جبتلكم طريقة مكرونه سهله مرره والاحلى انها لذيذه دايم اجبلكم اشياء سهله لان ماحب الاكلات المعقده واللي فيها شغل كثير اتعب وبعدين تنسد نفسي ولا اكل منها😑السهل اكل وانا مستمتعه 😎نرجع لمكرونتنا انا بالعاده اخذ لحمه مفرومه بالكيلو واعصجها واقسمها باكياس وعلى الفريزر مره تريح هذي الطريقه والكشنه كمان نفس الطريقه وراح انزلكم طريقة الكشنه خلال اليومين هذي ان شاءالله نحتاج للمكرونه
مكرونه اهم شي انها تكون دواير الذ شي لذي الطريقه لانها تتشرب الصوص اكثر من الاشكال الثانيه نسلقها بمويه وزيت ومكعب ماجي وبعدين على الصينيه ننزل نصها ونحط اللحمه المفرومه المعصجه ببصل وبهارات وملح فقط وبعدين طبقة مكرونه ثانيه ونجهز الصووووص
الصوص عباره عن حبة بيض وثلاث ملاعق ملياانه جبن سايل نخلطها سوا ونصبها على الوجه طبعا كمية الصوص حسب صينيتك اذا كبيره زودي واذا وسط حبتين بيض و6 ملاعق جبن واذا مره كبيره مره زيدي عن الوسط بكميه وحده 
وندخلها الفرن من اسفل واعلى درجة حراره 180 متوسطه واذا بدت تمتص الصوص نطلعها المهم ننتبه مانخليها تنشف من الصوص تصير ناشفه ومالها طعم وعوافي عليكم مقدما مافي اسهل منها🌹🌹🌹
ماشاءالله .. تسلم الأيادي إن شاءالله