مغتربه جديده إلى سان انتونيو و فرجينيا

أنا بساعدك أش راح تاخذي معاك
1-قهوة عربية ومستلزماتها من هيل وغيرة
2-تمر
3-بهارات للطبخ (أهم شي)
4-أدية لولدك سخونة وخافض حرارة ودوا استفراغ وغيرها (حتا وان كان موجود)افضل انت تاخذيها مبدئيا
هذا اللي في بالي الحين

تأكدي من الجو هناك بارد حار علشان تعرفي كيف تاخذي ملابس
فصلي عبايات ملون
انا بنسبة لي عباية سودة وعلى الكتف ولثمة
مأدري عن طبيعتك هل راح تلبسي عباية هل راح تتغطي

هلا فيك ياقلبي والله يجزاك بالجنه ويفرج لك يارب ..

انا باذن الله راح اتغطى وانا مفصله عبايات ومجهزتها بس ماراح القى مضايقات وانا ادرس هناك هذا الي خايفه منه ..

مرحبا اختي


انا من سان انتونيو


لاتشيلين هم ابداً
هالمدينه مليانه سعوديين ,,


وبالنسبة للمعاهد والدراسة فيه معاهد كثيرة

أنتي إذا جيتي خلي زوجك يكلم ام محمد من المكتب السعودي وهي تنسق لك كل شي ,


وبالنسبه لاطفالك فيه هنا حضانات كثيره

انتي تعالي واعطيك رابط لموقع الحضانات واقربهم لمكان سكنك وإذا بعد تبغين يجونك للبيت فيه ,,


وبالنسبة للاغرضا اللي تجيبينها معاك ,,

القهوة مااظن يحتاج لانو هنا فيه بقالة عربيه اسمها علي بابا عندهم قهوة سعوديه وطازجه انا جربتها وحلوة

بس جيبي معاك تمر وبهاراتك اللي متعودة عليها ,, بس حطيها في كيس شفاف واكتبي اسمها بالإنجليزي

انا سويت كذا بس والله ماقربوا من شناطي ولافتشوها زوجي يقول العسكري مايدققون عليه لان معاه فيزا دبلوماسيه ,,



وبالنسبه للعبايات انا البس عباية سودا ونقاب
صحيح انهم مايستغربون منها هنا بس بتلاحظين العالم تنتبه لك إذا دخلتي لمكان ..
لو انك تلبسين ملون محد بينته لك ..


إذا ودك جيبي معاك عباية ملونه عشان فرجينيا لاني انا بعد ناوية اروحلها في رمضان ,,

تحصلينها عند محلات بدون اسم او محل الشيخ في طيبة اتوقع ,,,


وإذا ماعندك وقت هنا فيه ام محمد فلسطينيه تفصل عبايات ,, تدلك على محلات الآقمشه وانتي تختارين القماش واللون بنفسك ,,
وإذا تبغينها تجيب لك القماش تجيبه لك بس انتي اختاري اللون اللي تبغينه ,,


وآي خدمه انا موجوده ولاتستحين :)

لا يالغالية ماراح تحصلين مضايقات ابدا واخذي هالكلام مني ,,


الشعب الامريكي مرره محترم ,, ويحترمون اللي محافظه على دينها ,,