هالا والله بالبنيات...


اجل عرفتن الدعسوق وشو...

بس عاد اصبرن لين نجمع القطة ...

..............


اقولتسن عقب ماصحت وفشيت قليبي ويقول ابونا تعالي نفك ريقنا وش تبين انهجي علي...(طبعا هذا من فنون الرومانس عند أبونا الله لايخليني)..

تبين نتقهوى في ستار بقس قلت لاماباه ...

قال اجل تبين بكوستا كفي...قلت لامابي (على بالي دلع ياخنت حيلي :( )

قال اجل انطقي عمرتس ماكلتي (وهذي ترا من فنون الرومانس طبعا :) )...
قلت ماابي....شيء...وانا اناشق...


المهم ويجعدني وراه لين وصلنا البيتش...ياااااااخ يالبيتش ماواطن شوفه مليت وتسليت منه...



بس هالنوبة رحنا من طرف برايتن متجهين لهوف...يعني هشوى جينا بالقلب وشفنا مناظر مختلفة ...

وهكالشميسة اللي تصرع يازينها زيناه لولا الهوا..

والامواااااااااج


ياااااااااخ ياليتني سمكتن تطب في البحر بس عشاني يشقلني الموج :)


وهشوى ولاه قارصني الجوع قام ابونا يطلب شاهي وسندوتش قلت جب لي معك هت شوكلت..

قال (بنظرة جانبية شامتة) هااااااااااا الجوع يهذب الطبوع...

:)
قلت انطم عاد لاتجيك الزعلة الصدزية.....جب هت شوكلت لابوك لابو عطلتك اللي مخليتك رومانس...

الله لايعيد هالرومانس...

واروح انطق في الكرسي المتخمخش والطاولة حقت البحر اللي حوايفها متحللة (سبحان الله العظيم)

مع ذلك ماانهارت يوم جا وحط الشاهي والهت شوكلت عليها...

صدز الا قالوا صناعة انغليزية ...حتى لو يخرب يشتغل :)....


اكلنا الهوت شوكلت وشربنا السندوتش وهو يجينا صوت (عااااااااا عاااااااااااااا


والا الله لايعيده اللي انتم خابرين...

واوحي راعيه يناديه (ياكيتفيلد..ياكيت فيلد...ووهو يجي على حس الصوت ويفرفر من هنا وهنا..

قلت لايجي ينخش بين رجولي الحين عاد لااقلبها عاليها سافلها ...


وهو اشوى يجي من جنب ويزرق لراعيه ...

اجعل الله يمحاكن عن وجه الارض يهالتسلاب...


شي شي...وكلما نبح فزيت من مكاني وكنت اكتب مذكرات في دفتر ماقدرت من نباحه..

هيامال اللسنة...


عاد حتى على البيتش حاطين عروسة بابا نويل ...اللي هو سانتاكلوز...


اللي هو انت يالشايب راعي القرزمز...

طبعا هالرجال ماندري وشو من لحية سوى انه قديس يظهر في العيد ويهدي لليتامى والمساكين والاطفال امانيهم حقت القرزمز...


طبعا تصوير هالشخصية استغل بشكل رائع وفظيع في الاعلانات التجارية والقصص وتشوفين موسم النماء الاقتصادي في القرزمز يزدهر بسبب هالشخصية الأسطورية المرتبطة بالعيد....


خصوصا انها تكون مرتبطة بالثلج والبرد فكان هالقديس يطلع بلحية ثلجية وشعر ابيض ثلجي وملابس تدفي...

همن يطلع بالسماء يوم العيد وهو يقول (هاهاها) زي ماكنا نشوف بافلام الكرتون وحنا صغار...

عاد انحن ياخنت حيلي لاعندنا لاثلج ولابرد ولاامنية عيد ولاخرط ماعندنا الا حقاق وعيدية (خمسة ريال) ان كان ابوتس وامتس راضين عنتس بعد...ولاكانتس مسويتن شي ليلة العيد حتى الخمسة ماتشمينها
:) :)



عاد هالحكي ذكرني بمقال قد قريته في منتدى قديم فرّث تسبدي من الضحك...


هالمقال يسخر من المسلمين اللي طايحين يحتلفون بالقرزمز ياعله موب حليل ولايفكرون يحتفلون بالضحية ولاالفطر ويحطون شجرت عيد ميلاد ولمبات وبوبلز و...


واهههههههههههه


واهههههههههههههههههه


:)

طبعا المقال لو بتقرونه كل وحدة تبي تنهبل من الضحك...


لأنه كان يقول ان ليله رأس السنة القروية اللي يحتفل بها القريكية اللي يحسبون ان التطوّر انهم يطلعون من درايشهم اللي في العلية وهم ماعليهم الا فنايل علاق عشان يستقبلون البابا (طهيميج) وهو يوزّع عليهم أمنيات العيد على البعير اللي هو راكبن عليه...

لعن ابو بليسكم هلحين ضاقت كل مناسبات السنة الا نحتفل بالقرزمز ؟؟

طب هو مناسبة دينية لها قدسيتها عند النصارى...طب انحن منحب نصارى ؟؟؟


وش دخل آآآآبونا نحتفل بالقرزمز يامال فرقى العين؟؟؟

وهالتقصير المريع في احتفالات العيد الاسلامية الفطر والاضحى تلقين الواحد منهم متنبلن في فنيلته وصرواله (من اربعت ايام ) الى الظهر ماقام حتى يعيد ويفطر مع المسلمين ولا يصلي العيد ولايحضر الضحايا ...

همن يجي يحتفل بالبابا طهيميج وقرزمزه لابوك لابو قرزمز؟؟؟



:)


.............



يتبع

ههههههههههههههههههههه

خطيييييييييرة ....

كملي يالغالية :)

اقول يابدوره ياخطيره ,,,

لوأنك قايله لأبوكم جعلني ارقص في عرسك }}}}} كان شرى لك الفستان هههههههههااااه

كملي ياالحلوه,,,متابعين

هههههههههههههه يابنت نجد والله انتس صادزة !!

بدورة عساي ما اذوق يومتس :) هولمي وانجزي علينا , عسى اهل الزلفي سالمين :)
ياحليلكم تدورون الشميسة حنا لو نشوف الشمس تسان تصير النفس ما اهنا اشين منه
نبي المطر محرومين عنه شهور عسى ربي يغيثنا :)

صورة للزلفي :
http://www.momra.gov.sa/mun/images/MUN021-1.jpg

:) انجزي علينا

كملي يابدوره منتضرينك