م.ق.ف.ب. قرزمز برايتن غير...ادخلوا عندي حقاق وصور...

بدّورة الحلوة :

راحت ام وليام تعيّد عن أخيتها وضاق صديري... هيامن غييييييييييييير شرن يام وليام.... زاد هالحزة حس عصاتس ترنع الأرض فوق راسي... راحت الضعيفة لاخيتها وافطرنا حنا يومها انا وابونا كل واحدن وده يقضب شوشة الثاني... حتى هو ضاق صدره عليها...:) أجل لو انه انا تسان وش قال:) هكاليوم أفطرنا وتعشينا بالبيت قال لي أخاف يكون فيه احتفالات وزحمة وألعاب نارية وأنتي تخافين ... همن أبلش بتس... نبي نطلع باتسر يوم القرزمز نفطر ونطلع لمطعم وقت المغرب اكيد يبي يصيرون كافّين ... طلعنا يوم القرزمز عقب صلاة المغرب يقالتس انا نبي نروح لمطعم ... ونطلع ولا مابي احد يوصوص...بسم الله الرحمن الرحيم... مابه مخلووووووق....يعني بمعنى كلمة مابه أحد... حتى الهوا مابه هوا....:) كل هذا قرزمز؟؟ قعدت أردد انا بيني وبين نفسي (اللهم صل على محمد وعلى آل محمد كما صليت على إبراهيم وعلى إبراهيم إنك حميد مجيد..وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد ...اللهم إني أشهد أنه لاإله إلا أنت...وأن محمدا عبدك ورسولك...وإني أشهد أن عيسى عبدك ورسولك وكلمتك التي ألقيتها إلى مريم وروح منك...وإني أشهد أن الجنة حق ...وإني أشهد أن النار حق...ووعدك الحق...وكتابك الحق...والنبيون حق....وإني أشهد أن الساعة آتية لاريب فيها...وانك اللهم تبعث من في القبور...) هذا طبعا أردده دايما بيني وبين نفسي وفيه يختصر المسلم عقيدته في كلمات جميلة وشهادة حق أسأل الله أن يثبتنا عليها إلى أن نلقاه سبحانه... المهم قطعنا الأماكن التقليدية اللي بالعادة تكون حانة رانة...مابه مخلوق... الا تسان أحد يصقعه ذالجدار وذالجدار الله يعافيهم ولايبلانا... ونطلع....البقالات السينما اللي جنبنا؟؟؟ الجيران؟؟؟؟ المطعم اللي جنبنا؟؟ مقهى الانترنت ... حتى الله يجيرنا واياكم البارات مصكوكة... طاعون ابليس وش ذا الطوع؟؟؟ المهم وتظلم الدنيا... ويجي سنطا كلوز يقول وش تسوووووووون؟؟؟؟ قلنا اذلف أنت وخيشتك منحب لمك ولابغينا من خلاقينك شي.... رايحين نتعشى بفليساتنا الله لايوزينا الا لوجهه مامن علينا مخلوق... راح سانطا كلوز ويجون هكالاثنين مستغربين شكلهم موب من اهل الديرة :) مير يقرب واحد منهم لرجلي قال يالطيب ماشفت (بوب ) مفتوح ولا شيء... رجلي نزل راسه وضحكنا مستحين ماندري وش نقول... أجل أشكالنا أشكال بوب الله يخزي بليسك ؟؟؟ شافنا ماردينا عليه مير يلتفت عليه خويه شكله قال افهمها قال اوكي ميري كرسمس...:) مازعل منا يعني... رحنا ندور...ندوج... والله ماحدن ولاحتى الذباب يطن فيذاك غير اثنين قاعدين يلعبون كورة شباب .... يوم مرينا من عندهم نبي نروح لمطعم .نبي نااااااااااااكل ياناس.... وهم يزعقون علينا : ميري كرسماس بااااااااااالز.... ضحكنا وابتسمنا ورحنا عنهم وندور...ندور.... كل المطاعم موب بس صاكة... الا حتى انوارها طافية...بالعادة يخلون الانوار مفتوحة مير شوي... المهم عاد ونزرق للرويال بافيلون ... اللي هو معلم المدينة السياحي... تشوفونه تقولون مسجد ... وفعلا هو متحف مبني في القرن الثامن عشر ....على طراز تاج محل...:) يعني تشوفينه من بعيد تقولين مسجد موب متحف...وكان من قبل قصر لوحدة من شيوخهم... زين اللي ماطفوا لمباته....بعد:)من الفضاوة قمنا نصور فيه لين طفت الكاميرة :)

راحت ام وليام تعيّد عن أخيتها وضاق صديري... هيامن غييييييييييييير شرن يام وليام.... زاد...

G Libya :

السلام عليكم اهلا اختي وكل عام وانتِ بخير وربي يرد لك ام وليام بسرعة سلامي لك

السلام عليكم اهلا اختي وكل عام وانتِ بخير وربي يرد لك ام وليام بسرعة سلامي لك