السلام عليكم
شوفوا حبيباتي هالمكرونه لذيذه و سهلة جدا
وخصوصا للاطفال راح يحبونها ...مثل ما حبها ولدي
تفضلوا المقادير والطريقه
المقادير -لشخصين-
نص كيس مكرونه ..يفضل القواقع
بصل مفروم ناعم
2 طماط مفروم نااااااعم
1 علبة زبادي
شوييي صلصة
نص علبة دجاج بوب كورن من امريكانا
ملح وفلفل وبهارات ايطاليه
.......................
الطريقه
تسلق المكرونه في ماء وزيت وملح وتصفى
يحمس البصل على نار هادية حتى يذوب ويبدا يشقر عندها نضيف له الطماط ونقلبه حتى يذوب زين ونحط الصلصه
نضيف علبة الزبادي
نضيف ملح وفلفل ونص مكعب ماجي وشوي بهارات ايطاليه وبهار عادي
نقلبه ونخليه على نار هاديه يتسبك
نقلي الدجاج في زيت عميق
نضيف الدجاج والصلصة الى المكرونه ويقلب الجميع ويترك على النار ربع ساعه ثم يوضع في صحن التقديم ويزين الوجه بالجبن -مازارولا او تشيدر او بارميزان
وانا افضل البارميزان
تطلع شييييييييييييييييييييييييييييييييييي
على الطبق الحلووووو هذا
عاد عيالي يموتون في المكرونة
بس يحبونها مسلوقة
ما عليها ولاشئ
تصدقين
أمس كنت في السوبر ماركت إلا بنتي تمسك بعلبة بوب كورن الدجاج ( تراه جديد علي )
وتقولي يا ماما ممكن ناخذ من هذا
وأنا كنت ماخذة لهم ناجيت
فقلت لها لا رجعيه ( وخصوصاً أمريكانا ماأحبها لاهي ولا منتجاتها )
فهل للبوب كورن الدجاج بديل
يعني ممكن أستخدم الهوت دوق أو الناجيت ؟؟
مع الشكر مقدماً ..