مغبوونه ومقهوره على نفسي ذليت واهنت نفسي بنفسي

هو جد بعض الأوقات تكون المشاعر سبب للغبنه والمذله
وانا شعوري سبب لي انكسار بقلبي والم وقهرر
صار لي فتره طويله احس بشووق ولهفه لصديقة عمري ودائما ماتطري علي حتى بحلومي تجيني
وأصحى متكدره بس أدور وسيله عشان الاقيها وأكحل عيني بشوفتها
هي درست معي متوسط وثانوي وكليه وكنا متعلقين ببعض مره الين ماجاء اليوم النحس وانفصلت من الكليه بسبب رسوبها
طبعا انقطعنا عن بعض فتره بحكم دراستي وانشغالي ورجعنا لبعض وبعد كذا انقطعنا كلياا
مدري الظروف أحكمت علينا
المهم وصلت لمرحله انها بدت تستولي علي بس افكر فيها وأحاتيها هي بخير وكيف صايره
صرت اشتاق لها وأدور عليها حتى كنت اقول لامي تعبت يايمه هالبنت مستوليه علي حتى بمنامي قالت اجل أكيد حتى هي تفكر فيك
وسبحان الله من كم يوم نزلت برنامج النمبر بوك وبحثت عن اسمها وطلعلتلي اسماء كثيره كل شوي ادخل على رقم اسلم واسأل والله صرت مهزله بس عشان أوصلها
وأخيرا وصلتها انتي فلأنه بنت فلان قالت اي انتي مين فررررحت الدنيا ماعاد توسعني من فرحتي كني ولدت من جديد قلت لها انا فلأنه
تخيلت وش قد فرحتها فيني وترحيبها
للأسف خاااب ظني انصدمت
هي كلمتين هلا وغلا . كيف عرفتي رقمي !!
وربي حسيت كن انصب علي ماااء بارد ، المشكله انا مواصله حماسي أقولها مشتااقه لك أدور عليك لي فتره تعبت ومن هالكلام ترد رد كنها شايفتني امس والمشكله ترد متأخر تدخل وتطلع شوفو كيف
اخر شي قلت يمكن مشغوله
فلأنه انتي مشغوله قالت لا عادي قلت خلني ارسل لها صورة ولدي يمكن تتفاعل معي
أقولها عرفتيه تقول ولدك وبس سس لا كلمة ماشاء الله ولا الله يحفظه ولا وش اسمه
آخرها تحطمت انقهرررت حسيت اني مذلووله قلبي ميت غبيه
معقوله في ناس كذا وربي من القهر ان في وحده من الأسامي اللي طلعتلي ردها كان زي العسل على قلبي مع انها لا تعرفني ولا اعرفها تمنيت انها هي صديقتي
كلفت على نفسي واهنتهااا. ااه ليتني مادليت هالبرنامج ولا عرفته
حبيت أفض فض لكم من القهر والله مانمت كل شوي أفزع من نومي ويطري علي اللي صار احس بالندم