ملاحظه عجيبه لابد لها من تفسير

مساكم الله بالخير . . الملاحظه يا أخوات متعلقه بالمواد الإستهلاكيه الي نشتريها كل يوم من البقالات والسوبرماركات . . فيه ثلاث منتجات استنكرت انها غير موجوده في الدول الأوروبيه ولاتباع في بقالاتهم ومحلاتهم التجاريه هي الكلوركس , والديتول , والجبنه السايله المعلبه . . رغم انهم الي ينتجونها لكن يصدرونها لنا وما يستهلكونها ليه الله أعلم . . وهذا الكلام ماهو منقول ولا سامعته من أحد هذا الي لا حظته وشفته بعيوني لافي بريطانيا ولا فرنسا ولا النمسا ولا أسبانيا ولا سويسرا , استنكرتها في البدايه في بريطانيا لأنها أول دوله زرناها ومع السنين كل ما سافرنا لدوله أحط عيني , لاحظت ان كل شي يباع عندنا موجود عندهم حتى البضاعه الصينيه غازيه اسواقهم تماما مثلنا . .
تباع عندهم جبنة كيري والمثلثات والجبنه المبرده زي فيلادلفيا وانواع الأجبان التشدر والجامده
أما الجبنه السايله بكل أنواعها ماشفتها على انهم بلدان البقر والمراعي الخضرا وهم محتكرين تقريبا صناعة الجبنه السايله لكن الظاهر يصنعونها علشان يصدرونها لدول العالم الثالث وما يهمهم الا الكسب المادي لأنها فعلا مليانه كوليسترول وهذا الي يجعلها سهلة الدهن بسبة الدهن المشبعه به
وهذا هو السؤال ليه ما يبيعون هذي المنتجات رغم انهم هم الي يملكون علامتها التجاريه ويصنعونها في مصانعهم ومحتكرين تصنيعها ؟
هل لانهم اكتشفو ان هذي المواد مضره وخطيره على صحتهم وبيئتهم ؟ اعتقد هذا الي صاير . . والعلم عند الله