هاا بدورة , رضيتي , رحت لقبة رشيد اشري لتس هالكرتون :)
هماه بس بدورة ترضى , كل شي يرخص له :22:

وهـ ياناس وش ذا الملح الي يذر علينا ,, وش هالزين الي يسولف علينا ,, وش هالقبله الي زعلانه علينا ( بالله ماانفع شاعرهـ؟ )

وقسم انتس خريشه يابدور الله يخليتس لكل عين ترجيتس كملي وسولفي وبادية الجريش على سمنة الغنم واصلتس واصلتس الله لايعوق بشر ..

وقسم اني ماغير اضحك على هالسوالف الله يسعدتس وهذي ورده من لنده لتس :26: بس كملي ..

صدق يازارا امك زلفاوية وابوك عنيزاوي؟؟

ترا لنا اقارب واااااجد في الكويت وكثير من اهل الزلفي لهم فروع في الكويت...


مانلعب حنا نبي نسوي عملية توسع سياسي وعقبال نحتل أمريكا الشمالية كلها :)




اما أم تشارلز فماأظنها تبي رز بدقوس ...فيها قرحة بالمعدة الضعيفة من هموم الشعب ومشاكل الرعية وقصص هالبنات الصايعات اللي طالعاتن من يدينها....

ماتشوفينها تشرب القهوة من دون هيل المسيكينة:)

والتمر تاخذ حبتين بس...عشان مايترفع سكرها...


ياغالية ماتتصورين قديش فرحتني كلماتك الجميلة وقلبك الصافي...

الله يرضى عليك ويوفقك قولي آمين


...........



عنود الصيد أصلا من اسمك خلاص صرتي شاعرة مادام صيد وعنود بس ناقص عليتس صقر ولطمة ..


والله ياانا فرحت بكلماتك فرحة مالها حد ...خصوصا اني كنت اليوم متنكدة شوي بس الله يفرحك ويسعدك زي مااسعدتيني بكلماتك...


انا ابهج لحظاتي لما اعرف ان فيه أحد ابتهج وضحك وابتسم بسببي....

والله خليتيني فخورة ياغالية...

والجريش اصبري علي بدز لتس العنوان قامت تسبيدتي تهفهف ...

بس الله الله كثري السمنة والبزار...

.......

نواعم أبي كرتون كبير ييزي لست شهور...

وين هالكرتون يبي يقضي بيومين....

تسان تروحين للمعيقلية تشرين لي بسعر الجملة ويطيح عنتس عشرة ...:)


جايتكم يابنات بنهاية سولافت لنده...


وعندي عقبها سولافتن تهبل صدز....


انتظروا علي ياغاليات...

مشينا من عند البوذي وهو يطبل ويطنطع وهشوى هو يقضي من الشوط ...


(ياليت يابنات انا كنا هناك كان عطيناه خمسين ريال وقلنا له مايطب معنا أحد )

بس مشكلة منين نجيب رواق يغطينا :)


كل هالأفكار السيئة مرت في بالي وانا أتبع رجلي الذي يمعطني من يدي (تقل نعيجة يابعد قلبي ) :)

مادريت الا ندخل هكالمطعم ذي الكراسي الحمراااااااااااااء


والبلاط الآزرق...



والعمال اللي صافين عليهم طرابيش كحلي ...


والناس طابوووووووووور زحمة


ياناس ذا المطعم مهوب غريبن علي...


وريحة البرغن (البرغر لغير الناطقين بالقروية) مهيب غريبتن علي ...


برغن؟؟؟؟؟؟


طاعون ..


قلت لرجلي وش هالمطعم اللندني البيكادللي الفاخر اللي مهوب غريبن علي...

التفت علي قائلا فديت خشته :

أبدا ياعزيزتي....

إنه....


برغر كننننننننننننننننننننننغ...!!!!!!!!!!!!!


.............................



عندكم تعليق؟؟؟


أنا ماعندي ...!!!!!!!!!!!

:)




يتبع

طبعا تسبدي اشتبت ...ووصلت حرارتها إلى حرارة مفاعل نووي من الحرّة...


طبعا أنا لمن يعرفني مافيني ملح إلا عصّبت...

هادية وحبيبة وعلى نياتي لدرجة السذاجة...

بس إلا عصّبت أتهاوش مع ذبّان خشمي ...



