مفاجأه للزوج لما أنت تكوني جايه من السفر

السلام عليكم ورحمة الله وبركاته
حبيت اشارك بموضوع بالنسبه لي مهم ويمكن يهم أخواتي اللي يحبون المفاجأت والحركات الحلوه للزوج بأبدا بمشاركه من عندي ويا ليت كل وحده يكون عندها فكره حلوه تطرحها حتى الكل يستفيد
ما أطول عليكم وبأبدأ لما كنت مسافره العام الماضي مع الاهل من دون زوجي كنت أبحث عن فكره جديده لهدية زوجي مثلا العطر والساعه ووووو...... خلاص مليت منها فما لقيت أحسن من هذي الفكره اللي هي
1 - أتصلت على محل الحلويات اللي في بلدي وحجزت جاتوه (طبعا النوع اللي يحبه)
2- كلمت أخوي وخليته يحجز باقات ورد صغيره و ورد أحمر وابيض يسويه زي الشريط يعني مثل لعقد اللي يصلح بورد الفل لكن الاطراف ماهي مثبته
3- اشتريت أوراق من المكتبه وكتبت عليها كلمات حب واشتريت لزاق لان مافيه وقت أدور في البيت
4-قميص نوم + بيجامه غلفتها بعلبه فخمه



الطريقه اتفقت مع زوجي انه مايستقبلني في المطارلا ن الرحله انتظار واني لما اصل ادق عليه ويجي يأخذني من عند أهلي طبعا انا جايه على رحله مؤكده و وصلت وخليت أخوي يكلم زوجي ويسأل وينه لما تأكدت أنه مو في البيت على طول ذهبت للبيت وبديت بالترتيب الاوراق علقتها على الجدرا ن والهديه حطيتها على السرير طبعا بعد ما بدلت المفرش وأخوي ماقصر أحضر الجاتوه والورد وجهزت الطاوله وحطيت الجاتوه والباقات وزعتها على طاولة الغرفه مع الجاتوه وعند مدخل البيت والدرج وباب الغرفه ولبست ولفيت الورد اللي قلتكم عنه مثل الشريطه على يدي أما الشعر والمكياج مسويته عند الكوافير قبل ما أجي للديره
بعد ما جهز كل شي اتصلت بزوجي وقلت له أننا وصلنا ووصيته يروح للبيت يتكشخ لاني عازمته على العشاء وبكون في بيت أهلي أكيد هو مصدق وعلى طول راح للبيت وكانت المفاجأه والحمدلله تم كل شي على خير زي ما تمنيت
إنشاء الله عجبتكم مشاركتي البسيطه :27: