معي حق اتضايق او لا

صباح الخير
ماابي هجوم لو سمحتو،، اللي عندها كلمة طيبة تقول


انا عندي صديقة انا واياها مرة قراب من بعض
وعندنا صديقة بعيدة عندها صديقات مقربات كثير،، صديقتنا البعيدة هذي علاقتنا فيها حلوة عادي كانت صديقتي سابقا وعرفتها على صديقتي المقربة وصارت العلاقة حلوة.


المهم صديقتنا البعيدة طرحت موضوع اغلب الناس عارضتها عليه ومنهم صديقتي المقربة ابدت رأيها بكل ادب وقالت انها ماتتفق مع الموضوع... فكان رد صديقتنا البعيدة جااف جدا وقالت لصديقتي لاعاد تكلميني.
وصديقتي زعللت وجت تشكي لي وانا حاضرة الموقف وقعدت تفضفض لي، وانا اعرفها حسااسة ضايقني تصرف صديقتنا البعيدة،، وابتعدنا عنها كلنا وقطعت علاقتي فيها لان صديقتي قالت نفسيتها سيئة وماعاد نفسها تشوفها فقطعت علاقتي فيها احترام لمشاعر صديقتي المقربة ولأن هذيك علاقتي فيها اساسا مو قوية فابتعدت عنها بكل ادب


فجاءة بعد فترة جت كلمت صديقتي المقربة وتصالحوا وتسامحو،، حسيت بخيبة وخذلان من صديقتي المقربة انا قاطعتها عشان لاتضطر تشوفها قدامها كل شوي ونفسيتها تسوء زي ماتقول لكنها تسامحت معها من وراي وحسيت بشعور سيء وهي اللي كان تحلف ماعاد تتسامح معها ولاتكلمها وتدري اني ابتعدت عنها عشانها


الحين هل معي حق ازعل واخذ بخاطري او انه مالي حق ازعل؟
مزاجي متعكر فأتمنى محد يزيدني وردوا رد طيب