عزيزتي زيزينا انتي بالفعل راائعه وكل الاخوات كمان :21: بس يابنننات انا اليوم اكلت يعني احس اني خربت السعرات :( يعني صحيت وتغديت فخذ دجاجه مقلي طبعا بدون الجلد وبعدين شربت كاس شاي اخضر بالنعناع وبعدين مشيت سااعه وبعدها جعت :11: واكلت سلطة خيار وجزر بالليمون :23: بعدين بكم سااعه والله يابنات خلااااااااص ضعفت واكلت جالكسي دويتو :42: يعني هو 50 جرام بس احس ان فيه سعرات كثيرررر جدااااا وبعدين اكلت وجبه بحريه :06: يعني كم حبه جمبري واسكلوب ورز وبطاطس مقلي :29: والله مره احس اني اكلت سعرات زايده بس على فكره انا بعد الوجبه طلعت ونزلت الدرج لمدة سته دقائق يعني تقريبا تعادل المشي لمدة نصف ساعه :30: بس والله قلت بكرره لا والف لا لا :(
ان شاء الله بأكل قد ما اقدر اكل صحي واحاول انوع الاوكل ومايزيد عدد السعرات ولا الكميه وان شاء الله ينزل الوزن بعد بكرره ادعوا لي يابنات الله يوفقكم كلكم ,,,,
وغدا لنا لقاااااء ,,:31:

مساءكم ورد جوري وأحمر بعد :26:

مر اليوم الثالث بسلاااااااااام ولله الحمد والمنه 00 ومتفقه مع نفسي اليوم وأنا أسولف معاها إني ما أوزن ألا بعد اسبوعين على الآقل ؛؛ لأني بصراحه بخاطري أطيح غشيانه ولما زوجي يركض صوبي مثل رشدي أباظه ( عاد والله يشابهه حيييييييل ) يبي يشيلني يطيييييييييير فيني على الطبيب ؛؛ يبطل عينه على وسعهم ويصرخ ويقول (( ريشه !ريشه ! هذي مو زوجتي ؛؛ هذي ريشه ! )) وقتها بس هند رستم ( ويييييييه) أقصد أنا أفتح عيني واقوله (( إي نعم 00 أنا الريشه اليديده ؛؛ وطايره بالهوا شاشي وإنت ماتدراشي ياااااااجدع )) وهذا كله مايصير طبعا إلا اذا وزنت بعد أسبوعين واكثر عشان يكون عدد الكيلوات المنتحره مني وإلى غير رجعه انشالله كبييييييير ؛؛ وكبررررررر البحر بحبكم(على قولة فيروز)

لميس 00 ألف مبروك على الوزن اللي طيرتيه وعقبال باقي الكيليوات المزعجه ؛؛ ولو اني ماخذه بخاطري:44: عليج لأنج ماطريتيني وانتي تزفين هالبشاره 00( أتغشمر ترى)

دلوووووووووووله 00 أي زينيكاااااال أي مسهل 00 جريمتج شنعاء ياقلبي ؛؛ ماكدونالدز يالظالمه ( وحده محتره:mad: ) ؛؛ محاااااااااااربتج لين تبطلين تخونين فينا آخر كل يوم (( يعني مو سالفه هذي احنا ميتين جوع ودودو مبسطه بالماكدونالدز))

بتولة الكويت 0000 إإإإإإإإإإي هذي الآخبار اللي تفتح النفس وتخليني أنام واحلم أحلام سعيده 000 مبرووووووووك ياقلبي وتابعينا

زيزي حبيبتي شلونج ؟ بشرينا ؟ صاااااااامده انشالله؟ بسويلج اشتراك بسينما الفردوس ( والسبه هالفلفل وشفايفج الحمر ) تدشين كل أفلامهم ببلاش (مو كأنه سكروها؟)
زيزي علاقة هدومج وصيت عليها شغل إيد انشالله من ألاسكا بس توصل ببعثها لج ؛؛ عاد شوفي متى الطيبين هناك يقعدون من النوم ويجابلون شغلج
وعلى سالفة المعلومات والوزن :

الاسم : أنا
العمر : 33(ومع المتن الحالي عمري 93)
الطول: 164
الوزن الحالي : :06:
الوزن المطلوب: 66-70 كجم (أحب أكون ملفوفه مو عصايه لأنه يلوق على قصة جسمي وعظمي العريض)
نوع الريجيم : الكيميائي :19:

ام سميه : والله انتي مفرحاني 00 استمري استمري استمري وكلنا معاكي 00 للأمااااااام سر

ام شهيد 00 قلبي وقلوبنا كلنا معاكم ؛؛ الله يصبركم ويقويكم ويرد كيد عدونا بنحره اللهم آمين ويتقبل شهداءكم وشهداؤنا برحمته ومغفرته وياااااااااحظهم عند ربهم 000
تسلمين ياحبيبتي على سلامك الخصوصي لي وتسلم يمينك ؛؛ واحنا كلنا بلا استثناء أصحاب المشروع ومبروك تثبيته 00طمنينا عليكي أمانه وتابعينا بأخبارك وياااااااااااريت بأيدنا شي نساعد فيه ؛؛ ولانملك إلا الدعاء الصادق لكم 00

