوع .
وأنا كتبت هالموضوع أبي أعرف وش رأيكم باللي صاريحق لي أتضايق ولا لا.
لأني قررت يوم ربي يرزقني بالحمل إني بخبي عليها وما بقول لها بعد لأنها حرمتني من لحظة جميلة أتقاسمها معها يوم تخبرني بخبر حملها وأنا أقعد أزغرد لها و أبارك لها و أشتري هدوم للبيبي حقها لأني فعلا أحبها كأختي وحرمتني من فرحة مشاركتها هالخبر ولولا قصة النزيف ما كنت عرفت شيء!:44:
ليه حرمتني من مشاركتها هاللحظة اللي قعدت أصلي لربي و أدعيه بأني أكون بجنبها بعرسها و أول من يسمع خبر حملها .
هل لي الحق بأني أزعل و أتضايق ولا لا؟
وهل أخبي عنها يوم أحمل خبر حملي مثل ما عملت معي ولا لا؟
وش رأيكم أنتم؟
و ترى أنا ما يهووون لي بها لأني أحبها كثير وربي يقومها بالسلامة و يتمم لها حملها و ولادتها على خير و يرزقني و يرزقكم الخلف الصالح اللهم آمين بس حبيت أفضفض لأني تضايقت من نفسي :44:
يلزم عليك تسجيل الدخول أولًا لكتابة تعليق.
am jmana
•
الله يعينك أحساس فضيع بس لو حملتي قبل لاتتزوج وش كان راح تسوي جاوبني بكل صراحه! هل راح تقولي لها بسرعه ولا لا حبيبي في واحد من الصحابه قال أو الرسول صلى الله عليه وسلم بس مو متأكده من اللي قال هذي الوصيه ألتمس لأخيك سبعين عذر شفتي كيف سبعين عذر مو واحد ولا أثنين أقعد معها وصارحيها باللي بقلبك وإن شاء الله خير بس ممكن أسألك كم صارلك متأخره وش اللي مأخرك عن الحمل وكم عمرك ومن أي جنسيه أنتي !
انا مرى علي مثل مصارلك تعبت نفسيتي مثلك يخافون منا انا نحسدهم وانا ***** لو بحمل مارح اقولها لاا نه مهيب صديقه هذا حسافه عليه الصداقه حبيبتي لاضيق صدرك ولا تستهل الدمعه من عيونك عيش حياتك و ولا تهتمي فيه خليه على راحته اشغلي نفسك عنه قولي امين الله يرزقنا الذريه الصالحه
والله معاك حق نزعلين {بس بسألك في الشهر السادس ما بان عليها انها حامل }
وانصحك لاتهتمين ولا تشيلين بقلبك وسعي صدرك بعض النا س الحمد لله ما ادري وشلون يفكر
عادي حبيبتي كلنا نمر في مثل هالمواقف {يمكن يخافون من الحسد }
والله ماادري وش اقولك بس انا قررت اني ما اهتم من الكلام ونظره الشفقه والتظاهر بالمرض قدامي عشان كذا ارتحت
الله يرزقني وإياك وكل من تمنى الذريه الصالحه المعافاة
وانصحك لاتهتمين ولا تشيلين بقلبك وسعي صدرك بعض النا س الحمد لله ما ادري وشلون يفكر
عادي حبيبتي كلنا نمر في مثل هالمواقف {يمكن يخافون من الحسد }
والله ماادري وش اقولك بس انا قررت اني ما اهتم من الكلام ونظره الشفقه والتظاهر بالمرض قدامي عشان كذا ارتحت
الله يرزقني وإياك وكل من تمنى الذريه الصالحه المعافاة
صارحيها بأحساسك .. وقولى كنت بفرحلك .. وماكنت احب انك تعاملينى هالمعامله
مافى مثل الصراحه ..
مافى مثل الصراحه ..
الصفحة الأخيرة