تسلموا يا جماعه على مجهودكم ويارب يجازيكم خيرااااااااويبارك لكم

أنا آسفة اني سبت الملف يا بنات بس احنا حملنا اللينكات بتاعة الملفات في ملف استشارة مطبخية 4 وتوقعت ان الكل شافه سامحوني بس يظهر بنات مش لاقياه لأن كتير بيطلبوه مني

عامة انا دورت في الخاص ولاقيت لكم

الكيكات والمعجنات

http://www.4shared.com/file/23911384...2/_online.html

معجنات

http://www.4shared.com/file/23912480...c/_online.html




بالنسبة للأصناف الحادقة الملف كان ضرب مني بعد ما نسقته فاللي عندي في البيت نسخة غير منسقة وبأمر الله هاحاول انسخها واحطهالكم اليوم او بكرة بالكتير ان شاء الله

رمضان كريم

طمطم يا جميله ....جزاكي الله كل خير علي المجهود الكبير ده ربنا يبارك لك

انا دلوقت هانزل الحادق بس من غير صور معلش يا جماعة الوقت ضيق جدا ومش ساعفني

مندي لحم
مندي الفراخ


تتبيلة الفراخ
فرخة لا تزيد عن 1 و نصف كيلو
بصلة وسط مبشورة
جزراية وسط مبشورة
فلفل رومي اخضر مبشور
ملح و فلفل
كمون
(حبة صغننين نصف ملعقة صغيرة مثلا)
نصف ملعقة قرفة
(يمكن الاستغناء عنها للي مش بيحبوا يتبلوا بيها)
عصير ليمونة
نصف ملعقة كاري
ملعقة كبيرة كسبرة ناشفة مطحونة ناعم
في الخلاط نضرب
(ورقتين لورى+2 حبهان+2 فص ثوم+نصف ليمونة ناشفة(لومي)
للأرز
2 كوب ارز بسمتي
نصف عود قرفة خشب
ليمونة ناشفة
(لومي)
ملعقة كركم او زعفران لو متاح
2 ورق لوري
2 حبهان
2 قرنقل
سمن او زيت ذرة
بصلة مبشورة متوسطة
مكعب مرقة دجاج
(يمكن الاستغناء عنه في حاله استخدام شربة)
لو استخدمنا شربة يبقي نحط 2 كوب
ندخل علي الطريقة بأه
نتبل الفراخ الاول
مش محتاجة وقت في التتبيل خالص
نغسل الفراخ الاول بالماء و الدقيق و الملح و عصير ليمونة
و بعدين ندعكها كويس بالملح و الفلفل في العظم
و نقطعها نصفين او اربع ارباع
و بعدين نشرطها بالسكين كده





و تتبيلها بالتتبيلة بتاعتها اللي قلنا عليها في الاول
في العظم و بين الجلد و اللحم و في الفتحات اللي شرطناها بالسكين



و نركن الفراخ علي جنب لحد ما نجهز الأرز
في الصينية اللي هتعملي فيها الارز او في حلة عادية
نحط شوية سمن او زيت علي حسب الرغبة
و نحط فيها البهارات بتاعتنا
القرفة الخشب و ورق اللورى و الحبهان و نقلب كويس لحد ما ريحتهم تتطلع


(الصورة ديه مش بتاعتي علي فكرة)

و بعدين نحط البصلة المبشورة و عليها ملح و فلفل خفيف و تقلبي لحد ما تبدأ تذبل

و بعدين تحطي عليها ملعقة الكركم
او ملعقة صغيرة زعفران مذوبين في قليل من الماء
و تقلبي كويس
و تحطي الارز و تقلبي لحد ما يبدأ الارز يتحمر
و بعدين تحطي 2 كوب شربة
او مكعب مرقة الدجاج+2 كوب ماء
(لكل كوب ارز كوب ماء او شربة)
نجهز بأه المندي علشان يدخل الفرن
و تحطي الارز في صينية عادية او صينية بايركس
و تغطي الصينية بالورق الفويل
و تخرمي الفويل بطرف سكين صغير بالشكل ده
علشان التتبيلة بتاعة الفراخ و هي بتستوي تنزل علي الرز و تديله النكهة
و ترصي الفراخ فوق الورق الفويل

