السلام عليكم
لاتفهموني غلط أنا ماأحب استهزئ بأحد كيف عاد بالقصمان ولهجتهم أحبها واجد
المهم بأبدأ الآن بقصة واحد مصادق قصيمي وشلون صار ينطق
وقصة واحد راح يزور صديقه القصيمي وش صار له
ثمن تبدأ بدروس تعلم اللهجة القصيمية
وطبعاً كلها منقولة >>> أجل جايبتها من عندي !!! ..
القصة الاولى
في أمريكا ، واحد من الشباب قصيمي، و كان ساكن مع واحد من أهل .....
ما تتخيلون كيف صارت لهجــــــة ال.....
صار مسكين يحط حرف النون مع كل شي .. يعني مثلا يقول ..
أنا إسمن يوسفن .. أو ، مانتو رايحينن نتغدن
صراحة ، لهجــــتهم رهيــــبة بس الاخ ماعرف لها
القصة الثانية
واحد يقول:
لما كان في صف اول متوسط
توهم يعلمونهم الأنجليزي
يقول قمت اتفلسلف اي واحد يقابلني اقول وت يوزنيم>>>وش اسمك - حتى مايعرف يقولها
مضبوط المفروض وت از يور نيم> قامت تفلسف -
يقول:
رحت يوم عند صديقي ودقيت الباب
وطلعت لي امه
يقول:قلت موجود اسماعيل>>صديقه اسمه اسماعيل
قالوا طيب دقيقه
اشوي وترجع امه وتقول:به بس نيم
اخونا رد وقال:my name is hamad>>يقول الأخ ماي نيم از حمد
يحسبها تقوله وش اسمك
ــــــــــــــــــ
ـوش رايكم بذا القصص
ــــــــــــــــــ
الحين بعلمكم عن مثل قصيمي وشرحه ومرة ثانية أكرر ماأقصد الإستهزاء
واللي بتستهزي بطلب من المشرفة حذف مشاركتها >>> وحدة حمشة
المثل
قالت القصمان ( كلن يمدح بقله )
هذا المثل شائع نوعا ما عند القصمان - حفظهم الله ورعاهم - وهو يقال إذا بدأ الشخص بمدح
نفسه وإطرائها - أي شايف نفسه - أو إذا كان الشخص يمدح بضاعته إن كان تاجرا - على قد
حاله - وهو الغالب ..
قولهم ( بقلُه ) : نلاحظ في هذه الكلمة ضم ما قبل الآخر .. وهو هنا اللام .. وهذا شائع عند
القصمان إذا أرادوا نسبة الملك إلى مالكه .. نحو ( سيارتُه - بيتُه - كراثُه ) ..
وثمة شرطان :
1- أن يكون الضمير للغائب فقط .
2- أن يكون الضمير مذكرا .
أما إن كانت الغائب مؤنثا فإنه يفتح ما قبل الآخر كقلونا ( جريشَه ) فإننا نسبنا الجريش إلى
أنثى وذلك بفتح ما قبل آخره وهو الشين هنا ..
تنبيه : لا يصح وضع ألف ممدودة بعد هاء الغائب كقول بعض العامية ( سيارتها ) وذلك
للمؤنث ..
ـــــــــــــــــــــــ
مثل آخر
تحتوي لهجة القصمان على بعض الأمثال الرائعة .. ولكن لا يفهمها أي شخص .. ومنها :
1 - قالوا القصمان ( سير السي كود أندس ) وهذا مثل شائع .. وله سالفة .. قيل إنه رجل كان
داخلا تحت سيارته القديمة والمسماة ( سي ) فمر به رجل آخر فقال له ( وش بك داخلن تحت
الموتر ؟؟؟) فرد عليه صاحب الـ( سي ) وبسرعة بديهة قائلا ( سير السي كود أندس ) أي إن
سير السيارة منقطع ويجب علي إصلاحه بالدخول تحت الـ( سي ) .. فذهبت مثلا
2 - قالوا القصمان ( به مير نيم ) بضم الباء المثلثة وهذه العبارة تستعمل في حالة معينة
وهي : إذا أتاك أحد زملائك في منزلك وأنت نائم .. وطق عليك الباب فخرج أخوك الصغير
فسألته عن أخيه فإنه يرد عليك بقول ( به مير نيم ) ، أي : هو موجود ولكنه نائم ..
==========
( به ) بضم الباء .. وهذا الحرف يستعمل في التعبير عن الوجود .. فتقول ( به غدا ؟ ) فتقول
أمك ( به مريصيعات تسانك تبيهن صخنتهن على الضوية ) .. وقد يظن البعض أنها أداة
تخويف وهذا اعتقاد باطل من وجوه ليس هذا محل سردها ..
والقصة الثانية عن هذا المصطلح
ــــــــــــــــــــــــــــــــــــــــ
بدينا بالقصص والأمثلة قبل مانعلمكم اللهجة سامحونا
لتعلم اللهجة القصيمية
تتميز لهجة القصمان بعدة أمور جعلت منها لهجة بديعة .. قل من يعرفها ..
وهي مبنية على قواعد - في نظري - .. ومن هذه القواعد ..
حذف ياء المتكلم وإبقاء النون .. كقول أحدهم ( محمد ضربن عند القليب ) وهذا يأتي في جميع
الأفعال ..
فالأمر ( عطن )
والمضارع ( يعطين ) أو ( توافقونن )
والماضي ( عطان )
قلب الكاف تساء .. كقول أحدهم ( يتسذب ) بمعنى يكذب ..
وتأتي ( يتسذب ) على عدة أشكال ..
فتأتي على صيغة المبالغة ( تسذوب ) بمعنى كذاب ..
وتأتي على صيغة التعجب ( الله من التسذب ) بمعنى يا لكذبه ..
قلب الجيم إلى حرف بين الجيم والقاف - لازم تطبيق عملي -
القدة .. وهذه الكلمة يقصد بهى مرمى كرة القدم .. وهي مختصة بأهل بريدة وما جاورها
ــــــــــــــــــــــــــ
كلمات شاذة عند القصمان ..
أقصد بالكلمات الشاذة التي لم يتعارف عليها كل أهل القصيم - فيما أعلم - ..
( قدة ).. بكسر القاف وتشديد الدال وكسرها .. وتعني مرمى ( باب ) كرة القدم .. وهذه عند أهل بريدة وما حولها ..
( بقص ) .. وتعني ( قبص ) عند عامة الناس .. وهي القرص بالظفر .. وهذه خاصة بأهل
الرس دون غيرهم ..
( عكنكش ) .. وهو ما يسمى بالـ( عنقز ) عند أكثر الناس .. وهي عند أهل بريدة وما حولها ..
( دغة ) .. وهي عند عامة أهل القصيم حفظهم الله .. وتعني كل الكلمات التالية ( غبي - خبل -
تنكة - درج - مأجر الدور العلوي - طبنجة - جنط - صحيّح - لك عليه - سطل - كرتون ...
إلخ ) . ( جمس ملكي ) .. ويقصد به كل جمس موديله فوق 90 .. وهذه خاصة بأهل بريدة وما
حولها ..
( الوراوي ) .. بتشديد الراء تشديدا قويا .. ويقصد بها الجزء الخلفي أو ما يعرف عند عامة
الناس بـ( الوراني ) .. وأعتقد أن هذه الكلمة عند أهل المذنب أو عنيزة .. والله أعلم .. ومثالها
( شف الصدام الوراوي للسيارة من اللي قاشعه )
عساكم بس استفدتوا وفاد معكم تعليمي - لاتقولون قصيمية ماني قصيمية بس أحب لهجتهم -
ـــــــــ منقول بتصرف عن منتدى الصحوة ـــــــــــ
محبة لهجة القصمان ام عبد العزيز
um Abdul-Aziz @um_abdul_aziz
عضوة شرف في عالم حواء
يلزم عليك تسجيل الدخول أولًا لكتابة تعليق.
ذكرى
•
يا حبي والله للقصمـــــــــــان ولهجتهـــــــــــــم اللي تهبل .......
ويسلموووووو قليبي ام عبدالعزيز على ذا الموضوع المسكت
واذكر صديقاتي ايام الثانوي كانوا قصيميات >> الأخت عندها تعصب ما تصادق الا القصمان :42:
ويا زين كلامهم يهبل بس فاتحتن فمي فيهم كأنهم ببغاوات قدامي
واذا رحت لأهلي اقعد اشخص عليهم بكلامهم ... به والا مابه :o
ويسلموووووو قليبي ام عبدالعزيز على ذا الموضوع المسكت
واذكر صديقاتي ايام الثانوي كانوا قصيميات >> الأخت عندها تعصب ما تصادق الا القصمان :42:
ويا زين كلامهم يهبل بس فاتحتن فمي فيهم كأنهم ببغاوات قدامي
واذا رحت لأهلي اقعد اشخص عليهم بكلامهم ... به والا مابه :o
جزاك الله خير يا ام عبد العزيز
وسعتي صدورنا بذكرى القصيم الله يوسع صدرتس بالعافيه
دايم تاطين على الجرح
اول ماشفت قصمان وقصيم مادريت الاوانا مخلصتن الموضوع
واذكر قصة واحد قصيمي راح لبقاله وسأل العامل من جنسيه عربيه وقاله مابوش حليب قال الابوش وترا هذي حقيقيه
مابوش = مابه = مافيه
وطبعا ماتقال هالكلمه الا بالنفي وما تقال بالاثبات ابد يعني كان المفروض يقول الا به
وسعتي صدورنا بذكرى القصيم الله يوسع صدرتس بالعافيه
دايم تاطين على الجرح
اول ماشفت قصمان وقصيم مادريت الاوانا مخلصتن الموضوع
واذكر قصة واحد قصيمي راح لبقاله وسأل العامل من جنسيه عربيه وقاله مابوش حليب قال الابوش وترا هذي حقيقيه
مابوش = مابه = مافيه
وطبعا ماتقال هالكلمه الا بالنفي وما تقال بالاثبات ابد يعني كان المفروض يقول الا به
يسلموووووووووو ام عبد العزيز عيوني
انا قلت اشوا ام عبد العزيز اليوم مشاركه بموضوع مكتوب كله باللير وانا مااحب اسمع
<<< الا ماعندها سماعات
بس مسيكين حمد خخخخخخخخخخخ
هذا عيال الفقارى لاتعلمو شيون ويغثون
اقول ام عزوز عيوني تكفين اذا كتبتي مرتن ثانيه غيري الخط لان عيوني صارن من ذا الخط
يعطيك العافيه ام عزوووووووووو
انا قلت اشوا ام عبد العزيز اليوم مشاركه بموضوع مكتوب كله باللير وانا مااحب اسمع
<<< الا ماعندها سماعات
بس مسيكين حمد خخخخخخخخخخخ
هذا عيال الفقارى لاتعلمو شيون ويغثون
اقول ام عزوز عيوني تكفين اذا كتبتي مرتن ثانيه غيري الخط لان عيوني صارن من ذا الخط
يعطيك العافيه ام عزوووووووووو
ياااااااااااااااااحبي للقصيم ^^^^^^ لاني قصيمه :21: :21:
مشكووووووره على الموضوع الحلو:26:
مشكووووووره على الموضوع الحلو:26:
الصفحة الأخيرة
(( رحت يوم عند صديقي ودقيت الباب
وطلعت لي امه
يقول:قلت موجود اسماعيل>>صديقه اسمه اسماعيل
قالوا طيب دقيقه
اشوي وترجع امه وتقول:به بس نيم
اخونا رد وقال:my name is hamad>>يقول الأخ ماي نيم از حمد
يحسبها تقوله وش اسمك ))))
ههههههههههه والله موتتني ضحك بس صراحه لغتهم مميزه وودي أتعلم أكثر عنها
ماشاء الله عليك أم عبد العزيز ماقصرتي وزيدينا مماعندك واضح انك متتبعه جيده لهم
شووووووفي انا ماأستهزئت وياويلك إذا شكيتيني على الأبله قصدي المشرفه وخذي هذه :26: <<<<سكاته