لعن ابو بليسك جايبني لندن ومركبني المترو ومشعبني مايفير الى بيكادلي عشان تغديني ببرغر كنغ؟؟؟


عاد من حب البصل لفص الثوم


اولا من الانتفاضة الفلسطينية عام 2001 مااكلت منه بالسعودية


تبيني الحين آكل منه وانا بلنده بعد؟؟؟


ثانيا ...وثالثا...وعاشرا...

لعن ابو بليسك وش ذالرومانس ؟؟؟


يوم انك نفصت ووديتني عقب كل هالعيشة المتعوسة ببرايتن وأحلام اليقظة واحلام الليل (وكلهن يوحشن :) )

وجبتني هنا ...وقلب المدينة ...وهاقني قايمن قاعد كلما طرّيت السفر قلت لي احمدي ربك انتي على بعد 45 دقيقة من لندن التي تشد اليها الرحال كل صيف ...


يوم جبتانا هنا ...برغر...تبن؟؟؟


وآآآآآه يالمفاعل النووي وصل منتهاه وتسبدي ورمت صارت هااااااااذا كبرها بغى ينشق جلبابي...


واخرطم صدز ...صدددددددددز........


عاد هو استحى بالعاملة الهندية قال وش تبين ...اطلبي بسرعة...وش بتس؟؟؟

ابد ماابي شي..


أقول عن الدلع ....بطلب لك سلطة...

خلاص بكيفك ...


ونرقى بطلبنا فوق...


وانوااااااع النكد ...

قلت ابي اروح للحمام...


قال بكيفتس ....هم يم ...ويبدا ياكل سندوتش دجاج (زاد علي النكد انه ماطلب أكل نباتيين لنفسه ولاقدرت حتى اتكلم او اهاوش ماعاد فيني عقب سالفة البرغز كنغ ....


وافتح علبة السلطة ولاها والله دجاج!!!!!!!!!!!


سلطة دجاج ؟؟؟


قام يهاوش : ياشيخة بلا وسواس ...طب خلاص ان اباكل الدجاج وانتي اكلي السلطة !!!!!!!!!!!!!!


خلاص الإتتتتتتتتتتتتش....ضرب معاي صدق...صدق...

جوعانة...ومقهورة ....ومسفوهة...و...وكل الاشياء اللي تنفخ القولون....


قولووووووووووني...ياقولوووووووووني

(عاد التسذب خيبة مافيني قلولون بس على هالنحو شهر شهرين وبيجيني:) )


قلت ابي الحمام...بروح الحمام ...

بروح اصيح ...اصرخ....اخبط راسي بالجدار على الاقل افش شوي...

قال بكيفتس....

واروح للحمام قبالي ومن التعصيب ماشفت الزبالة اللي كانت سادتن المدخل حقه وهو مكتوبن عليه (خارج الخدمة مؤقتا...)


وتطلع شياطيني صدق على عامل النظافة وانا اسأله فيه توليت ثاني؟؟؟

وانزل تحت والقى مكتوبن (خارج الخدمة)

اجعل الله يذهبكم صدز ...



وارقى فوق واحط عيوين بعيون رجلي...

آخر شخص ممكن أفرغ غلّي فيه ...!!!!!!!



أجزززززززززززززززززززززززززز

......


من هنا وطلعنا وانا شياطيني تكبر وتكبر...

أولا برغر كنغ الله لايعيدك من مطعم

وثانيا أدركتنا صلاة الظهر والعصر ماصلينا...وكل ماقلت خل نصلي بأي مكان ماكثر الله الا الحدايق...

قال لا..

طب اوكي نبي نجمعهم باعتبار اننا مسافرين ...


بس خل نصلي بأي بارك ...


الرجال يبدو انه ماكان شايف تعصيب حقيقي والا كان وقفنا بأي حديقة وصلينا عشان ماانفجر صدز..

لكن ماكان هامه ومر علينا الوقت...ز

انا ماقدرت استمتع ببقية الوقت وانا قلبي في الصلاة فعلا تعذبت بقوة...

وهو بالمقابل طايرتن عيونه وموب لمي...

انتبه أخيرا وهو توه داخل وقت صلاة العصر (ثنتين ونص ) قال خلاص لجيتينا تبين تصلين؟؟

يالله أجل خل نرجع البيت!!!!!!!!!!!!!!!!!!!!!!!!!!!

طبعا هذا عند مترو البيكادلي...




علما بأننا أصلا ماوصلناها انتي يالندن الا ثنعش...


انفقعت كنداستي هنا...

آخ ياقولوني...

ترا خلاص جاني قولون...:)
......

يتبع...