يامرحبا يالغاليات بقولكم مقلب خطير
سويته في :arb:ابوالشباب بس مقلب خطير شوي لاكن مانصح احد يسويه لان زوجي بسم الله عليه كان بيروح فيها
من الخرعه اخخخخخخخخخخخخخ
انا احب اسوي فيه مقالب بس والله دايم خفيفه وسهله منها نتسلى ومنها تغير الروتين بس المقلب هذا غير كل المقالب اول مره انتقم كذا ليش لانه
بصراحه قالي كلمه نرفزتني كثير
وقلت والله لازم ابرد قلبي فيه شوي فكرت طول الليل ايش اسوي وخطرت في بالي فكره جهنميه طا طا طا حكمت المحكمه حظوريا على المتهم
رحت قلت له شوف انا مراح ازعل بس بسوي فيك مقلب قول والله العظيم مراح ازعل ولااخذ على خاطري جلس يضحك علي قال والله مراح ازعل بس ليش تقولين لي كذا اي شيء بتسوينه بعرف انه مقلب قلت طيب نشوف من يضحك في الاخير
التخطيط للمقلب:
بعد مرور اسبوع على الموقف قلت له عشان ابعد الشبه تراني خلاص سامحتك مراح اسوي مقلب حظك حلو عجزت ادور مالقيت مقلب حلو
قال لي لا ياخسار
قلت في نفسي لاتخاف بسوي
وبعد يومين بدئت بتنفيذ الخطه الجهنميه :
اول شيء ارسلت رساله هنا في المنتدى لي وكان هوجالس قريب مني قلت يالله الله يستر قال وشفيك قلت وحده من صديقاتي ارسلت لي تقول ان في حرامي عندنا في الدمام خطير
مره وماهم قدرين يصيدونه يدخل البيت ينكشه من فوق لتحت ويخطف الحريم
ولايدرون وين يوديهم
يمه حاجه تخوف الله يستر طبعا ماهتم وصرت كل مايروح يصلي اويطلع اقوله لاتتاخر تراني اخاف وهو يقول لي يالله بس مافيه الاالعافيه اشاعه يوم التنفيذ :
خليت عيالي يقولون له بيروحون لاهلي ووافق قالي مراح تروحين معهم
قلت لاعندي شغل ماقدر اروح
وطلبت من اخوي اذا زوجي جاب العيال
لهم يقول له انه سمع ان في نفس الحاره حقتنا فيه حرامي ويقول زي ماقلت طبعا اخوي جنني بالموت وافق
يقول احراج ترجيته لحد ماقنعته وفعلا اول ماشافه قاله عاد زوجي مسكين يقوله انتبه تقول لختك تراها خوافه والله ماتنام لودرت مسكين اخخخخخخخخخ
طبعا جاء دوري نكشت الصاله راسا على عقب وحستها وجبت الالوان المائيه الي تجي عصار الون الاحمر خلطته بالمويه ونثرته على السراميك يعني انه دم
ونثرت الغرفه وفتحت الدولاب ونثرت واحد منهم كلها وطبعا انا عشان اظمن انه مايتاخر قلت له جيب لي صابون عشان اغسل الملابس جيبه وروح ابيه ضروري
نتيجت المقلب :
اول ما دخل
صار يناديني الماهرات الماهرات وانا متخبيه تحت السرير واسمعه يدورني في كل مكان ودخل الغرفه وانا اشوفه يروح ويجي في الغرفه رايح جاي مايدري وشيسوي جلس على السرير وكلم
اخوي قال له الماهرات عندكم قاله اخوي لا واسمعه يقول ياربي معقوله
وين راحت واسمعه يقوم ويجلس على
السرير ومسكين مايدري وشيسوي
وانا تحت اضحك واحط يدي على فمي
اخخخخخخخخخ
الاوسمعه يكلم جيرانا الي جمبنا وشكل ولدهم الصغير رد عليه قاله هلاحبيبي خالتك الماهرات ماهي عندكم قاله لا قال طيب خلاص وسكر
ورجع وتصل في اخوي :
اقولك اختك مالقيتها دورتها في البيت وعند الجيران مالقيتها والبيت معفوس عفس وهي ماهي فيه
طبعا هويعرف زين اني مستحيل اطلع برى البيت من غير ماقوله ويعرفني خوافه مستحيل اطلع بالحالي لو ايش
ساعتها كسر خاطري خفت لايصير فيه شيء يوم حسيت انه طلع من الغرفه
طلعت من السرير وقفلته بالمفتاح حتى اضمن سلامتي وقلت له تراني هنا ترى هذا المقلب الي قلت لك عليه وهو يهز الباب اقولك افتحي قلت له انت قلت والله مازعل ولااخذ على خاطري وزوجي عاد ملتزم اذا قال والله
يعني قد الكلام الاواسمع هدوء واكلمه مايرد واناديه مايرد قلت لايكون صار له شيء فتحت الباب لقيته جالس على الكنب مسكين نشف دمه جيت وبست راسه قلت اسفه بس قهرتني وحلفت
اني اردها قالي والله اني كنت بموت من الخوف والله اني بردها لك وبسوي
فيك مقلب ماعمرك شفتي زيه وجلس مسكين كل شوي يقول الحمدلله انه مقلب
بس انتبهوا احد يسويه لاني والله اول مره اشوفه خايف كذا انتبهوا
والحين وشرايكم في المقلب حلو اولا
هالله هالله بالردود 0000الماهرات
المقلب رووعة بس حسافة انا مو متزوجة علشان اسوي في زوجي خلاص بسوي واحد ثاني يشبهه في اختي هههه
بصراحة انت مبدعة في المنتدى والبيت باختصار ...يسلمووو...