المقادير
لحم مفروم
بصلة مقطعة صغير
بهارت حسب الذوق فلفل اسود
ملح
زيت للقلي
رز
مكعب ماجي
باذنجان
الطريقة يقطع الباذنجان شرائح وسط لا خفيفة ولا متينة وتقلى في زيت حار حتى تحمر (ممكن رشح شرايح الباذنجان قبل القلي بالملح الوافر من الجهتين وتترك ساعة او اقل وراح تلاحظي كمية ماء نزلت بعدها نشفي الباذنجان بنشاف بقوة شوي حتى ينزل الماء كلة مع مسح الملح وبعدين قليها بها الطريقة الباذنجان ماراح يشرب زيت واجد)
نشوح البصل بالزيت ونسوي اللحم معاة مع اضافة الملح والبهار نشيلة على جنب
نسلق الرز ثلث ارباع استواء بمكعب ماجي شوية ملح مع 3 شرايح باذنجان مقلي (او نحط زيت بالقدر بدون رز واذا احتر نضيف بهارات صحيحة-هيل –فلفل اسود-مسمار ونحركهم حتى يطلع ريحتهم ونضيف الرز المغسول بدون ماء ونحركة شوي وبعدين نضيف الماء والملح ونسلقة وقبل لانحطة بالصينية نشيل البهارات الصحيحة))
ناخذ صينية ونضيف نصف كمية الرز فيها مع فرش الرز على كل الصينية (نغطي القاع كلة)
نضيف شرايح الباذنجان ونغطي بة الرز
نضيف اللحم المفروم ونغطي الباذنجان
ممكن اضافة طبقة ثانية من الباذنجان
نضيف النصف الاخر من الرز ونفرشة زين ونغطي الصينية بة
نقصدر الصينية زين وندخلها الفرن لمدة 20 دقيقة او لين ينشف الرز ويكون ناضج
(اذا نشف الماء وبعدة الرز ما استوى نضيف شوية ماء ونقصدرة ونخلية بالرفن لمدة اطول لين ينضج)
ممكن استبدال الصينينة بقدر عادي وبدال اندخلة الفرن نخلية فوق الفرن بنار هااااااااااااااااااادية لين ينشف
عشان تطلع شكل المقلوبة مرتبة لما نضيف جميع الطبقات وقبل لانقصدر الصينية ناخذ قدر اصغر من الصينية ونضغط بة الرز زين حتى يلصق بالصينية وبس وكذا يطلع الشكل مرتب
سلطة خيار بالزبادي
علبة زبادي
علبة لبن صغيرة
ملح-ثوم بودرة
خيارة مبشورة
ربع ليمونة
ملعقة صغيرة نعناع ناشف
زيت زيتون
الطريقة
يبشر الخيار ويسكب علية اللبن والزبادي ويخلط ويتبل بعصير الليمون و الثوم والملح والنعناع الناشف ويخلط جيدا ويزين بزيت الزيتون
لاتنسوني من الدعاء