و بعدين تغطي تاني الصينية و عليها الفراخ كلها مع بعض
كده

و سيبيها في فرن تكوني مسخناه من 10 دقائق علي درجة حرارة عالية (250) لمدة ساعة
ولا تقلقي الرز مش هيلزق ولا هينشف
هيعمل بس طبقة ملونة شوي في القعر بس مش هيتحرق ولا هيلزق
انا قلت درجة حرارة عالية علشان الرز ما يعجنش
و بعد ما الفراخ تستوي ننظفها من التتبيلة اللي عليها و نديها لون تحت الشواية


و ممكن تحطي بعد كده معاها فحماية مولعة علشان تاخد طعم الشواء
و بعد كده شيلي الفويل الي عليه الفراخ و اغرفي الارز في سرفيس و عليه الفراخ
ممكن تحطي علي الارز لوز محمر و زبيب
بيدي طعم حلو
اهم حاجة ماتملحوش الارز اوي علشان هينزل عليه تتبيلة الفراخ بالملح اللي فيها
بس كده خلاص بالهنا و الشفاء

الباتونساليه الإيطالى



المكونات
رشة فلفل اسود
اختيارى
سمسم للزينة
كمون حب للزينة
حبة البركة للزينة
الطريقة
اضيفى السكر و الخميرة للحليب
لما تعمل فقاقيع
اضيفى الدقيق و الزيت
و الملح و التوابل و اعجنى جيدا
حطيها فى بولة مدهونة
وغطيها عشان تخمر وتتضاعف فى الحجم
بعد كده قسمى العجينة قطع صغيرة و ابرميها على شكل عصيان رفيعة جدا جدا
او افردى العجينة بالنشابة و بقطاعة البيتزا او سكينة قطعى العجينة عصيان رفيعة
ادهنى العجينة ببيضة مخفوقة
وزينيها بالكمون او حبة البركة او السمسم
سخنى الفرن
حطى ورق زبدة فى الصينية
اخبزيها 15 دقيقة
و برديها خالص بعدين احفظيها فى علبة مفرغة من الهواء عشان تفضل طازة
3/4 كوب حليب دافىء 1 معلقة كبيرة سكر 1 و 3/4 معلقة صغيرة خميرة فورية 1 1/2 كوب دقيق 2 ملعقة زيت 1 و ربع معلقة صغيرة ملح 1 معلقة( زعتر مطحون +بردقوش+روزمارى)

السمان
اولا ماما بتقولك السمان الاصلى بتاع البورسعيدية والسويسه بيتحشى بصل مش ارز وبيتاكل بعد ما بيتسلق وبيستوى وميطحمرش وحتلاقى طععمه وريحته تحفة
بصى يا سيتى
جهزى السمان واغسليه
هاتى بصله كبيرة (او على حسب عدد السمان اللى حتعمليه ) وقطعيها صغير ورشى عليها ملح وفلفل وكمون وادعكيها كويس قوى (وقبل ما تحشى السمان شيلى على جنب من كمية البصل حوالى معلقه كبيرة على جنب )وبعدين احشى السمان من الداخل مش من بره زى الحمام (بين الجلد والصدر)
حطى السمان فى الحله عادى زى ما بنسلق الحمام بس حطى فى المياه اللى بتسلقيه فيها كمية البصل المتبل اللى احنا شيلينهم على جنب ) لحد مايستوى

ملحوظة (1)
نظرا لان الكبدة والقنصه بتبقى صغيرة جدا فلو حطتيهم فى الماء مش حتبان فهاتى ابرة وفتلة وشبكيهم كلهم مع بعض (مش حتاخد منك ثانية ) زى الحبل وحطيهم فى الماء مع السمان وبعد ما يستووا فكيهم وحطيهم على وش الارز

ملحوظة (2)
وانتى بتسوى الارز اللى حتكلوه مع السمان تسقيه بشوربة السمان مش بماء ولا بأى شوربة تانية
وبألف هنا وشفا

