مكسراااااااااااااااااااااااااا ااااااااااااات

هلا بنوتاات حلوات امورات ..

من شاف برنامج مكسرات اليوم اللي يطلع على القناة الاولى (السعوديه)

اليوم الثلاثاء ..

سوت دجاج مفروم بالبقسماط .. الاكله كانت مره حلوة وغريبه شوي ..

عاد انا مالحقت اكتب المقادير اتمنى اللي سجلتها تكتبها هناا ..

انا بكتب اللي اذكره بس بدون مقادير مضبوطه مره :

كيلو دجاج مفروم ..

حطت عليه بهارات بس مدري وشي !

ومرتدلا (هي حطت تركي )

وجبن سلايس (حطت قليل الدسم)

اللي وسته انها قسمت الدجاج المفروم الى كور تقريبا اممم اكبر من كورة التنس بشوي ..

ورشت شوي طحين على الارضيه وحطت كل كورة وافردتها بيدهاا وحطت فوقهاا قطعه مرتدلاا وقطعه جبن سلايس (الجبنه قطعتها نصين )

وبعدها لمت الدجاج عليها بحيث تصير شكل مستطيل ..

وحطتها بحليب وبيض (تقريبا نص كاس حليب + 2 بيض) شوي ماطولت ..

وطلعتها وغطتها بالبقسماط ..

وحطتها في صينيه فرن وبعد ماقضت كل الكميه صبت عليه شوي زيت وقصدرته ودخلته الفرن ..

خلته تقريبا ساعه ..


وسوت جنبه بطاطس ودجز (اهله ) بس ماادري بالضبط هي سلقته او لا ..

بس شفتهاا حطته بنفس الحليب والبيض وطلعته وغمست بالبقمسااط .. وطبعا بالفرن ..


ابيكم الحين تعطوني المقادير اللي ناقصتني الله يعافيكم ..

وابي اعرف وشو طريقه الصوص اللي مسويته ؟

وكانت مسويه حلى صح ؟

يمكن خليه ؟

اللي تعرف وشو تكتب مقاديرها وشكراااااا