السلااااااااام عليكم ورحمة الله وبركاتة
.
كيفكم بنوتات حواء بصراحه من زمااااان
كان ودي انزل هالموضوع ... علشان اعطيكم فكرة عن لبس أهل صلالة
ولأن هاللبس ما يلبسه غيرنا بالسلطنة ..
وتمنيت اجيب لكم صور
كثيرة ولكن للأسف مو متوفر بالنت :(
وبيني وبينكم ما حبيت اصور
ثيابي الخاصة واعرضها ع الإنترنت ..
ولكن بإذن الله راح اصور
لكم من المحلات وادرجها لكم ...
طبعا ً انا بعطيكم اللبس الرسمي
اللي ينلبس بالأعراس ... حاولت ارسم لكم شكل الثوب
وحجمه عن طريق الفوتوشوب .. كـ فكرة
وهذا هو:
اهو فكرته زي البشت تقريبا
قماش الأعراس هو: المخمل الأسود
أو الملون على حسب
رغبة البنت ... بس الأسود اهو السائد
ً
يختلف عن فكرة البشت بأنه من الخلف طويل ..
و من قدام قصير إلين نص الساق او اطول شوي ... او أقصر :23:
والحكمة منه إنه يظهر
جمال السيقان ... من زمان هالعادة
وطبعا ً ما تظهره للرجال!!!
لا بين الحريم وعلى محارمها
يعني اللبس ساتر .. يخفي معالم الجسم ..
والحريم الكبار وبعض الحريم
يحبون يلبسون تحته سروال عليه نقش وخرز مشكوك ..
وزي ما ذكرت من الخلف له ذيل ملكي ...
تدرون مافي فستان ملكي بدون ذيل ولا وش رأيكم :o
وفتحة الصدر لها اشكال
اذا تبغينها مربع او دائري او معين ..
وسعته يبرز جمال
النحر والصدر .... بس طبعا ًمو بشكل فاضح ... :42:
والنقش والرسمة تختلف على حسب
الموضة عندنا بصلالة سنوياً ..
وهذي صور بعد
حتى تتوضح لكم الرؤية ... طبعا ً عرضه ما يبان
إلا لما تفتحين ذراعيك بااااااع .. بس بوجه عام يكون الثوب نازل ...
وانا حطيت نقوش
حيالله شئ بس علشان اوضح لكم
الفكرة العامة إنه الشغل يكون ع الصدر والأكمام
ومن تحت .. او الفكرة تتغير كنقش مستقيم من فوق لتحت بالوسط وكذا ...
يعني ماله شئ محدد
بس الأغلب فكرته زي الرسمة ...
.
أتمنى إن الموضوع عجبكم
واوصلت لكم معلومات عن لبسنا بمحافظة ظفار
وبإذن الله انزل لكم
صور أكثر ع الأيام الجاية ...
أنتظر تعقيبكم الحلو اللي
مالنا غنى عنه ... :26:
انتظر الصور بفارغ الصبر