الشاورمة
المقادير :
كيلو لحم مدهنة بدون عظم ( هبرة ) __ أو للي يحب يمكن غير الى دجاج
عصير ليمونة ...
3 ملاعق كبيرة خل
ملح / فلفل اسود / بهارات / قرفة ( ملعقة صغيرة من كل صنف )
الطريقة :
ننظف قطعة اللحم ونغسلها ..
نضعها في قسم التجليد مدة 3-6 ساعات ( حتى يكون تقطيعها اسهل ) ...
توضع مقلاة واسعة على نار متوسطة حتى تسخن جيدا ( انا افضل استخدام التيفال )
في هذه الاثناء يقطع اللحم المتجمد بسكين حادة الى شرائح رقيقة ( هي بتطلع رقيقة غصب طيب لان اللحم جامد والسكينة تقطع اطرافه ...)
تصف رقائق اللحم في المقلاة السخنة حسب اتساعها ..
يرش فوقها نصف كمية التوابل ...
لاحظوا كيف اللحم صاير رقائق ..انا صورتها قبل اضافة البهارات حتى تبين طريقة التقطيع)
وعندما يبدأ الدهن بالذوبان تقلب الشرائح بملعقة خشبية مسطحة ...
يضاف عصير الليمون و الخل فوق اللحم ...
ترش بقية التوابل فوق الشرائح و تترك على النار حتى تنضج ...
لاعطائها نكهة خاصة و حتى تتفوق على شورما المطاعم فكرت اسوي هذي الطريقة بعد ان تنضج الشورما تماما ..
الزبدة في وسط الفحمة تعطي نكهة الشواء اللذيذة...
نضع الزبدة على الفحمة في قصدير ونضعها على اللحمة ونغطيها حتى تأكذ نكهة الشواء.
العجينه .. تكون موجوده في المخابز ..أو ممكن تعمليها بنفسك ..
المقادير :
3 كاس طحين ابيض
1 بيضة
1/2 ملعقة صغيرة خميرة فورية
1 ملعقة كبيرة سكر
1/4 و 1 كاس ما للعجن
1/2 ملعقة صغيرة ملح
الطريقة:
تخلط المقادير الجافة ثم يضاف البيضة والماء بالتدريج للحصول على عجينة متجانسة ...
تغطى وتترك لترتاح لمدة 15 دقيقة ....
تقسم الى كور صغيرة .... تفرد كل كرة على شكل دائرة خفيفة بعد ان ينثر بعض الطحين
( انا اكثر منه حتى تسهل عملية الفرد )


يحمى صاج او تاوه حتى يصل الى درجة متوسطة يسكب 1/2 ملعقة زيت عافية عليها
ثم توضع الدائرة الخبز وتحرك بحيث يصل الزيت الى جميع اطرافها ... اثناء ذلك ترق الكرة الثانية ...
تقلب الخبزة لليتحمر وجهها الاخر ...ننتظر ثواني ثم نرفعها ونضع الدائرة الاخرى ...... وهكذا
خلصنا الخبز ... نلفه في كيس بلاستك حتى لا يجف ...


وضع الخلطه :


بقدونس مفروم
بصل شرائح رقيقة ومقلب في سماق ( انتبهوا للسماق لا يكون خشن الطحن لانه يخرب الشغل كله )
طحينية او ( طرطور ) وهو يتكون من: كوب شاي طحينية + عصير ليمون الكمية حسب الذوق ( 2- 4 ملعقة كبيرة
+ ثوم مهروس الكمية حسب الذوق ( من فص الى فصين ) + ملح + 1ملعقة كبيرة زيت زيتون
+ زبادي تقريبا كوب شاي الى كوب ونص ....يمزج اولا الثوم مع الملح حتى يذوب تقريبا ثم يضاف اليه الطحينية
و الليمون ويمزج جيدا ...نلاحظ ان المزيج مع الخلط يقسى ويتماسك يضاف الزبادي تدريجيا ... ملعقة ملعقة ...
ويخلط بعد كل ملعقة جيدا...لانه لو اضيف دفعة واحد فان الخليط يتكتل ...يضاف زيت الزيون في النهاية )
نفرش قرص الخبز .. ونضع : القليل من اللحم ... القليل من الطحينية ... بقدونس ... بصل بالكمية اللي نحبها ..


