آه يا أمل قاسم نسيت اقول لك ان الرمرمة بين الوجبات وشرب الكولا بكميات رهيبة,, وتناول الأكل في الشغل سبب رئيسي في سمنتنا, وحاليا باجيب معايا تفاحة او حبة فاكهة او خيارة وبآكلها في الشغل لأن دوامي من 8-3 يعني فترة 7 ساعات يومية.

تأخرت عليكم ومن زمان ما قريت سوالفكم بس اعذروني المدارس قربت والحين عندنا ( مهرجان العودة للمدارس لتفليس الدرس ) طبعاً اشتري حق الشباب أغراضهم وتقريباً خلصت بس تصدقون نسيت نفسي وما شريت لي ولا شي وهذا يؤكد كلام أختي زيزي الحبوبة فعلاً نحن ننسى رغباتنا لإرضاء رغبات الآخرين ونضع أنفسنا في النهاية ..... المهم راح أتفرغ لنفسي باجر انشالله أروح مع أختي السوق وأخلص

نرجع لموضوع للساحة الحوارية بس أحب إني اعرض عليكم مسيرتي الذاتية ( عشتو )
انا كوكو عمري 34 سنة طولي 153 سم وزني حالياً للأسف 62كجم
متزوجة والحمدلله وعندي 3 أولاد الله يخليهم أعمارهم ( 9 - 6 - 4 سنوات ) الله يحفظهم
مدرسة أولى في مدرسة ابتدائية ( 10سنوات تدريس + سنة واحدة مدرسة أولى )
طبيعتي بسيطة جداً أرضى بالقليل ولو اشتريت أي شيء ولو ان بسيط احس إني اشتريت السوق كله الحمدلله بيتوتية ولا أحب الخروج والعزايم والعروس بس أحب أطلع مع زوجي لو نتمشى بالسيارة المهم نطلع مع بعض مرحة وأحب الضحك والنكت بس مرات ألاقي نفسي متنكده من شنو ما أدري بس الظاهر تكون أشياء صغيرة ومتراكمة برجي الجوزاء والمعروف أن الجوزائي متقلب المزاج ... عيبي الشرعي وهو أنني لا أستطيع مواجهة الشخص الذي أمامي بعيوبه ليس خوفاً منه ولكن لا أحب أن أزعل أحد أو أحد يتضايق مني ودايماً زوجي يقولي تشجعي وحاولي تقولين رأيج بالشخص اللي جدامج بكل شجاعة عل اعتبار إني مسئولة عن مدرسات ولازم يصير فيه نقد بطريقة التدريس أو بالتصرفات حاولت ولكن لست راضية على نفسي ما أدري إذا فهمتوني

ويني عنكم.............؟؟؟!!!
ونا مثلكم نفس الحكايه انا كان جسمي يحسدوني عليه وانا باول حمل لاول طفل الكل يشوفني يقولي ماكنك حامل
وبعد الولاده الثالثه زاد وزني وبداء بازدياد الين ماوصل 108 وظولي 158 وااااااااااااااااااااااء
طبعا كنت افكر اسوي رجيم بس زوجي ماكان يشجعني يقولي انتي عاجبتني كذا....!!!!
واذا سويت يوم يومين ارجع اخرب وارجع للأكل بزياده طبعا من شهر اصريت اني اسوي رجيم
ابي اكون رشيقه تعبت من السمنه لدرجة اني لما اطلع الدرج اتعب ومااقدر اشيل البنت الصغيره اللي عمرها سنه ونص وهذا كله ليش لاني دبببببببببببه صايره اتعب بسرعه

قررت من شهر اني اتبع حميه لكن كل مابدأت بحميه امل منها وادور على حميه ثانيه وثالثه.... وهكذا
حتى اني روحت لدكتورة تغذيه لكن برضو مااتبعت النظام اللي اعطتني هوو.......... هذا أنا
ماقدرت على نظام الحميات وقلت خلني اتبع طريقة التخفيف او الحرمان وفعلا بدأت من اسبوعين وصرت مااكل او اكل بس اقل من المعتاد بكثير
وطبعا زوجي متضايق لاني مابجلس معه على سفره وحده واتهاوشت انا وياه وقلت انت المفروض تشجعني
والحمدلله بعد هالهاوش صار يقولي الله يقويكي وينولك اللي في بالك
الآن نا متبعه نظام التخفيف في الأكل
والمشي لمدة نص ساعه واحيان ساعه الا ربع مااقدر اطول اكثر من كذا لاني أتعب
والحمدلله نزل وزني من 108 الى 99 ونص جالسه اكتب لكم مأساتي ونا ميته من الجوع
والنفس بتراودني لكن انشاءالله ربي يقويني
ويقويكم وارجوكم انكم تشجعوني اني استمر:26: :26:

