مغامرتي يووم انطفا علينا الكهرب لا يوفتكم

السلام عليكم ...
كيف الحال ياحلوين والله اشتقت لكم حيييل وانقطعت عن المنتدى فتره ماهي بسيطه
وودي اقولكم اللي صار لي في البد ايه قل دخولي للمنتدى بسبب الدراسه
وبعدين بدا المنتدى يعلق عندي يعني عشر دقايق على مايفتح وبعدها عشر دقايق على مايروح للقسم ويالله وهكذا لما اصير قاعده في المنتدى ساعه عشان اقرا لي مو ضوع وارد عليه بعدها ماعاد صرت ادخل ابدا وجت عطله عيد الاضحى وعطلت الحمد الله لكن اللي صار بعد ماعطلنا بكم يوووم صحت امي الفجر ماتشوف كف يدها من الظلام انقطع علينا الكهرب وبدون سبب كانت الساعه 5الفجر انتضرت ابوي لما يجي من الصلاه وراح شاف السبب ولا شيء مسددين الفاتوره وكل شيء بس والله السالفه مافهمته ززين ولا دخلت راسي المهم الزبده ان في عطل من عندنا ولا راح يقدرون يصلحونه لا لما يجي المسؤؤل عن مادري وشو وهذا المسؤؤل حضرته معطل معنا يعني ماراح يجي الا مع العوده يعني بنقعد في الضلام لما تجي الدراسه يالهوي يالهوي ,,,في البدايه كنت فرحانه بشكل كان العصر ابوي راح يجيب لنا وواحد هندي يصلحه وانا اكثر وحده فرحانه في اهلي قلت خلنا نغير جو وجا المغرب وبابا باقي ماجاء قعدت امي وانا واختي الكبيره واختي الصغيره في ثاني ابتدائي والشغاله في الصاله ومشغلين شمعه قمت انا ابي اضيف جوالوناااسه على البيت قمت ارقص لهم وهم يضحكون على خبااالي مره ارقص مصري على خليجي على اندونسي شغلتنا تعلمني وانا ارقص وامي ميته ضحك علي وقلت بعدها يااارب مايشتغل الكهرب قالت امي استغفري ربك ليه تقولين كذا انت مارح تدرين وش بيصير لنا قاطعته وقلت ماما انشاء الله مايصير الا الخير لكن السعاده اللي كانت مرسومه على وجهي مادامت كثير لما جاء الليل وبدا الضلام يزداد ساعته بدا الخوف يتملكني وتمت ذيك اللحضه اني مادعت ذيك الدعوه جاء الليل وصلوا العشاء وخلصوا وقال بابا ان مافي امل قعدنا في الضلام وكنت خايفه لان شكلهم فيهم نوم وكلهم وتعابنين قلت لبابا يعني شلون وش بنسوي الحين قال ننام والصباح نشوف خيير اوجعتني ا لكلمه كثير حسيت ان الليله هذه بتصير فيها من المغامرات الله اعلم به بعدها راحت ماما نامت والمصدر الضوء الوحيد في البيت هو الشمع تخيلو حالتنا بس والله اني كنت شوي وابكي حسيت انا السبب في اللي قاعديصير لنا وبعدها اخوي الكبير مشاء الله عليه هو واثق انه بينام وماراح يصير له شيء ولا يحس باخوف قام يخوفني ويقولي انتضري الساعه 12بيصير شيء الله العالم فيه وكل شوي يقول هذه لكلمه انا خلاص بتطلع روحي ويقولي ملكوه انتضري الساعه 12 وشوفي وش بيصير لي هو ناام واخوي الصغير ياحيااتي عليه شافني خايفه قالي اقعد معك قلت لا شكرا نام ولا عليك مني بعدها بقى في البيت ثلاثه انا واختي الكبيره واخوي اللي اصغر مني بسنتين اختي مشاء الله عليها ماتخاف ابدا هي داخله طب في السنه الثانيه الحين قالت احكي لكم عن التشريح عندنا قمنا نصرخ ونقولها تكفين لا قالت بس قصه وحده قالت انا ماانسى اول جثه شفتها بحياتي والله كانت اضخم جثه مررت علي حتى اتوقعت انه من اياام الفراعنه سالت الدكتوره قالت لي لا هذا واحد عااادي بس انه مو عربي وجلسنا شوي مع بعض بعدها رحت نمت واخوي نااام وهي مادرري عنها ماينخاااف عليها مشاء الله نمت شوي وقمت ملقيت فيا لصاله احد قعدت على الكنبه خااايفه ارجف ماااقدر اتحرك من مكاااني وودي اروح لاختي بس ماااعرف مكانها والله اني حست بروحي بتطلع والله من الخوف اللي فيني ماقدر افتح عيووني ووودي اصرخ عشان امي تجي لكن حتى ماااقدر اصرخ بدت كل القصص المخيفه اللي سمعتها في حيااتي تجي في بالي قلت لنفسي احاول اقووم قبل مايتملكني الخوف لا تلوموني والله الضلام اذا طفت الشمعه ماشوف يدي ونور الشمعه خفيف مرره قمت الحمد الله وحاولت امشي بسرعه بعدها لقيت نور يطلع من تحت بااب غرفه اختي دخلت لقيتها قاعده ولا كن صاير شيء ومشغله شمعه وتذاكر لاخت لحالها عاادي ماعندها مشكله:27: قلت لها انا خايفه مررره سوي لي اي شيء قالت لي مايخالف اخوفك:booo: ههههههههههههه لا بصراحه وقت مناسب لتخويف جلست على السرير وهي على لارض وبعدها قالت انا بناام قلت لها تكفين لا وانا وين ارووح فضت النوم اللي فيني مين بيقعد معي قالت تعالي في حضني ذاك الوقت مافي مجال للرفض رحت في خضنها حست انها امي الثانيه والله العضيم حبيتها بشكل وعرفت نعمت لاخوه ونمت وانا في حضنها :44:وبعدها انتقلتا لشقق مفروشه وقعدنا فيهل لما جت الدراسه والله لو قعدت اوصف لكم التعب النفسي اللي مرنا فيه كلنا ماخلصت تخيلي انك تغيري بيتك وعفشك ثلاث مرررات رحنا ثلاث شقق عرفت نعمت لاستقرار تعمت البيت دائماكنت اتذمر وقول لامي ليه بيتنا صغير شوفي بيوت الناس كيف كبيره الحين اشوفه احلى بيت في العالم لكن الجانب الايجاابي ان غيرت جو وقعدت في بيت غير بيتنا لكن الي صارلي بيقعد خاالد في ذاكرتي للابد تعلمت فيه درروس كثيرره وودي اقولكم المواقف الطريفه اللي صارت لي لكن مرره ثانيه ان شاء الله بعدين طولت عليكم ويدي تكسرت من الكتابه لي ساعه اكتب متواصل اسفه على لاطاله والحمد الله اني رجعت للمنتدى سالمه غانمه والله الله بالردود حسسوني اني في احد يحس فيني وفرح برجعتي .....:)