عزومة
كانت عبارة عن نواشف يعنى ولا خضار ولا صلصة ولا تسبيك ولا صوانى

نبدأ بسم الله
ديك رومى
ارز بالخلطة والمكسرات بس زودت القرفه المرة دى
ضلع بتلو محشى لحمة مفرومة وخضار ومكسرات وقفلته على هيئة فخدة
شعيرية مفلفلة بالمكسرات
محشى
صبنية رقاق
سلطة خضراء
سلطة طحينة
كبيبة شامى فراخ ولحمة
الحلو ام على وفاكهة
حنزلكم الصور ثوانى

اة نسيت وبط محشى بالبصل وده كان مطلوب منى وعملته بالرغم انى مش شايفه لوجوده اى تلاتة لزمة
خدوا الشيفون كيك جربوه


صينية دجاج تهوس ومجربة ومترجمة لعيونكم يا رب تعجبكم (ملكة الليل )

المقادير
بيضتان مخفوقتان
كوب من جبن البارميزان المبشور او جبن الرومي المبشور
بقسماط
ملعقة من البهار الايطالية وانا ما استعملتها
3-6 فصوص ثوم مفروم
6 قطع من صدور دجاج بدون عظم او جلد
2 ملعقة زيت زيتون
كوب من صوص الطماطم او يمكن اكثر حسب الكمية
جبن موزريلا او تشيدر مبشور
الطريقة
حمي الفرن اولا
ضعي قطع الدجاج بكيس بلاستيك


اطرقي الدجاج بالمدقة حتى يصير حتى يوصل سمكه لربع انش
في طبق مسطح او غميق اخلطي جبنة البارميزان والبقسماط والبهار

اغمسي قطع الدجاج في البيض المخفوق

غطي الدجاج بالبقسماط

في مقلا ة كبيرة ضعي قليلا من الزيت اضيفي الثوم المفروم له ثم اضيفي الدجاج واتركيه لمدة 8 الى 10 دقائق ولا تنسي تقلبيه

ضعي قليلا من صوص الطماطم في صينية الفرن

اضيفي له الدجاج المقلي

ضعي ما تبقى من صوص الطماطم فوق الدجاج

ضعي على الدجاج الجبن موزريلا وضعيه في الفرن حوالي 20 دقيقة او الى ان تذوب الجبنة وتحمر قليلا

واخرجيها وقدميها مع المعكرونة او خبز الثوم و بالهنا والعافية

طريقه البصاره تحفه ومجربه ومعتمده

المقادير:

1 كوب فول مدشوش
نص حزمه كزبره خضرا
بصله
توم فصوص
نعناع ناشف
كزبره ناشفه

الطريقه:

باغسل الفول واحط عليه ميه واسيبه علي النارواقطع عليه بصله متوسطه و الكزبره الخضرا وحوالي 5 فصوص توم بحالهم واسيبهم لغايه لما يستووا تماما واشيله من علي النار واسيبه يبرد وبعدين اضربه في الخلاط (انا بانعمها قوي بتبقي أحلي) وارجع احط الخليط علي نار هاديه واحط التوابل شويه كزبره ناشفه علي شطه لزوم الشطشطه يميم بتبقي جميله وطبعا شويه نعناع ناشف افركه واحطه وملح واكون مجهزه بصله مقطعه صغير واحمرها في زيت (مش سمنه) ولما تحمر اخد نصها بالزيت بتاعها واحطهم علي البصاره وغلوتين واشيلها من علي النار واوزعها في اطباق واسيبها لغايه لما تبرد خاااااااااالص وبعدين ارش البصل المحمر علي الوش وبالهنا والشفا انا باحب اعصر عليها ليمون واكل تجنن بجد ....
الفول المدمس
شوفي ياقمر بعد ماالفول يستوي تجيبي ربع كوب ماء وتعصري عليه ليمونتين وأول ماتطفي على الفول تدلقي العصير ده على وش القدرة بيفضل أبيض وجميل
وفي طريقة تانية قبل ماتطفي عليه بربع ساعة تجيبي ليمونتن وتقشريهم وتحطيهم زي ماهمة على وش الفول بعد الربع ساعة بتلاقيهم طريو خالص إضغطي عليهم بمعلقة ولا حاجة بينزلوا العصير اللي فيهم وسيبيهم على وش الفول
الطريقتين دول بيخللوا الفول زي الجاهز في اللون
وكمان إضافة الجزر والعدس بتخللي لونه حلو بس لاغنى عن الليمون
صينية سمك سبريم في الفرن يميييييييي....وبالصور

http://gmilat.sniper4arab.com/vb/showthread.php?t=486
طريقة الحواوشى المصرى
http://gmilat.sniper4arab.com/vb/showthread.php?t=481

طريقة التشيكن روليت
http://gmilat.sniper4arab.com/vb/showthread.php?t=359
الحقيقه أنه مهما ست البيت حاولت بشتى الطرق توصل لطعم حواوشى الشارع لا يمكن أبدا تنجح فى ده لكن حتطلع حواوشى بيتى نضيف طعمه قريب من الكفته لكن لا يمكن يبقى طعمه زى مثلا حواوشى شلبى بتاع سوق التوفيقيه .. و يقال بين محترفى أكل الشوارع اٍن السبب بيرجع لسيدى الحلى اللى دعا ربنا أنه يخللى أكل الشارع أحلى و ألذ من أكل البيوت !! مقام سيدى الحلى فى نهاية عطفة الشيخ عبد الله فى باب الشعريه ..

