يسعد أيامكم حوائيات....
الكل بيعرف الملوخيه و أنا لاحظت إن الكل بيعملها بطريقه تشبه الشوريه, لــــكن أنا أفظلها و أحبها كتير بالطريقه الي راح تشوفوها
و لو جربتوها راح تعرفوا الفرق الكبير بينها و بين الطريقه المعتادينها...
طريقه ممتازه بـــطنجره الضغط و ما بتاخد وقت أبدا أكثر من 20 دقيقه و السر فعلا بالطعم بتتسبك و بتاخد قوامها مع المرق تبعها يمممييي يميييي
الطريقة
ملوخيه طازجه أو ناشــــــفه // تتبعين نفس الطريقه :42:
1 جاج كاملة // مسلوقه و منزوعه العظم// مفتته بطريقة خشنه
مرق الجاج
2 ليمون
5 فص توم
3 بصل كبير
زيت زيتون
ملح
كزبره ناشـــــــفه
راح تحتاجي المكسر اليدوي
قبل من نبدأ المقادير فيكي تزودي و تنقصي فيها على حسب الطلب
لكن كل ما كان الزيت زيتون, الكزبره, ليمون, ضاهره في الطبخه هاد بكون سر الطعم.
الطريقه كـــ العاده إتباعا بالصور
بنقص أطراف الملوخيه أو ننضفها من اي شوائب
ننقعها كم دقيقة بمي باااااارد و نغسلها عده مرات بعدين بنصفيها من المي
نظيف زيت زيتون حسب الرغبه و بعدها الجاج بنقلبه شوي
نقشر الليمون و نقطعه بهالشـــــــكل و نظيفه مع الكزبره و الملح
نقلب شوي
نظيف المــــــلووووخيه
نظيف البصل و التوم لمرق الجاج لين ينتهي المقدار
نظيف الخليط للملوخيه و نقلب شوي
نســــــكر طنجره الضغط و نخليها 20 دقيقة فقط
بعد 20 دقيقه بنطل عليها و هاد شـــــكلها,, تأكدي من الملح و الحامض
(( جـــــاهزه )) فيكي تقدميها مع رز أو تاكلوها مع الخبز
طعمها فعلا لا يقــــــاووووم رائحه الكزبره و الليمون و الزيت زيتون "ماشـــــــــــــااااء الله"
يمي يمي صحتين
المعذره ع التصوير كامرتي ما بعرف شو صابها hehehe