تسلم ايدك ياام زوما
طريقة التورتة ايلى بالمحسن دى هايله
هشترى محسن واجربها بس معقول احط كله على بعضه
بيض وسكر وزيت ومايه والمحسن واضرب مش هتهبط
ولا الاحسن احط على دفعات

الواحد هيتهبل من كتر الوصفات ايلى بيشوفها
تسلم ايدكم كلكم
كلكم مبدعين

بصوا بقه خزنتوا وحضرتوا ايه لرمضان
اللهم بلغنا رمضان

دلوقتى بقه موسم تفريز الخرشوف وورق العنب
والتوم ايلى هيبتدى يخزن وعاوزة اجرب اخزنه فى الزجاجه من غير فريزر
ايلى جربها ونفعت معاه يقولى

ومعندكوش فكره ورق العنب بكام دلوقتى اخر مره كان ب12

التوم بردو بفكر اقشره ويبقى صحيح وعلى برطمان معقم واملاه واصب زيت احفظه فيه وعلى الثلاجه

الخرشوف مش لاقياه تنظيفة مقرف ومعرفش بتباع عند الحضريه ولا ايه نظامه

التوت موسمه دلوقتى انا مخزنه من السنه ايلى فاتت توت اسود مش عارفه اعمل بيه ايه ياترى
ايلى عنده افكار يقولى

القرع العسلى متعرفوش موسمه امتى
عاوزة اشتريه واسلقه عشان اضيفة لعصير المانجو منه قيمة غذائيه ويكتره فى العوازيم
ومنه يخفف ضرر الاملاح ايلى فى عصير المانجه شوية

ايه تانى
لو افتكرت حاجه تانى هقول
مستنية تجاربكم فى التفريز
اوعوا تكسلو تكتبوا
يمكن حد يقرى ويستفاد بمعلومه وتبقى فى ميزان حسناتكم

منوره يا حنونتى ومبروك التوقيع الجميل تستاهلى كل خير حبيبتى
منى انا مش ناويه اخزن الا ورق العنب خصوصا فى اول موسمه بيبقى احلى بكتير وفكرة القرع العسلى مع المنجا دى جديده جربتيها ولا لأ وهل الطعم بيتغير اما تخلطيهم مع بعض ولا مش فارق ؟؟
ام زوما ممكن طريقة كيكة اللمون شكلها جميل ماشاء الله

امانى ما جربتش لسه فكرة القرع العسلى
بس مفهاش حاجه غريبه اكيد هيبقى طعمه حلو جدا
اما الاقيه بس هجيب واجرب واقولك

واحنا فى اول موسم ورق العنب معقول هتخزنيه دلوقتى والكيلو ب12 ج

تسلمى يا قمر ربنا يخليكى
جربيها وان شاء الله هتعجبك وما تخافيش مش هتهبط ان شاء الله ودى فايدة المحسن
واسالى امانى هتاكد لك كلامى لانها جربتها وعجبتها