لييييييه ؟؟

صلوا على حضرة رسول الله ..

بادىء ذى بدء لازم يكون العيش البلدى اللى بيتم حشوه مخبوز نص خبيز يعنى مش مستوى .. و بيتساب لما يبرد تماما من غير ما يعرق لأنه لو عرق يبقى فسد طعم الحواوشى ..

حواوشى الشارع برضو نوعين ..
نوع رخيص بيبقى عباره عن هياكل فراخ مفرومه و برغل و ليه ضانى أو دهن بقرى خالص حتلاقوه بيمسك فى سقف الحنك بعد الأكل و بصل و فلفل أخضر حراق و خلطة توابل شيطانيه سيأتى ذكرها ..
النوع الراقى منه بيبقى عباره عن بوش و لحمه مفرومه مستورده و باقى مكونات النوع الأول ..
البوش هو ما يتبقى من تنظيف اللحوم عند الجزارين .. يعنى الدهون و الشغت و الجلد و الختم و كده يعنى .. و بيبقى كندوز يعنى بقرى على بتلو على ضانى .. و الكيلو منه فى الجمله ب 7 جنيه .. و يوجد متعهدين لجمعه من محلات الجزاره للمتاجره فيه و أشهر متعهده فى القاهره هى الحاجه نورا عاشور اللى مسكت تجارة المرحوم زوجها فتحى الطحش و قد ترملت و هى فى عز شبابها و بتفوح منها رائحة المسك و العنبر تقريبا فى الأسبوع التانى من كل شهر و عندها تلاجات عملاقه مهوله فى سوق العتبه و المدبح القديم ..
الصنعه الصح للحواوشى لو عاوزين تجربوه فى البيت هى كالآتى :
- كيلو لحمه كندوز ملبسه ..
- نص كيلو ليه ضانى أو بوش ..
- كيلو بصل و يفضل الصغير علشان مايبقاش فيه ميه كتير ..
- نص كيلو فلفل أخضر حراق و يمكن الاٍستغناء عنه أو عن بعضه أو تضاف الشطه ..
- 100 جرام ثوم ..
- 50 جرام كبابه صينى مطحونه و يفضل سليمه و تطحن فى البيت و هى حبات بنية اللون صغيره نوعا و السر كله فى هذه الكبابه الصينى ..
- معلقه كبيره جنزبيل مطحون .. و ممكن معاهم حتة جذور جنسنج كورى للمتزوجين حديثا ..
- - معلقه كبيره قرفه مطحونه ..
- رشة زر ورد ..
- معلقه و نص كبيره بهارات ..
- 3 حبات جوزة الطيب مفرومين ..
- ملح و فلفل أسود على حسب الطلب .. و لا يضاف كمون أبدا ..
الاٍسكندرانيه بيضيفوا على الخلطه دى حزمة بقدونس و هذا للعلم ..
بتتفرم كل هذه المكونات مرتين أو تلاته و بيتحشى بيها العيش و بيلف فى ورق سيلفر طبعا يعنى بلاش ورق الجرائد و لا الورق الأبيض اللى أصلا مصنع من القمامه و على الفرن متوسط الحراره مش هادى علشان ما ينشفش أو بلغة أهل الصنعه ما يتسليش ..

سر الصنعة في الفول
تابع
- الأرز بيدخل كمكون أساسى فى صناعة الفول و الطعميه حيث بيضاف للفول أثناء تدميسه و قبل ما يستوى بشويه علشان يدى له تخانه بعد اٍضافة مواد كاويه مستورده من ألمانيا لسرعة تدميس الفول و يبقى زى اللوز .. و أغلب المطاعم بيسلقوا أرز التموين اللى بيشتروه بثمن بخس من الفقراء و بيضيفوه على خلطة الطعميه علشان تكتر ..