كاتي كتكوته 00 تستاهلين الطيب كله ياعيوني ؛؛ وبعدين أنا مشيت 45 دقيقه وزوجي اللي مشى 20 دقيقه 00 بس اليوم مادري شفيني مامشيت إلا نص ساعه يمكن ليش كنت تعبانه لآني طول اليوم بتنظيف وترتيب البيت ؛؛ وبستمر انشالله ؛؛ وفعلا الحياه أحلى وحاسه أني خفيفه والله والآهم ( وينج زيزي ) لقيت زوجي نفسيته ارتاحت أكثر وصار يتابع معاي أخبار يومي وصار في أخذ وعطا بينا ؛؛ لا ويدش المطبخ معاي نضبط وجباتنا 00 وعشان جذي أنا وااااااااايد مرتاحه ومستانسه وهذا يمكن انعكس على اسلوبي هاليومين بيومياتي معاكم 000وهذا كله توفيق من ربي وبفضلكم والله وبفضل رفعكم لروحي المعنويه وهذا فعلا اللي فاق توقعاتي من أثر هالمجموعه علي أنا وعلى غيري ؛؛؛ والله والله من دخلتي هني اليوميه وكلامنا مع بعض خف الضغط النفسي وااااايد واسترديت ثقتي بنفسي تدريجيا وصار عندي حافز للأنجاز في حياتي وماتصورت اني ممكن آخذ فكرة الرجيم بهالإصرار والتحدي 0000 متمنيه كل وحده فيكم تكون لمست ولو تأثير بسيط إيجابي في حياتها من بداية مجموعتنا وياريت كل وحده تقوله عشان نتحفز أكثر 00

وكل اللي أقدر أقوله إني فعلا أحبكم أحبكم 000 وكل اللي أقوله مو مجامله ولا فيه مبالغه ويشهد ربي علي 00

كتكوته 00 بسويلج علاقة هدوم من جبن وصيتلج عليها مع علاقة هدوم زيزي :33:

حزن دار زايد 00 مبروووووك

دانة جده 00 ياهلا ومرحبا فيكي بينا عيوني 000 وكلامك عين العقل 00 تابعينا بأخبارك مو تنسينا

لحن المساء 00 إسم الله عليكي من الهم والغم 000 توه الناااااااااااااس عليهم 00بنت عمك يجوز لاهيه بدراستها ؛؛ تدرين التزامات الجامعه أكثر واصعب وعشان كده تلاقينها صاده عنك شوي ؛؛ لاتتوهمين ياعيوني انتوا أخوات وانشالله ماللعداوه مكان بينكم 000
بادريها باتصال أو زياره وصحي الماضي الجميل (حلوه هذي ؛؛ أقولكم انفع ممثله فاشله مو مصدقيني)00 وحاولي مره واثنين واذا لقيتيها مازالت صاده عطيها العذر وابتدي دوري على صداقات جديده ؛ وبكره لما بتبتدي الدراسه ماراح يكون في وقت أو مجال للتفكير السلبي هذا 00 وبعدين شسالفة الثلاجه معانا ! كل ماوحده زعلت دشت داخلها وسكرت الباب

:confused:

اقري نقاشنا بالمجموعه من الاول واستفيدي من كلام الآخوات مثل ماانا استفدت 00 وخليكي معانا نساعد بعضنا بعض 00

كيكتنا الغاليه 00 شلونج حبيبتي ؟ وبدايه موفقه انشالله 00 شدي الحيل ؛؛ تراج قدوتي مع كاتي وزيزي بالاراده والتصميم ( عاد صعبه أنا ياحتة تلميذه أضعف والأبله تظل تخينه ؛؛ صعبه أوي والله مش كده ياام سميه؟ )

لولو_نونو 00 بشرينااااااااااااااااا

أقولكم تصبحون على خير ؛؛ بروح أسبح النونو اللي سهران للحين ومتمرد علي 00 وعساه ينام وانااااااااااام :40:

بااااااااااااااااااااي ياغاااااااااليين

زيزي 0000000 عسسسسسسسسسسسسسسسسسسل يالشيطانه:42: صج استمتعت وضحكت على العرض الحي لطابور المتسابقات وهم بفساطين(فساتين) السهره 00 تصدقين عاد كأنه صج :) يخزي العين 00:41:

دانة نجد 00 دندونه أحس ان يومك متوازن ؛؛ يعني اللي أكلتيه مع المجهود الحركي اللي بذلتيه ؛؛ ارمي اليوم ورا ظهرك وابتدي بدايه جديده وحلوه بكره 00 :27:

بنات ابي الريجيم الكيميائي

ياليت بسرعه

وابيكم تقولون لي كيف تسون ريجيم

وانتون تسهرون انا مو عارفة اسوي ريجيم

لأني بالليل صاحية وبالنهار نايمة

السلام عليكم


انا الحين بالسبوع السابع من الريجيم


وكل شي اووووووكي


كان وزني قبل مدة فوق المية والحين ولله الحمد بالثمانينات وودي يصير بالسبعينات يارب


شاكرة لكم حضوركم بهالقسم


وحبيت اقول لكم كل شي بالارادة يصير واحنا قاعد انشوف شكثر ناس كانو اكسات لارج والحين رشيقات مثل عارضات الازياء



احنا على الاقل نبي يكون شكلنا معقول مافي اي بروز وحطي هذا الهدف الاول وشوي شوي توصلين لاكثر من جذيه