ملابس الحمل

صباح الخيرات ..

شوفي حبيبتي .. فيه محلين في المملكة ( الدور حق الحريم) مدري وش اساميهن بس واحد لما تدخلين من البوابه لفي يمين وبيصير على يمينك عنهم قطع حلوه يعني هو احلى محل ملابس حمل لقيته بالرياض..بس بصراحة غالي يعني تي شرت عاديه ب300 وجينز ب700 ميه .. هبال الا اذا عندك مناسبه هذا شي .. والمحل الثاني بنفس الدور جنب محل الجزم (ناين ويست) يعني يبيلك نبش موب على كل حال تلافين شي زين .. وعندك في هارفي نيكلز دور الحريم ملابس حمل من مذركير ..
وتلاقين عند بنيتون انا جبت من فرع صحارى . .. وفي محلين حمل بصحاري تلافين عندهم بس برضوا يبيلك نبش وبعض القطع لما تشرينها يبيلها تضبيط .. وشريت من كذا محل ملابس عاديه ميب حقت حمل بس اجيب مقاسات كبار ..وبعض التيشرتات اخذها رجالي علشانها وسيعه .. بس زي ماقالت ندى لا تكثرين .. انا صادفت انها اجازة صيف وكثرة العزايم ولا ما كان اهتميت .. فيه جلاليب حليوه بس انا بصراحة ما عندي الا جلابيتين امي جابتهم ولا انا ماني حريصه على الجلاليب ابد ... بس للأسف لبس الحمل عندنا خلااااااااااقين

والله يقومني واياك وكل حامل بالسلامه

هلا اختي

شوفي انا كنت اخذ ملابس الحمل من ,,,,,

1)بنتون

2)مذركير

لأنها قطن ومريحه :26:

حياكم الله خواتي ..

وش الاحوال ..

كل عام وانتم بخير وينعاد علينا وعليكم كل سنة انشالله والله يتقبل من الجميع

بغيت مساعدتكم اذا مافيه كلافه عليكم

ودي اعرف محلات ملابس الحمل في الرياض
ابي محلات بضاعتها حلوه

ابي محلات فساتين رسميه
وبعد ابي البجايم والقمصان حقات النوم

وين القاها لاهنتوا

والله يعافيكم

مرحبا اختي ايام العمر...

فيه عندك محلات مراحل في العثيم مول , المجد , صحارى , الاندلس ... والبضاعه تختلف من محل لمحل ... وما اعرف اذا موجود بغير الاماكن هذي ...

وعندك قصر الحوامل بصحارى ...

وفيه اللواء بالمجد ... وعلى طريق الامير عبدالله ...

وفيه محل بالعثيم مقابل اوكايدي لملابس الاطفال بس ما اعرف اسمه ...

اتمنى اكون افدتك وهذا اللي عندي ...

السلام عليكم بالنسبه لملابس الحمل زي ماقالت اخت اللولو هاذي المحلات عندها اشياء حلوه وفيه محل بالاندلس فوق اسمه ماقبل الامومه وفيه مراحل بالمجد وفيه لواء بطيبه و فيه اسواق العقاريه الثالثه وممكن تلبسي جلابيه واسعه وكشخه عند محل اليشمك في طريق الملك فهد واسواق عمر السدحان بالعليا واي شي انا حاضره والشهر عليك مبارك==================