اهلييييييييييييييين

كيفكم عساكم بس بخير

مسا الخير على الجميع .... والله الواحد هنا يرتاح صراحه لما يشوف ناس عندهم مثل همومه ويدعمونه بعد ... اخواتي الحبيبات انا اعلن تضامني التام والكامل مع المجموعه واجند اعتى الاسلحه والجهود لدعم المجموعه ... عاشت المجموعه عاشت ====> اخذني الحماس اعذروني
خواتي انا قبل الزواج كان جسمي مره فوق ومره تحت وبدون اسباب شي يحير بس الاكيد اني افش خلقي بالاكل ومو اي اكل لازم بطاطس وكولا وكاكاو والذي منه ...
بعد الزواج تمام حتى ان التنانير صارت تزلق من جسمي ...... يا سلااااااااام اخر دلع .. بعد سنه ونص ياحلاوه تخرجت وحملت ومع الحمل ثقلت بسرعه ومع الحاله النفسيه زاد الكيلوات وصارت تتراكم وانا اقول احم معذوره انا محد بيقول لي شي انا حامل بس ولدت يارب اول مارجعه للتنانير وشفت نفسي بغيت ادوخ يالله تماسكت ... المهم عمر بنتي اربع شهورالحين الله يخليها وانا نزلت طبعا بس مو الشي اللي اطمحله وتوني باديه ريجيم الكاربو هيدرات و... يعني هه مره التزم ومره امرق بعض الاشياء ... والله يابنات ودي تشجيع واشوى اللي لقيتكم ونفسي البس من هالزين اللي بالسوق لاني بعد النفاس درت اسواق الرياض وربي مالقيت قدي شي وانا اغلب سمنتي بالارداف ... بس نصايح اعطيم الكلام عندي كثير .... اهم شي ماتاكلين كل ماطرا لك اشغلي نفسك وخلي الوقت يمر وتناسي الاكل .... * لا تشترين مالذ وطاب يعني لاتملين الثلاجه وتقولين ارادتي ضعيفه ....* الرقص مفيد ومبهج .. استهبلي شوي . * التزمي نظام او بدون حتي يعني مجرد تخفيف ومعاه احد الطرق لتذويب الشحوم واخواتنا بالمنتدى ماقصروا مثلا ليمون ومويه دافيه عالريق وقبل النوم ...... * فيه شاي حلو ومجرب للتخفيف انا توني باديه اشرب منه اسمه شاي جامو .... والله يعيني والجميع يارب ونوصل للحلم الابدي الرشاقه ::24:

آسفة تأخرت عليكم بس أدخلوا علي ضيوف فجأة ( أمي وخواتي )
نرجع لموضوع الساحة الحوارية :
بالنسبة لي من صغري وانا ضعيفة عصقولة وكانت امي تشتري لي ملابس أصغر من سني علشان تناسبني اما التنورة فكنت أتمنى ألبسها بدون ما تطيح وأرفعها :23: ما أطول عليكم ظليت على عصاقيلي لما تزوجت وكان عمري 24 سنة وكان وزني يتراوح بين 50-52 كجم إلى الآن آنا أوكي تدرون مع الزواج وحياة جديدة وحمل ولادة كان يوصل وزني 57كجم بس أسوي ريجيم وأرجع ومشى الحال :42: لكن من مدة سنه زاد وزني ولكن وين من منطقة الأرداف والخلفية واللي كنت ألبس تنانير مقاس 38 أو 40 صرت ألحين ألبس مقاس 44 :06: مو قهر الأسباب :
1- تغير طبيعة الوظيفة كنت مدرسة أنتقل من فصل إلى فصل وأفقد سعرات حرارية هائلة عند التدريس لأني بصراحة أدرس بذمه وتدريس الأولاد يحتاج إلى ضبط وحزم أما العام الماضي فكنت مدرسة أولى لدي فصل واحد للتدريس فقط وكانوا بنات يعني ما فيه تعب بالتدريس بالمرة وما فيه حرق للسعرات الحرارية وكان الفصل مقابل غرفتي يعني ما فيه مسافة للمشي أيضاً المختبر بجانب غرفتي عندما أحضر للمدرسات وكنت دايماً قاعدة على المكتب أكتب الملاحظات والاجتماعات .
2- السبب الآخر أن بيتي كبير دورين وكان عندي خادمة وحدة وكنت أساعدها بشغل البيت بمجرد وصولي من المدرسة لكن العام الماضي جبت خادمة ثانية لأتفرغ لأولادي ومتابعتهم دراسياً وبالتالي لايوجد حركة بالمدرسة ولا بالبيت هذا سبب سمنتي أكل من غير حركة :44: أرجو ماأكون طولت عليكم

