حتى هذا رفض يشتغل بعد..


على كل حال احس الموقع معطل ومن الصعب اضافة حلقة جديدة من القرزمز...


ابجيكم باتسر بحول الله وقوته واعطيكم بقية سوالف لنده ...

لنده يالنده...

مبروك الردود 300 عاد نبي صورة لنده
هههههههه

رهيبه رهيبه رهيبه
وبانتضاك

يعني يانواعم يوم صرت ام 300 رد تسني ام عشرة


وام عشرة قلعة شجرة على قولت الاولين

.....

يوم انا طلعنا من المترو ولا تسني بسم الله طالعتن من قبر...هو صدز انا طلعنا من الأرض ؟؟؟:)



بسم الله عظايم اسمه...



والا والله هالشارع الكششششششششششخة...

اللي لو يبي يمشي به الصارور كان زلق من نظافته...

:)
وش....وين حنا...


بلنده ولا بروما...ولابنيس...ولا بفينيس

ياخنت حيلي ولهتن على النظافة والشوارع السنعة ماقد شفتهن الا بالتلفزيون...

واشوف اثنين قاعدين قبال باب محل طوييييييييييييل...وينزل واحد من شيوخ أوربا...

يالله يمشي من الدلع والفسق...


ويبي يدخل ويقحص واحدن عليه جاكيت اسود وقبوع اسود تسنه من رجال الاولين ..ويفتح له الباب وهو ماسكن المقبض بفوطة!!!!!!!!!!!


من النظافة يقالكم يعني...؟؟؟



ولا من الدلع والديق...


انا اخبر هالحركات ياعله موب حليل يسوونه بمراكز عمر فتيحي يقعدون فلبيني وظيفته (فتّاح بيبان ) ...
:)

اذا اقبلتي على الباب قحص بفوطته تقل يطلّع صينية كروسان من الفرن ....ويقضب الباب ويفتحه لتس


ياناس....ياناااااااااااااااس


الملك للي مايزول ملكه سبحانه....


وشهوله هالفشخرة والخرط الفاضي بتاع البريطان ده ؟؟؟لابوكم لابو قبابيعكم السود


وشارعكم اللي يهبل يامايفير...

ويقول رجلي وووووووووه....وش جابنا مايفير الحين ..




قلت ياخي متكاثره علي ؟؟؟

غوه خل نروح لهالمبنى ندخله ...

ودوك الكاميرة صورني إذا فتح لي الباب...

:)
تكككككككككككفى ان تصورني وهو يفتح لي الباب وبنشر الصورة بالانترنت ...

بدّورة في شارع مايفير وابو قبوع يفتح لها الباب...
:)
ماتدري لو حسبوني الناس رجلة أعمال (مؤنث رجل أعمال يعني ) ونزلت علينا ثروة...


ولاخطبوني حدا شيوخ القصر الملكي ولاخطبوا منا وطاحوا علينا يحسبونا من شيوخ الجزيرة العربية...

وهو يجيني هواشن ماقد سمعته بحياتي بس ميخالف...

قلت بالله عليك تدري هذا كم سعره بالمنوبولي؟؟ياقروي يامتخلف يارجلي؟؟؟


هذا مايفير يابوي موب شبرا ولاالملز ولاظهرة البديعة...

منول اخوي يكوّش عليه يشتريه قبل لايطيح بوسطه (من الغش)...


ويصرفني بالأحياء الخايسة شارع بوند وبيكادلي وترافلجار...

مع ذلك كنت انا اللي افوز عليه ...


وبالطق والطقيق يمعطني عشان نروح بيكادللي


حبيبتي هماتس تبي تاكلين ؟؟؟غوه بيكادلي


قلت طب خل نوقف عند ستار بقس نشرب كاس واحد كبتشينو نصه انا ونصه انت...


وصورنا واكتب


(ذكرى ستار بقس المايفير...)

:)

قولي آمين ...

الله يذهبتس من قروية ...


يابدّورة...

:):)



.......

المهم ونشعبها قدام ....وقدام قدااااااااااااام...


إليييييييييييييين سمعنا صوت هالطبل اللي تتن تتن طم طططم


طبلة بوسطها شين يقرقش...


ونسمع ونشوف ناس متجمهرين قال خلاص هذا البيكادللي سيركس...

قلت سيركس وشو؟؟قال سيرك

منول بيكادللي وهو سيرك ...ولحين مازال فيه عروض سيركية وتجمعات للمهابيل

وحنا نقرب من هالصوت والا والله واحد انغليزي يطااااااامر وخويه يصوره ويرقص تقولين رقص شرقي

واللي يطبل لابسن وزار برتقالي (وهو بريطاني اشقر مرة ) وحالقن راسه كله صلعة ماعدا بلبوصة صغيرة في دويرة راسه ...

هذولا طبعا العبّاد البوذيين ...وذا خوينا يطبل طبلن يوحش القلب والناس ترقص وتصور


قلت لابونا طب ورهم الرقص الصاحي ....والا ماعندك احد ؟؟؟


قال اقول انا بطني يقول قرررررررر


لو برقص على نغمة رقصت على نغمات بطني وهو يقول قرررررررررر



لايابعد قليبي يابونا..اجل جويعان؟؟؟؟


............



يتبع باتسر ان شالله ياحبايب

بنات ليه مارديتوا

خلاص عقاب لكم منب مكملة خليكم تنقهرون

وترا باقي القصة يهبببببببببببببل

بس عقاب لكم منب مكملة لين تتأسفون لي...

:)