مغتربه في دولتي

وينكم ابغاكم تنورون الموضوع
والا مافيه احد مثل حالتي كلكم عند اهلكم او برا دولكم

ياحبيلك والله
شكلك بالشمال ولا ؟؟؟

يوووووووه جبتيها ع الجرح والله اذا كلمت اهلي ولقيتهم مجتمعين اموووووووووووووووووووووووووت
واحيانا عندهم حفله ولا طالعين استراحه
بس الشكوى لله الله يعوضنا:(

ياحبي لك انا جريت النوعين من الغربه الغربيه مع اهلي قبل الزواج وفي نفس الدوله ولكن بعيد عن خوالي وعماني
والان مع زوجي وفي قلايع وداريين بعيده علن امي وابوي وكل السعوديه

ابقول لك وش كنا نسوي كان يوم الخميس مأساوي كل الناس مجتمعين ولا رايحين لعرس ولا استراحه وحنا متقابلين

من المطار للبيت ومن البيت للمدرسه ومن المدرسه للبيت والمطار وكذا هذي حالتنا
لان اهل الديره مايبون في الويكند الا اهلهم مايبون جيران وجمعات
وكان مايطلع من البيوت الا كبيرات السن يعني حريم العيال والبنات مايطلعون للجيران عيب
فكانت من اسواء ايام حياتي

بس فيه نقطه ايجابيه انك تتقربين من امك وابوك واخوانك اكثر واكثر
ابوي استأجر بيت كبير
وحط لنا نطيطه وبلياردو وجميع انواع الالعاب والنت والسوني والتلفزيون
وامي كانت لنا صديقه منها كانت تراقب العابنا ووش نتفرج عليه وكانت تلعب معنا
وكان كل خميس نشوي نسوي قرعه ونوزع الاعمال بينا وكنا نحط اسم امي وابوي معنا وتمشي عليهم القوانين
واللي يفوز طبقه يطلب اللي يبي

مره طلبنا نروح لجده وماكان فيه طياره لجده الا يوم الاثنين ورحنا وغبنا من المدارس
وكل مره نطلب شي

كانت الروحه للرياض تجيب الهم انا كنت مااحب اروح للرياض لان ماكنت استحمل الوداع
فمااحب اروح الا لمده طويله
فكان كل شهر نروح للرياض
وكنا بنقطع عمرنا خوالي يبونا وعماني يبونا وحنا نبي السوق ونبي نروح لكل مكان
فماكان تكفينا3 او 4 ايام
فصرنا اذا رحنا نجلس اسبوع ونسحب على المدرسه
مع انه ماكان يكفي والوداع صعب
كرهت المطار
بشكل ماتتخيلينه اول مانرجع من الرياض تكون نفسياتنا منعفسه بعد اسبوع نتأقلم

الغربه بشكل عام متعبه
بس يكفي انك نعيشين مع امك وابوك واخوانك وعيالك
والله يهون شي كثير
وتتقربون من بعض اكثر واكثر

<<لي عوده

ياحبيلكم والله جاني الصياح وانا اقرا كلامكم
انا الام وعيالي مره طفشانين وعلى قولتك تقربت منهم اكثر وحطينا لهم رحله شهريه
كشته او سفره لمناطق قريبه منا واحياننااكافئهم يختارون وش اسوي لهم حلا نطلعهم للبحر تصدقين حتى ماعندنا مطار مجدوعين بقريه الله يلم شملنا باحبابنا ومدري ليه كل ماسمعت انشوده او قصيده عن الام والاب غصب ماامسك دمعتي احس بشي مسحوب من قلبي بس تصدقين ان ان الغربه فيها فوائد كثيره مره مره
لي عوده

حبيبتي اعشق بجنون وش سويتي بالغربه الاخيره تاقلمتي الله يردكم سالمين يارب