مساء الخير يا ارشق الرشيقات انشاءالله والله سوالفكم تونس ما تلاحظون اننا نتشابه في شي وهو الانتفاخ العجيب بعد الولادة! وان اوزانا طالعه نازله والجسم ترهل وراح فيها بس يربي شنسوي مثل ما يقولون الاكل متعه والحمدالله يا رب العالمين دام الوحدة بعافيتها ليش ما تاكل وتستانس بنعمة ربي( ابرر لنفسي لان حضرتي تعشيت بمطعم وبلعت ليما حسيت اني ما اقدر امشي!) بس والله ندمت يعني المفروض اني اكل ببطىء ولما احس بالشبع اوقف مو اهجم عالاكل واكل مع اني احس اني شبعانه وهذا اللي نافخني والقهر اني قبلها رحت شريت اثقال عشان اشد زنودي متناقضه صح ! اعرفكم نفسي عمري 25 عندي توأم ولدين ومدرسه مشكلتي اهي زيادة الوزن طولي 162 وزني 69 ال7 كيلو هذولي مشكلتي مع ان اللي يشوفني يقول وزني اقل من قبل ما اتزوج وزني بين 67 و70 وبعد الزواج سويت رجيم وصل وزني63 كنت فعلا مانيكان وزوجي كان يقول خليج جذي لا تمتنين ولا تضعفين ولما حملت بعيالي طبعا امي ما قصرت كل ما شافتني حطت لي الاكل وتقول اكلي وانا ما اصدق عا الله وابلع ليما وصل وزني 97
بعد الاولادة ب6شهور صار وزني73 والحين بعد سنتين وزني 69 ودي انز ل لو 5 كيلو شريت ممشى من لسبوع واليوم شريت اثقال سبب زيادة الوزن عندي الشهيه المفتوحه واني اذا زعلت او احاتي شي على طول اكل بشراهه فظيعه مشطلتي اكرة الاتزام برجيم معين عشان جذي صرت اخفف الاكل وتعالو شوفا ثلاجتي يا سلام جبن قليل الدسم كيوي وبرتقال توست اسمر وحليب خالي الدسم عشان ما اخربط وما افكر احمل الا اذا ضعفت وصرت راضيه على نفسي والحين بروح امشي ساعه بس الصراحه يا بنات الممشى فعلا رائع وشد جسمي واحس ان شكلي غير خلاص الحين تحمست وبروح احرق الدهون هيااااااااااااا :cook: بااااااااي

قووووه بنات شخباركم ؟؟؟ بنات الي امتابعين الرجيم الكيميائي شدو حيلكم فيه ترا حده اوكيه
اختي جوريه خل اقولج شغله اهي مجرد ملاحظه شخصيه مني عن الرجيم الكيميائي
سلمج الله اول مره سويته كملت لي الاسبوع الثاني بس ماذكر لي اي يوم جان اخربه فرديت عدته من يد ويديد بالاسبوع الاول مانزلت فحاشني نفس الاحباط قمت ووقفته سويت واحد ثاني عقب فتره رديت عالكيميائي جان انزل فاتوقع والله اعلم اذا خربتيه لاتردين اتعيدينه على طول نطريلج شهر او شهرين ومثل ماثتلج اهي مجرد ملاحظه مو بالظروري اتكون صحيحه عمومن انتي خلصي منه وشوفي شالنتيجه معاج :26:
طبعن انا مالي ويه اتحجى خربت الرجيم يايبيلي كاكاوات لندن جان اعطييييه بدون لارحمه ولاشفقه مادري احس جني قاعده انتقم من نفسي ههههه بس اتوقع عادي ليش ماكنت ماكله طول اليوم على اكلي من امس بحاول التزم فشله الي قاعد يصير :01: