مـــــــــانــي قـــــــــادره أصــــدق اللي شــفـتــه الــــيــوم !!!!

بسم الله الرحمن الرحيم


الله يسعد كل من تدخل و يسخرلها زوجها و يرزقها بر اولادها



بدخل في الموضوع على طـــــول ...



اليوم خرجنا بعد المغرب في مخطط نتمشى ومنه نتعرف على الجديد في

المنطقة ( ماصارت تمشية صارت كأنها حلقة من حلقات كونان )

وصلنا أحد المخططات


المهم المخطط انارته قليلة لانه جديد و قبالته جبال

إلا و اشوف ذاك اللي يمشي على السكة من ناحية الجبال توقعت اني اتخيل فما تكلمت

مشينا شوي ورجعنا من نفس السكة إلا وزوجي يقول شايفة اللي أنا شايفه ؟

طالعت إلا وهو نفس اللي شفته قبل شوي وتوقعت خيال ولا ظل سيارة من السيارات

المارة بجنب الجبل


تتوقعون ايش شُفنا ؟



يابنات ماني مصدقه للحين ...



شفنا ذاك الطفل في عمر9 أو 10 سنوات يمشي لوحده بين الجبال طالع على الخط

توقعنا يكون خارج من احدى الفلل في المخطط المقابل لكن مستحيل يكون منها هذا

طالع من الجهة المقابلة ومن ناحية الجبال و المنطقة الخالية من الأناره

ناظرناه وهو يمشي قلنا يمكن ضايع هنا لكن الطفل ما يبكي و يمشي عادي

قلت لو ضايع كان يصيح ولا يأشر على أي سيارة تمر بجنبه .. و خصوصا" اننا وقفنا وسألناه تبغى نوصلك رفض

وكملنا نلف في المخطط إلا وذيك السيارة الواقفة بين الجبال ابعد شوي عن المكان اللي

شفنا الطفل يمشي من عنده

قال زوجي صدقيني هاذي السيارة هي اللي منزلة الطفل اكيد خاطفه ونزله هنا والولد

رايح بيتهم هنا خفت قلتله ارجع نشوف و ين وصل الولد

تصدقون يمكن مشى كيلو على رجوله وشفناه لمن وصل الخط الرئيسي

ورجعنا و سألناه مرة ثانية تبغى جوال تكلم أهلك ؟ أنت ضايع ؟

سألناه وقال مافي شي مافي شي وكمل يمشي ورجعنا

نتأكد السيارة مكانها إلا وهيا كانت تمشي بشويييش لمن اطمن صاحبها ان الولد وصل

الخط الرئيسي


و كمل طريقه بسرعة وخرج من المخطط قال زوجي ما قلتلك هو اللي منزله

وانقهرت قلت ايش رأيك نمشي وراه و لمن يوصل تكلم ابوه ...

ورجعنا و لقيناه يكمل طريقه و سألناه مرة ثالثة

فيك شي ؟ تبغى جوال تكلم اهلك ؟ نوصلك لبيت أهلك ؟ و كانت إجابته مافي شيء لا لا وهو يمشي

قالنا خلاص ماراح نجبره يتكلم ولا نبغى مشاكل بكره يتهمونا فيه خصوصا"

الولد نفسه ما اشتكى ولا طلب مساعدة


وانا الحين مقهووورة بس أسأل نفسي ... هذه الأسئلة




الـــــخــــلاصــــــــة


لماذااا بعض الأمهات تتعب وتربي سنين و في النهاية يأتي فاسق أمه ما ربته على

الدين ولاعلى الخوف من عذاب الله و يهدم كل اللي بنته تلك في يوم ؟


لماذااا بعض الأهالي تخلوا عن واجبهم نحو اولادهم و تعريفهم بالشرح البسيط ما هو

التحرش الجنسي و الإغتصاب وكيفية التصرف حيال ذلك حتى يحموا انفسهم إذا ما

قدر الله و تعرضوا له ؟

لماااذا بعض الأسر لا تضع حدود و ضوابط للقنوات الفضائية التي لا هم لها سوى

إشعال الغرائز حتى في الأفلام الكرتونية و الأناشيد المصحوبة بالمعازف و الرقص ؟

لماااذا لا يبتعد بعض الأباء عن أسلوب التهزيء والسب والشتم والضرب حتى يتحلى

الطفل بالثقة في النفس فيستطيع اخبار والديه بما يحصل له دون خوف منهما ؟

لماذا بعض الأباء الغوا اسلوب الحوار و معاملة الطفل كراشد و كصديق حتى يستطيع

التكلم إذا ما تعرض لأي عارض دون خجل ؟

لماااذا الخوف دائما" من المسؤلــــــــيـة عند الرغبة في التبليغ عن أي حدث كان ؟


أسأل الله تعالى أن يحمي أولاد المسلمين من كل مكروه

و لتعلم كل من ضيعت الأمانة بأنها ستحاسب

و لكل فاسق اعلم بأن الله يمهل و لا يهمل وانه لا تغفل له عين ولا تنام و كل ما فعلته

مسجل في صحيفتك و ستحاسب على مافعلته حسابا" عسيرا



اللــي تـســأل ليه مــا بـلـغـتوا ؟



أولا" انا اتمنى يكون تحليلنا غــلــط × غــلــط


ثانيا الولد كان عـــادي و يرد انو مافيه شيء وما عليه اية علامة خوف او تردد ( تلعثم ) او تعرق

او جحوض في العينين او توهان او اي علامة من علامات الخوف اللي اعرفها

وكان يبتسم وهو يرد

و الشارع الرئيسي مليان محلات تجارية و سيارات وناس رايحه و جايه و احنا ماشين وراه

كيف لو قال هذولا بيخطفوني ؟

و احنا تابعناه من بعيد لبعيد لمن وصل بيتهم لأنو مو معقوله بنتركه ، لكن اننا نكلم اهله مايخصنا وخصوصا الولد

مو خااااايف

ولا يبكي و رفض حتى ياخذ الجوال ، و الاهل ما راح يصدقوا كلامنا و لا يسمحوا اصلا" بالكلام في هذه الامور


على كل أم ان تفتح قلبها قبل عينيها لأولادها حتى تكون الملجأ الآمن بعد الله لهم و ان تكون لغة الحوار المتبادلة هي

اللغة السائدة بينكم و شجعيه بأخذ رأيه مهما كان عمره ووجهيه دون تعنيف واشبعيه بالقبل والاحضان

و الكلمات