ملجت.. بس عندي وايد مخاوف..

خير الامور أوسطها، يعني لازيارات كتيرة ولا قطيعة ، بين بين
كل اسبوع اسبوعين زيارة مع وجود الاهل او تلفون حتى تستعدي نفسيا وتتعودي عليه شوي

شوفي ياحبيبتي عاادي الي يصير لك
انا كنت نفس حالتك احد يقول لاتكلميه ابد واحد يقول كلميه
بس عشان زوجي مو في الرياض ماكنت اقدر اطلع وياه واصلا كنت رافضه حتى لما جاء قبل الزواج
لكن انتي كلميه واعرفي شخصيته وخليه بعد يعرف شخصيتك
بس اذا ماتبين الطلعات مثلي لاتطلعين
لكن انا اشوف صديقاتي مبسوطين بالطلعات بس على حسب شخصية البنت اذا كانت جريئه وبسرعه تتقبل الوضع
لكن زي ماقالت اختي نجمه خير الامور الوسط ولا افراط ولا تفريط
شوفي اذا ترتاحين للمكالمات كلمي بس وضحي له انك ماتبين الزيارات والطلعات وصدقيني يمكن يتضايق بس بيحترم رايك
وبيحس فيك وبيعرف انه من عفتك واخلاقك ماقدرتي تتقبلين الوضع مع انه شي حلال

انا اشكر فيك هالحياء النادر
وصدقيني والله مع الايام بتزيد محبته لك
وطالما انت ملكه يعني يجوز تتكلمين معاه
لكن من نظري في حدود
وياليت يتم الزواج بسرعه علشان ما تحسين نفسج مثل الضايعه
ومره قريت لاحد الرجال في هالمواقع يقول
المراه لا تتغلى ولانبيها مثل الملهوفه علينا يعني نبيها مخلوطه بحيا زمان مع شطارة البنت اليوم بتصرف

اول شي مبرووووك الملكة حبيبتي وعقبال العرس..
ثاني شي..صدقيني هذه الفترة هي من احلى ايام حياتك ..بمشاعرها المتضاربة..بالخوف.بالقلق..بالحب..بالرومانسية..بكل ما فيها من تعب ..وجمال..
لا تكن صلبا فتكسر ولا لينا فتعصر..
فتعرفك على زوجك من خلال الهاتف ليس عيبا او حراما..بل على العكس يمكنك فهم جزء كبير من شخصيته..كما يمكن له هو ايضا فهم جزء كبير من شخصيتك..اضافة لذلك ..فلا مانع من زيادة المحبة والتفاهم بينكما طالما كان هذا ضمن الحدود والاعراف وبما يرضي الله..
ولا تنسي انك الان زوجته شرعا..لكن الاعراف والتقاليد تضع قيود يجب ان نحترمها..ولكن لا تجعلي الخوف يفقدك حلاوة ومتعة هذه المرحلة..لانها صدقيني فرصة لا تعوض لكل من الطرفين ..وستترك ذكريات جميلة جدا..وستشتاقين لهذه الايام بعد الزواج..
اما الشوق فبالعكس..كيف سيشتاق الزوج "في الملكة" لانسانة لا يعرفها..ولم يكلمها او يشعر بها؟؟؟
بشطارتك ستجعلينه يتعلق بك..ويشتاق لك..شدي وارخي..تكلمي واسمعي..ضعي حدودا وضوابط..ولكن تفاهمي معه وافهميه..
هذا رايي وعن تجربة..فانا اتمنى ان تعود ايام الخطوبة بكل ما فيها..فهي من اجمل ايام حياتي..
مبروك حبيبتي مرة ثانية..واتمنى لك حياة سعيدة..

يزاكم الله خير خواتي على الرد والمساعده.. واسمحولي تأخرت في الرد بس كانت عندي مشكله في الكمبيوتر..

مشكوره اختي نجمة النجوم.. وصدقتي خير الامور الوسط

هلا الغاليه ^^ماما^^ . مشكوره اختي على ذكر تجربتج.. وتسلمين الغاليه طمنتيني.. وان شالله تمشي الأمور على خير

هلا اختي lawsi.. تسلمين الغاليه .. ويزاج الله خير شجعتيني.. مع انه وايدين عقدوني وقالوا الحيا ما ينفع هالايام! وقالولي اللي تستحي تضيع وما يبيها الريال!! واصعب شي هو الخلط بين الحيا والشطارة بنت اليوم.. الله يعين..

هلا اختي التوت الزاكي.. الله يبارك فيج الغاليه تسلمين.. صدقتي والله هاي فترة المشاعر المتضاربه.. وبصراحه شجعتيني اكلمه... للحين ما كلمته!

الله يستر ودعواتكم الغاليات..