مرحبا بنات شلونكم يا حلوات

اولا احب اسلم على حبيبة قلبي ونور عيني جورية

والف الف شكر على ترحيبك بي بينكم يا عمري

وان شاء الله بعون الله ثم عونكم يا اغلى اخوات ببتدي ريجيم معكم

بس المشكلة اني بسافر بأذن الله الجمعة الجاية لسوريا وما راح اقدر اتابعكم

وان شاء الله لما ارجع بخير وسلامة اقول لكم على اخر التطورات >>> متأثرة بالاخبار :42:

بنوتات حبيبات قلبي ادعوووووولي :06:

حبيبتي زيزينا الكلام اللي في توقيعي هذي قصيدة لنزار قباني ... كان ودي انها تكون لخطيبي

بس يالله مشى الحال :(

جورية يا غالية بوعدك بأذن الواحد احد سأبدأ ريجيم حتى يقول غزال ويصيدونه >>>> قلبت

الاغنية :01:

وربي يوفقكم يا عمري ويفرحكم ويفتح في وجهكم دوم كل الابواب

ويرزقكم راحة البال والسعادة

وانا اليوم اكتب لكم بودعكم وقلبي ناااااااااااار على فراقكم :44:

بس وربي بتبقون في بالي ولما ارجع ابغى اشوف الكل نازل وزنه هاااااااااه :30:

اما عن سبب سمنتي فاقوله لكم بأختصار ... احم... احم >>>> حشا مذيعة اسم الله عليك

من يومي وانا سمينة وانا دلوعة بابا وكان دلاله لي وتدليعه لي عبارة عن اكل واكل واكل :23:

لين صرت :06:

ولكن لالالالالالالا يأس مع الحياة .... ولالالالالالالالالالا حياة مع اليأس

حبيبات قلبي انا راح اشتاق لكم كثييييييييييييييييييييير

وان شاء الله ربي يحقق كل امانيكم ياااااااااارب ... بس لا تنسوني من دعائكم والله انا محتاجة

له كثير ...:44: وجورية حبيبتي شيكي عالخاص وتعرفي :(

ربي يحفظكم ويبارك فيكم وفي عيالكم واهلكم

في امان الله وحفظه

اختكم محبوبة الشاعر

غروومتي حبيبتي تتعلمين عيوني يقولون كل طراق بتعلوم ، وانتي اكلتي كف يوم رحتيلهم وشفتي الحبايب قاعدين في اوتيل ، اديهم بالجزمة على دماغهم ( مو تسوينها صج :) )

اهلين في نورة ، التخفيف يحتاج له قوة وعزيمة واحنا ما فينا ، حياك الله ومبروك على الوزن الحلو

كاتي عمري عسى ما شر شفيك وليش مضيقة خلقك ، يبا الدنيا ما تسوى ، بيعينا بالسوق بس لا يضيق خلقك افا عليك بس ، طمنينا عليك .....

كيكتي عل والله بالغالية وينك مختفيه ، على فكرة ام شهيد سلمتلي الامانة الا وهي مجموعة خيازرين منقعة في ماي وملح ( لا تسالوني ليش مادري ) انا اقرب لك راح نسوي دايركت نيتوورك خيازرين شرايك ؟؟

امووولة انتي مش عاوزة تخسي ، مالك عاملة في نفسك كده ليه ، اهم حاجة ما تفضليش جاعانة ، اذا جعتي كلي والا الجوع بيبوظ الرجيم ، اسمعي مني وسيبك من حركات العيال دي

هلا ابلة كوكو مدرسة اولى ماشالله اشوه انا متوسط :o عاد تصدقين انا من الجوزاء بعد ، يا محاسن الصدف :) اذا على مشكلة المواجهة اذا عندك موضوع معين تحبين تقولينه ومو عارفة شلون ، سولفي عادي ودخلي في موضوع تقدرين منه تزلقين على اللي تبين تقولينه بدون ما يبين ، بس انتي بما انك مدرسة اولى لك صلاحيات في هالموضوع اذا مو عاجبك شي في مدرسة قوليلها وهالشي لمصلحتها اذا كانت مو عارفة او جاهلة موضوع معين لا تستحين ، تكفين اكو مدرسات لا اوائل ولا بطيخ تتأمر وتتطلب ولا تستحي مع ان نعتبر حالنا حالها ، قولي ولا تخافين واذا ما عجبهم دزيهم على مدرستي انا اقولهم :)

ام ليـــ an ـــان هلا اولله فيك وكملي انشالله وحنا معاك ولا راح نفصر معاك بس لا تتركين نفسك للجوع اكلي اي شغلة خفيفة او شربي شاي او قهوة بس ميتة من الجوع قوية ، وانشالله نسمع منك كل خير عن قريب

محبوبة الشاعر ، الله يرجعك لنا بالسلامة انشالله وانشالله السفرة تكون كلها راحة في راحة والله يوفقك ويعطيك اللي في بالك يا رب العالمين ، بس لا تنسين الحلويات من سوريا :07:

:26: :26:

الباقي وين ما مروووووووا على الدوام

خصم خمسة ايااااااااااام بدون راتب مفيش يمة ارحميني الا بعذر مقنع