السلام عليكم ورحمة الله وبركاته
عزيزاتي بنات حواء
اليوم حبيت افيدكم
بموضوع مصور
كيف تسوين حلاو ازالة الشعر بنفسك
وتستخدميها اسهل بكثير من الحلاو العادي
وتنفع لحالات االاضطرار للي مثلي ماحد جاب لها حلاو
بحجة انهم ما يعرفون الماركه الزينه ههههههه
عموما شكرا لك يا :arb:انك ما تعرف الماركه !!
المهم بعد ما انزنقت تعلمت
مالكم بطول الهرج
ببدا بالمقادير
ثلاث اكواب مويه
ثلاث اكواب وربع سكر
وعصير ليمونه مصفاه (يعني تصفيه بعد ماتعصريه )
13112011103
13112011104
تحطينها في قدر على النار
وتحركينها وتتركينها تغلي مدة 40 دقيقه على عين وسط ونار متوسطه
13112011107
وتحركينها كل خمس دقايق
13112011106
وتجيبي الروله هذي ما اعرف اسمها تستخدم
للشمع او الحلاو تقصصينها
بالمقص مستطيلات طويله
13112011105
وتستخدمي هالقطعه الخشبيه تمدي فيها الحلاو على يدك
13112011108
وتمديها بشكل رقيييق جدااااا مع الضغط
طبعا الحراره تكون متوسطه الى منخفضه
عشان سهولة المد والازاله
وبيكون قوامها وسماكتها مثل العسل
وبعد ماتمديها على يدك
تجيبي قطعه القماش تلصقيها
وتثبتيها وتنتفين للامانه المها اخف من الحلاو العاديه
واخف من الشمع
وسهله في الازاله والتنظيف ماتترك اثر على اليد
وبعد ماتحفي دلكي جسمك بزيت زيتون
على طول
لانه يخفف نمو الشعر الزائد في المره الجايه
وبصراحه التجربه جدا سهله
ونظيفه ومريحه ورائعه
وتناسب البنات اللي تذوب الحلاو بيديهم او ما يحبون العجن والفرد مثلي بالحلاو
واللي دمها حار وتذوب الحلاو عليها هذي مره تناسب وسهله
اللي يبقى احتفظوا فيه
بكاس له غطاء مثل كوب النوتيلا
وحطيه في قدر فيه مويه حاره
حتى ترجع تذوب شوي قبل استخدامها
لانها رح تجمد معاكم وما تستخدموها الا بالطريقه اللي ذكرت لكم
الروله جبتها من السويلم من محلات الجمله ب18 ريال
والاعود الخشبيه من ابو ريالين ب2
واذا استفدتوا من موضوعي لاتنسوني واخواتي
من صالح دعائكم
وصل اللهم وسلم على رسولنا محمد وعلى اله وصحبه اجمعين
سبحان الله وبحمده
سبحان الله العظيم